تويت
فقد تركتها منذ فتره لان البعض اخرجها عن < طورها > ونزولا عند رغبة الموالين بدأت بالكتابه
راجيا من الجميع قرائتها بطور يرضي الله ورسوله واهل البيت صلوات ربي عليهم واليكم
القصيده رقم 3
وزن النصــــــــــــــــــــــــاري
زينب نورت *** الليله وكبرت
نور وشعت بنور *** منه فا حت اعطور
زينب نورت
***************************
الملك والحور كلهه الليله بافراح
وفتح كل ورد والنور قــــــــــداح
بميلاد العقيله العطر فــــــــــواح
صارلهــه الخدر ياشيعه الاوشـاح
زينب هالعقيله ** رمز الكل فضيله
الدنيه هلهلت *** زينب نورت
************************
طشت بالسمه افراح وسعاده
تهني امهه الزجيه بها لولاده
كلام الاولي نطقت شهــــــاده
شهدت للنبي رمز السيـــــاده
املاك السموات *** كبرت بالصلوات
الليله اتفاخرت *** زينب نورت
**********************
خدرهه معجزه متحده الاحدود
وموصوفه العقيله بعلم وبزود
وبهــذا العقل منولد مـــــولود
ومثلهه بالنسه ما اظن موجود
زينب للامامه *** عنوان الكرامه
بيهه اتمسكت *** زينب نورت
********************
زينب بالعلم جانت جديـــــره
وعلى حفظ العهد كلش قديره
مثلهه ماشفت والله وزيـــره
والكل النسه هيه الاميــــــره
زينب هالأبيه *** فخر الهاشميه
الليله اتأمرت *** زينب نورت
*****************
زينب للعقل صارت علامـــــــه
عصمه وغيره موصوفه بشهامه
وبدرب الصبر اخذت زعامـــــــــه
وخدرهه اصبح درس لهل الكرامه
بعصمته عناوين *** هاي اخت الميامين
بعصمه اتوشحت *** زينب نورت
********************
بميلاد العقيله اخت الميامين
نهني المنتظر ويه الموالين
وكل اهل العقيده والمخلصين
ونبقه بهالدرب للدوم ماشين
مانرضه بمذله *** والناصب نذله
الشيعه اتوحدت *** زينب نورت