تويت
بويه . ذبّلهن عيوني السهر
بويه . والليل أشد هم وكدر
بويه . كل لحضه من بعدك دهر. بويه
*** *** ***
من يجن ليلي وتحل عتمة ظلامه
يجمح الشوگ وصعب احكم لجامه
يبدي بعيوني الدمع أول علامه
واعرف بليلي يمسلم ما انامه
شوگي . شايلني بجناح الهوى
شوگي . ليهسه منك ما روه
شوگي . تتلاطم أمواجه بحر . بويه
*** *** ***
گلبي بفراگك يمسلم بيش أصّبره
وجرحك بداخل صميمي ناره كبره
بويه ارجع خلي عينك تلقي نظره
شاهد ألبنتك حميدة شنهو يجره
وينك . أتمنى تشهد حالتي
وينك . يا من عفتني بوحدتي
وينك . من غيبتك گلبي انفطر . بويه
*** *** ***
لحظه لحظه بذكرياتي أتعنه ألها
واسرح بعالم خيالي ودمعه أهلها
بويه كل ليليه أعله بالي وما أملها
لحظة ألبيها أنجمع روحي وشملها
اذكر . من اگعد أبگربك چنت
اذكر . چلماتك البيهن گلت
اذكر . يا بنتي ناوي أعله السفر . بويه
*** *** ***
هايج بگلبي حنيني وهامت الروح
وأنكوي بجمرة فراقك وارتوي بنوح
چان إلي ضنه أروحن وين متروح
تالي رحت انته وعفتني ويه لجروح
جرحي . صارت تلّچمه ذكرتك
جرحي . ما يبره إلا برجعتك
جرحي . بويه أبكثر حُبّك كبّر . بويه
*** *** ***
صعبه كل ساعة تمرني يا حبيبي
واشتعل وحدي وذوبن من لهيبي
عني تبعد ليش يا عمري ونصيبي
وانه شلتك للعلل بويه طبيبي
صعبه . من دونك أللحظه تمر
صعبه . يا أحلى ما بيه العمر
صعبه . وتخلّف ابگلبي اثر . بويه
*** *** ***
بويه دليني أبمكانك واعتني لك
لو جمر دربك يمسلم والله أجيلك
من أشوفك طايح ابچفيني أشيلك
يا خليلي وما اضن غيري خليلك
خلّي . ما غالي بويه لو گلت
خلّي . وألغيرك أبداً ما ملت
خلّي . يا اغلي من كُل البشر . بويه
*** *** ***
الخادم ابو ايمان المجراوي
07711208819
07801138315
07400661459
بويه جيتك عالوعد بويه جيتك
ما لگيتك يا سند ما لگيتك
وينك انته گلبي أخذته مسلم آوياك ومشيت
***********
بويه يا زهرة حياتي يا أمل هذا العمر
علّگت بيك أمنياتي وشلتك ألدهري ذخر
وينك اظهر واطفي ناري الباتت بگلبي جمر
ديرة الكوفة أدخلتها باسمك اندب وانتظر
يا بو طاهر ناشدت يا بو طاهر
گلبي شاجر وانتظر گلبي شاجر
هذا أنيني تبچي عيني ديرة الكوفة اعتنيت
وينك انته گلبي أخذته مسلم آوياك ومشيت
***********
جدمي من طبت الكوفة عيني سالت بالدمع
وانشد الوادم يمسلم والألم حدر الضلع
عن سفير حسين أناشد صاحب النور اليشع
لا جواب أيرد سؤالي وانه أذوبن چن شمع
وين أدوور يالغبت وين أدوور
والمن انظر من رحت المن انظر
طوله دربي هذا نحبي حگي لو من دم بچيت
وينك انته گلبي أخذته مسلم آوياك ومشيت
***********
چان أمل عندي أشوفك من أطب هذا البلد
واگعد أبگربك واسولف وانسه آهاتي بعد
ما خطر بويه أعله بالي بيّه تلتف الشدد
عرضه أصيرن للنوايب لامحامي ولاسند
مالي والي بهالبلد ما لي والي
هذا حالي أبغيبتك هذا حالي
بويه أنادي وبفؤادي حسره تكبر وابتليت
وينك انته گلبي أخذته مسلم آوياك ومشيت
***********
عن يميني وعن يساري حايّره أتلفّت أصيح
يالعفت بنتك وحيده والعلل بيها تطيح
حالي من بعدك يمسلم طير مكسور وجريح
بيّه شوگ الصدري أضمّك حتى من همي أستريح
يتمتني من زغر يتمتني
يالعفتني بهالعمر يالعفتني
وجره ناري دمعي جاري بالغرب ما عندي بيت
وينك انته گلبي أخذته مسلم آوياك ومشيت
***********
يا سليل الطيب اصيحن وارجه من عندك خبر
والجرح بعماق روحي أشما تمر لحظه كبر
عالجمر بويه انتظرتك واحسب الساعة أبشهر
يا وكت صوتك اسمعه يا شهم طال السفر
عيني تربي الشوفتك عيني تربي
هذا نحبي ألجيّتك هذا نحبي
اجري دمعه چني شمعه احرگ أبروحي بديت
وينك انته گلبي أخذته مسلم آوياك ومشيت
***********
يا سفير الحق أطيرن على جنحان الحنان
شوگي بويه أصبح دليلي بيّه هام الهالمكان
جيتك أوهم بكياني شلته من جور الزمان
بين أديك ارتمي ضني واشعر بدفء وأمان
لوعتني سفرتك لوعتني
دوهنتني دنيتك دوهنتني
وين أشوفك وبچفوفك امسح أدموعي نويت
وينك انته گلبي أخذته مسلم آوياك ومشيت
***********
الخادم ابو ايمان المجراوي
07711208819
07801138315
07400661459
تعليق