تويت
حمل رمز السفا ره . گلب بيده المعا ره
يلوح السيف بيمينه . وغضب يتفجر بعينه
***************
حمل ليث المراجل والخصم ذلهم
گلبها ألحومه سيفه وگطع محفلهم
على العالي بقدومه انگلب سأفلهم
نزل حگ الله بيهم زهّق با طلهم
دخل بين الأعادي . انه مسلم ينادي
بطلكم يا كفر وينه . وغضب يتفجر بعينه
***************
ملك والحكم بيده ويحكم الميدان
وإذا كر كره حيدر صاحت العدوان
على الغبرة تركها امجطله الفرسان
أخذها الروس منها وضلت الأبدان
المفر لا وين مني . وانه اضرب ما اثني
التقدم يگطف أسنينه . وغضب يتفجر بعينه
***************
على الراحات روحه اليوم يحملها
دخل سوح المنايا ابچفه شايلها
خساير بالنفوس الگوم كبّلها
شجاعة وهيبة من طب الكفر ذلها
أبي وسيفه دليله . يگص رأسه اليجيله
فده بروحه لجل دينه . وغضب يتفجر بعينه
***************
دخل بين الأعادي أينادي يا أشرار
يبارزني الشجاع ويندعي مغوار
فنون الحرب فني ولعبة الاشفار
انه ألمعروفه گومي بضربة البتار
أخذناها الشجاعة . غذاء وبل رضاعه
على ألكلفه تربينه . وغضب يتفجر بعينه
***************
عليكم حلت اللعنة يأتعس گوم
وأريد ألدنيه أسويها ظلام اليوم
انه الذبّاح انه وسيفي اجل محتوم
وانه الكرار عمي الفارس الجيدوم
أذبّحكم قراري . عرف سيفي اختياري
انه الموت اليحّل حينه . وغضب يتفجر بعينه
***************
انه مسلم انه وجدي النبي المختار
سفير حسين انه وضنوة الكرار
اجيت ابصاية الله وصاية الأنوار
على أعوان السقيفة اليوم أهد أوكار
أذل أهل ألعماله . بعزم رب ألجلاله
واگصها اليگرب أيمينه . وغضب يتفجر بعينه
***************
الخادم ابو ايمان المجراوي
07711208819
07801138315
07400661459
بالكوفة رفع راية . مسلم
نصرة مذهبه الغاية . مسلم
************
نصر دين الحسين بمهجته وذاته
صفه التاريخ يكتب عن بطولاته
بسماها الكوفة رفت دينه راياته
وجمع امة محمد أولو ياته
بالحكمة رسم دربه . مسلم
والغاية رضا ربه . مسلم
***********
بعزم مسلم بناها ثورة الإيمان
بدآه أول خطاب يخاطب الوجدان
يصيح بصوته يا امة نبي الأديان
بغض عترة محمد أعظم الطغيان
خاطبهم ضما يركم . مسلم
أحيوها بعقا يدكم . مسلم
*************
طريق الحق طريقه وعازم ألدينه
يضحي بنفسه ويثبّت موازينه
حمل سيف العقيدة وطب ميادينه
بطل مغوار شامخ كل عناوينه
صال وناده بالحومة . مسلم
نكّس راية أخصومه . مسلم
************
حصار ألوحده ما بين الازقه أيدور
ينادي ولا مناصر أمت يا منصور
خيانة اعتقلت أتباعه بغايا الجور
بأرض أهل الغدر دمه صبح مهدور
ضل ابكوفته الوحدة . مسلم
والوادم صفت ضده . مسلم
************
غريب وآل أميه أنطت هدر دمه
وعليه أهل ألظلاله اليوم ملتمه
تشد كرات ضده ويشگف بعزمه
ويصيح ألسانه لا تقدم يبو أليمه
يحسين العرب خانت . مسلم
وأنصار الكفر بانت . مسلم
*************
خيوط أهل السقيفة الحكم غايتها
بأسم دين النبي أتنفذ أجندتها
تجدد للظلم كل مره بيعتها
وطغاة الدنية خلتهم ايمتها
صار التيمي الأول . مسلم
من الثاني والنعثل . مسلم
*************
الخادم ابو ايمان المجراوي
07711208819
07801138315
07400661459
تعليق