تويت
شبل الحسن جاسم برز للحومه
ليث وغدت منه الكفر مهزومه
فن الحرب فنّه وچثيره أعلومه
حين انتفض بيده السيف يتنومس ويتباهى
*** *** ***
طر العساكر والمُهند بيده
ما هم جمع ابن الدعي وتحشيده
چنّه علي وضرب الصوارم عيده
خلّه الجثث بالميدان تملي الأرض بدماها
*** *** ***
هاليوم امثّل والدي أيصيح أبصوت
وأعله الأنوف إبلا وهن جدمي أتفوت
اروي الخصوم ابچفي من كاس الموت
واترك اثر بالتاريخ حملاتي ما ينساها
*** *** ***
قاسم انه أو الها اثر حملاتي
يا فارس اليبرز يصد ضرباتي
عن ديني أدافع واعتقادي وذاتي
كل رأيه رفّت للجور عازم أذل ألواها
*** *** ***
عمي الإمام ونصره نصرة ديني
لعيونه فدوه لو بذلت اسنيني
سالم يضل واقبل تغمّض عيني
بنفاسي وبروحي افديه وبعيني ويّه اضواها
*** *** ***
يا بؤرة الشر والشرك والطغيان
هاليوم أذل راية عبيد الأوثان
من دمكم بعزم الله اروّي الميدان
والفاجعة تطب كل دار والحزن يمله أرجاها
*** *** ***
لأجل الحراير والخدر والگومه
عازم يرخّصها النفس من يومه
مثل البدر من يزهي بين أنجومه
حين الدخل بالعدوان روحه الغضب يملاها
*** *** ***
الخادم ابو ايمان المجراوي
07711208819
07801138315
07400661459
للحومه قاسم من نزل چن الحسن طبّاها
***********
إن تنكروني يا كفر أصبح يردد صوته
والي گرب منّه ودنه بعيونه شاهد موته
ما يخطي من يضرب رگب رگبه ابد متفوته
طب أبمجاميع الحقد كومة لحم سواها
*****************
متوزر أوزار الحسن لمن برز لخصومه
بسمه المراجل تفتخر وحده وملكها ألحومه
كرراته چن جده علي ويوم الحرايب يومه
هاذ انه ابن سبط النبي وبسم الحسن يتباها
***********
شايلها روحه أبراحته وتعنه بيها ألجيمه
ساعة يكر أعله ألعده وساعة يرد للخيمة
فارس تنومس بالعزم وبروحه شايل شيمه
كل ملحمة ألبيها يطب بيده يفر أرحاها
***********
وجهه مثل وجه الحسن واتشعشعت أنواره
غاراته لا ما تنوصف غاره اشد من غاره
طب للعمق حين الهجم دك الخصم بوكاره
لا ميمنة ولا ميسره طگها جمع وحواها
***********
بتارة من دمهم روه جيش الكفر وجنوده
ولحدهم القاسم وصل ما گرّبّو لحدوده
ما كلّت أمتونه وعجز حيّر عقول أبزوده
نشمي وسليل اشرف نسل جده محمد طه
************
راكب على الموت اعتنه بان الغضب من عينه
يا آل آميه يرتجز وينه بطلكم وينه
هذا انه قاسم والعمر لحسين أضحي اسنينه
نول الشهادة غايتي موتت شرف أهواها
*************
حلّت عليكم لعنتي وسيف ألقيامه سيفي
وبچفي لعصركم عصر من عدكم اخذ حيفي
انه المهيمن والأمر بالحرب صار بكيفي
وين المفر يهل الغدر بالدم تصب خلّاها
*************
الخادم ابو ايمان المجراوي
07711208819
07801138315
07400661459
تعليق