اصوب دليلي + وانهدم حيلي
دهري ولاني + للطف خذاني
اصوب دليلي
+++++
1-
جكر كلبي الولد بدموعي ربيته
بالف اه ويويلي وحسره باريته
لو حس بمرض ابروحي راعيته
واذا حس بولم بالمهجه سليته

بالسهد عيني + ويكثرة ونيني
تالي زماني + للطف خذاني
اصوب دليلي
+++++
2-
جاسم يبني يلمدلول حاجيني
بنحيبي ودورة ايامي تخليني
حك ارباي اريده وانته تدريني
ما خله الدهر غيرك يراعيني

امك وحيده + دياري بعيده
وكتي عاداني + للطف خذاني
اصوب دليلي
+++++
3-
هاي الحنه وشموعك جبته وجيت
وثياب العرس وعمامتك شديت
يصيوان العمر وانته عمود البيت
ليش الجبهه تنزف من اللي رديت

تضوي شمعتك + تنزف جبهتك
عرسك بلاني + للطف خذاني
اصوب دليلي
+++++
4-
سيف العود لبستك واخذت الروح
وظلت عيني لفراكك ابجي وبنوح
ليش تعود الي بطبراتك ومطروح
ودمومك تسيل وبس اعد بجروح

جرحك ضهدني + وفكدك فجعني
وضعك سلاني + للطف خذاني
اصوب دليلي

+++++
5-
باجر من نسير بولية الظلام
ياهو اللي ينهض يجمع الايتام
وكلي شلون عمتك لو مشت لشام
تروح بلا خدر مهضومه يا جسام

عملة اميه + بالغاضريه
خصمك سباني + للطف خذاني
اصوب دليلي
+++++
6-
يهل دمعي يجاسم من اشوفنك
شلون امشي بسفرتي وجثه اعوفنك
ريت ايامي تخلص وانطمر يمك
وكل سنيني فدوه لكطره من دمك

ما تناغيني + شلي بسنيني
دمك عماني + للطف خذاني
اصوب دليلي

حيدر العذاري الحسيني النجفي