إعـــــــلان

**بنت المسلم** · 30-03-2003, 03:10 PM

السلام عليكم
ليش ابو مهدي مصيبه خلاص إحنا بقرن الواحد و عشرين وتغيرت وايد شغلات ما اقولك العادات و التقاليد لانها هذي أساس حياتنا بس حسب علاقة الام مع البنت في أمهات يكونون صديقات بناتهم و في لا علاقتها معاها أمر ونهي ...و حسب البنت بعد تقدر تقرب أمها لها أو تنفرها منها ..
بالنسبه لي الحمد الله أمي صديقتي و لا أخش عنها شئ بس لحد الحين ماجرت هالسالفه بس على ما أعتقد راح أكون معاها صريحه ونفس الشئ مع الوالد بس طبعا في فرق بين الأثنين ...
وفي النهايه الأهل هم يشوفون مصلحة عيالهم أكثر منهم ..
شرايك أنت

**ابومهدي** · 30-03-2003, 03:16 PM

شكراً يا بنت المسلم
انا اتفق معاج في كل ما ذكرتيه
ولكن الوضع معك يختلف....... في بعض الاشخاص امهاتهم
من النوع اللي يلتزم بالقوانين الاجتماعية ويطبقها مائة بالمائة

يعني انتي مثلاً........ هل تقدرين تسئلين امك العزيزة
او هل تقدرين تذكرين لها مسألة الزواج
او على الأقل مواصفات زوج المستقبل مثلاً

ترى في غيرج ما يقدر ..... ولا راح يقولون عنها كلام كثير
ويمكن توصل للضرب احيانا

**حبات المطر** · 30-03-2003, 03:16 PM

سلااااااااااااااااااااااااا

حسبي الله على بليسك بو مهدي من وين مطلع هالموضوع اكيد حافر مخك

اكيد بعد عمري البنات خجولين بس مو كلهم يستحون يفتحون هالموضوع مع الام او الاب بس اعتقد انه من حق البنت انها تطلب

الزواج وتستر على نفسها

**ابومهدي** · 30-03-2003, 03:18 PM

طيب من حقها، اوكي انا احب هالكلمة
بس شلون

مو راح يطردونها
بعدين

**بنت المسلم** · 30-03-2003, 03:22 PM

ابو مهدي شسالفه هذوله أهل ولا جزارين ..
وبعدين منو هالام اللي تطق بنتها على هالموضوع الاحسن تقوله لها أحسن ماتنحرف هالبنت و تشوف طريج ثاني ..
بس مثل ماقلت يقع جانب على البنت اذا كانت امها مثل من النوع العصبي تيلها بالمساحل و الضحك وموسيده تقولها ابي اتزوج او انا احب فلان لا أول شئ تخلي صله بينها وبين أمها ..
وبعدين ما أعتقد في بنت مو متعلمه و فاهمه بهل الزمن وماعنده أسلوب مع امها او ابوها ..

**ماريا20** · 30-03-2003, 03:24 PM

موضوع مهم.......
بنت المسلم انتي تقولين كذا لانج في الكويت ويييين عايشع دنيا غير عنا هنا خصوصا في القطيف العادات والتقاليد اولا ثم الشرع!!!!!
من حق البنت ان تطلب هذا الامر حقها الشرعي....
لكن هل تجرؤ بنت تكلم امها في موضوع مثل هذا!!!!!!!!
ما اظن يمكن صح مثل ماقلتي اذا كانت العلاقه بين الام وبنتها صداقه مو علاقة اوامر ونواهي بيكون الامر اسهل شوي.....
لكن البنت اللي امها اعووووذ بالله يعني علاقتهم مجرد افعلي ولاتفعلي!!!!البنت هذي شتسوي في عمرها!!!!!!!
انا اظن ان هذا سبب ضياع اكثر البنات في مجتمعنا بعد الام عن بناتها وعدم محاولة التقرب منهم تصل الفتاة الى عمر تحتاج فيه الى ام واخت وصديقه فلا تلقاها فتتوجه الى الحرام والعياذ بالله.........

**ماريا20** · 30-03-2003, 03:26 PM

وبعدين منو هالام اللي تطق بنتها على هالموضوع الاحسن تقوله لها أحسن ماتنحرف هالبنت و تشوف طريج ثاني ..
------------------
هي الطق بيكون قليل في حقها لانهم يظنوها اقتربت من الحرام والعياذ بالله طبعا هذا بسبب الجهل.........

**حبات المطر** · 30-03-2003, 03:26 PM

يطردونها اعتقد هدا يعتمد على مدى تفهم الاهل وعلى الشخص الي راح البنت تطرح عليه طلبها ومدى ثقافته وتفهمه اخوها يمكن يكفخها او يمكن يتفهم والام اتوقع بتدعي لبنتها اضافه الى نوعيه الزوج الي تبيه البنت.

**بنت المسلم** · 30-03-2003, 03:30 PM

لا مو شرط ماريا ..
أنا تفاعلت مع الموضوع علشان صادفت كذا بنت لين كنا في المدرسه معاهم هالحاله يعني تخلي حتى لين كنا انروح لرحلات مايطلعون معانا ..
أنا معاج و مع العادات و التقاليد و عاداتنا ما أيت من فراغ هذي عادات أول العرب صحيح فيها غلط وايد بس هي اللي حاكمتنا ..
وكلامي مو معناه أن أهلي ما يمسكون العادات لا بالعكس وبشده بس من منطلق ديني أولا و لله الحمد ..

**ماريا20** · 30-03-2003, 03:36 PM

انا ما ارفض العادات والتقاليد ابدا بالعكس...
لكن اذا جاءت هذه العادات ووقفت في وجه الشرع هنا الاشكال!!!!
يعني من البنت من حقها الشرعي ان تطلب هذا الامر لكن هل يتقبل الاهل هذا الامر!!!!!!!!!!!!!!
قلييييييييييييييييييييييل منهم من يقبله والاكثريه يعتبره مصييييييبه وحلت عليهم ويظنوا ان بنتهم جنت او صار لعقلها شي وطبعا تنال من العقاب اللي يخليها تلعن ابو الزواج........انا اتكلم عن مجتعنا هنا انتوا عندكم في الكويت الحياه اكثر تحرر من عندنا هنا فرأيج من موقعج الحالي في الكويت صحيح...اما عندنا هنا فالامر شبه مستحيل بالنسبه للبنت انها تكلم امها في مثل هذا الموضوع....

**بنت المسلم** · 30-03-2003, 03:41 PM

صح هذا يرد على البيئه اللي عاشت فيها ...
بس يا أختي مو كل الكويت وعطيتج مثال يعني في وايد اباء و أمهات يفهمون بناتهم غلط حتى لو كانوا متعلمين انا اشوف التعلم و الثقافه مو بالقراءه و الكتابه لا بالدين اللي متفقه بدينه تلاقيه التعامل معاه سهل يعني مو شرط الديره ...
و أنا معاج أنها غريبه شوي علينا مثل ابو قاعد بالدوانيه و البنت داشه وبيدها واحد وتقوله هذا ريلي ...

**حبات المطر** · 30-03-2003, 03:44 PM

ول ول ول بنت تدخل على ابوها الديوانيه هدا زوجي هذا خربت

بس تتوقعين يصير جديه بنت المسلم في زمانا الحين.

**ماريا20** · 30-03-2003, 03:45 PM

صح مو كل الكويت ونفس الشي مو كل القطيف يعني الامر متفاوت ويختلف من عايله الى عايله ثانيه.........
ومثل ماقلتي يعتمد على الوعي الديني عند الآباء...

**ابومهدي** · 30-03-2003, 03:47 PM

هذي مشكلتنا
المجتمعات
البيئة المحيطة بالناس

تصورا.... في السعودية يمنع اللبس الإسلامي
طيب ليش... مادري

السنة والشيعة اتفقوا على ان المرأة
يجب ان تغطي كل جسدها ما عدا
الوجه والكفين
صح يو لا

ولكن الواقع مختلف تماماً

قد يكون كلامي واهي بعض الشيء
ولكن هذي هي الحقيقة