تويت
(هوسات ضد الدواعش )
وحك دم الحسين وماجره بالطف
هبينه بعزيمه موحدين الصف
حملك يالعراق اعلينه خل يكلف
الك شبان هذا اليوم خل تنزف
ودمانا..نفديه لكاعك
************
من ناده الداعي كلنه هل جينه
نداء المرجعينه اليوم لبينه
بوجه الدواعش نوكف بعينه
ونصره العراق ونصره دينه
وشرايه..للموت نقاتل
*************
شدت هالزلم ومحزمه بحزام
وطلكنه الدنيه وعينه متنام
لو نرضه اعربيه اليوم من تظام
يازلم العراق الكله خوش ازلام
وأفديه..لترابك روحي
*************
عفناه الديار اليوم والاموال
وخطينه الحروف اكتبنه عالدلال
لو شيله ابدا من وجهي وانه انشال
لو اكتب شعر واقراه عالموال
عالساتر ..هلهل شاجوري
**************
يامهد الحضاره ومهبط الاديان
يالبيك الولي والرايه والسفان
وانت بكل فخر اتظل الي عنوان
ماالكه مثلك وطن ابين هل البلدان
ولااشوفن..اقدس من داري
*************
جرحك ياعراق هواي صار جبير
من طبت زمر ارهاب وبيهم التكفير
لاتصفن علينه وابدا لا ماتحير
نطلكه الدنيه وتنفني للجير
وافنهيه..كل روحي فداكم
**************
خادم اله البيت
ابو علي السعيدي
تعليق