تويت
لو عاتبت حگي وسمعته أعتابي
من كل مصاب أعظم واشد أمصابي
بيده عمر يالمهدي يدفع بابي
ما بين الحايط والباب عصرت حقد عصروني
*************
ظهري سندته للجدار وبيدي
صرت ادفع الباب أوانه لوحيدي
مني سگط بالدم يصب أوليدي
وبرأسه صابه البسمار ينزف تشوفه عيوني
*************
بعيوني اشوفن مهجتي أعله التربان
والدم أخذني وفوگي سوط العدوان
وليه ولوني وما رعوا ذاك الشأن
واندب محمد وبصوت وأهل البغي يسمعوني
*************
ابن الوليد وزمرته الملعونه
أمر النبي من بعده يتحدونه
گالوا وان بابي إذا يحرگونه
يرأسهم ابن الخطاب من كل كتر حاطوني
**************
لمن اجو هجمت غدر سووها
بيعة غصب من حيدره رادوها
حتى الرسالة حاولوا يمحوها
خانوا نبيهم يا حيف من بعده وخانوني
**************
ابو عبيده وسالم وهم عثمان
خالد وقنفذ ويه عبد الرحمان
والعدوي والتيمي رمز الطغيان
غصبوا فدك مني بزور والكاذبة يسموني
**************
سنة شؤم بعد النبي سنوها
زور وضلالات وبدع دسوها
سنه وبأحاديث الدجل يملوها
خالفوا أمر الرحمان برخص ثمن باعوني
**************
لدعي عليهم كل صلاة بلعنات
انسه ألجره وگلبي يسامح هيهات
يا ما جرت من عيني دم الدمعات
والمحسن اشلون أنساه ربي ابغض البغضوني
**************
الخادم أبو إيمان المجراوي