حلوة هي كلش حبيبتي
وهي الهوة وهي طبيبتي
---
اسف حبيت من دون اختيار
وعشقي الج صار احسن قرار
---
شباب هل الوكت كلوبهم مثل كية
يشمي ويرتبط ويكبل وية اي بنية
---
بس ترى اني اهوي اختلف عنهم
طبعي الوفة وصدكيني مو مثلهم
---
بعضهم يدورون سوالف مال سرسرلغية
يصعد وينزل ويلعب ويدور شغلة جنجلوتية
---
شباب وطايش ومايعرف يقدر الوضعية
لو صدك زلمة يدور شغل ويفتح بسيطة
---
ويكول هاي بنت ناس اشراف وخطية
ما يضل يعلب عليها ويسويها قضية
---
بنت الناس اسمعيني ترى اني مو نذل
احترم الشرف وما احب حبيبتي تنخذل
---
تكول صدك حبيبي زلمة واخو خيتة
صاني وحمى عرضي لان انا مريته
---
هو حبيبي هيج اريده دوم وتفتخرين بية
لو سمع واحد يريد ياذيني يجر توثية
---
ويكسر الدنيا فوك اللي يريد ياذيني
حبيبي وصديقي وزوجي يحميني
---
يا حلوة جاي اطلب ايدج بكل ادب
لا ترديني وما احب فشلة بلاية سبب
---
فقير كلش اني وترى ميسور حال
ما اكلج عندي ارصدة بالبنوك واموال
---
بس جاي وبجيبي كلب صافي انطيج
اقبلي بية وصدكيني بعيوني راح اخليج
---
ما عندي انطيج الماس وذهب ولا فضة
بس راح اخليج حلم حياتي وبيدي اكظة
---
اكولن من عندي خافن لا يبتعد ويطير
ولو رحتي من يمي اكومن بالظلمة اسير
بقلم النابغة ابو العتاهية المعري
اترك تعليق: