مأســـــــــــــــــــــــــاه




ألو.. بابا فين.. بابا هنا.. هنا اهوه.. أقوله مين؟
قوله عمرو
عمرو مين.. عمرو موسى.. موسى مين .. أمين الجامعة..
جامعة ميننننن ..

اقوله مين بيكلمه

عمرو عمرو عمرو .. شفت حصلنا إيه
عمرو عمرو عمرو .. شفت جرالنا إيه
جونا الحرامية .. ولاد الرمة
ذبحوا أطفالنا .. بالإيد النجسة
سرقوا أراضينا .. ضيعوا أحلامنا
هتكوا أعراضنا .. وانتم مش دريانين
طب بابا فين

وإنتي مين .. أنا قضية
قضية مين .. قضية أمة
أمة مين .. أمة عربية
تاهت بالزحمة .. وحصلّها لخمة
نسيتها القِمة .. وصابتها الحُمّى
ماتت ولا كنتم دريانين
طب بابا فين


عمرو عمرو عمرو .. شفت أنا وحشة ازاي
عمرو عمرو عمرو .. شفت أنا بايخة ازاي
أنا كلت الذلة .. ووراها الذلة
ونا قلت لبابا .. فين الحرية؟ فين القومية؟
اتبقت حِتّه .. ضاعت من إيدنا
وخدتها أوروبا .. ونا قلت لبابا

طب بابا فين .. بابا هنا .. هنا اهوه .. اقوله مين ..
قوله عمرو
عمرو مين .. عمرو موسى .. موسى مين .. أمين الجامعة ..
جامعة مين ..
اقوله مين بيكلمه
عمرو عمرو عمرو .. مش عارف أقولك إيه
عمرو عمرو عمرو .. دمك حامي ليه


اسمع فزورة .. حلوه صغيورة
كانت وِحدتنا .. عز عروبتنا
تاهت ما لقتها .. ونا قلت لعمرو
ها .. عارف إن لقتها .. هندهلك بابا
طب هو فين
توت.. توت.. توووت
نأسف الأمة العربية خارج نطاق الخدمة حاول الإصلاح بعد فترة


من تأليف المصريين في إحدى المقاهي الشعبية