تويت
على الدار على الدار* علم مسلم رفعناه
********
بأسم مسلم رفع كل بيت راية
سفير الثورة نوره إبلا نهاية
كتبها بفيض دمه هالروايه
رخيصة الروح تصبح لأجل غاية
يخدام يخدام * اليريد أيزور مناه
********
بسم مسلم تفاخر كل موالي
سفير حسين ثابت دوم عالي
يضل غالي وعلى كل روح غالي
يهل عاشور نجمه أيضل يلالي
رمز صار رمز صار* أخذها أبعزم يمناه
*********
فتح باب الحوايج لليمر له
اليريد أمراد ياخذ بس يسأله
التعنه ألحاجه بيده أيروح لأهله
أخذناه أخذناه * أبضريحه أمراد أخذناه
***********
رمز كل ثائر وعنوان واضح
أبو طاهر بيان العبد صالح
لابو أليمه نصير واخو ناصح
عرف درب الشهادة وگال رايح
يمر عام يمر عام * نذكره وما نسيناه
************
تضل طول الزمن تضوي شمعته
البذل نفسه لابو أليمه ونصرته
اليبيع ألدنيه يشري أحسين بخته
علم يصبح يرفرف طول وكته
نصر جاب نصر جاب * بذل لحسين دنياه
***********
نجم مسلم ينور أبسمه ألثوره
وضع بصمه أبدماه وبلغ أمره
على أهل الضلال يصير جمره
نصير أحسين الله أنطاه أجره
فلا مات فلا مات * ألاه الكون أحياه
*************
الطفل من ينولد يتسمه مسلم
يشيل الرأس أبوه بثغر يبسم
ينادي يا ألاهي وبيه يقسم
انه المسلم نذرته أيصير يخدم
خدمناه خدمناه * أبصغر لمن خدمناه
************
&&&&&&&&&&&&&&&&&&&&&&&&&&&&&&&&&&&
دستور ألبريه ** ثوره حسينيه
مسلم بن عقيل * ألنه أصبح دليل
********
عرفنه الثورة مسلم من عرفناه
عشگنه احنه الشهادة من عشگناه
الطريق إلي مشاه احنه مشيناه
على أصدور الشجاعة أوسام شلناه
مسلم نجم ثاقب ** يتحدى المصاعب
مهما الدم يسيل * ألنه أصبح دليل
********
ابأ أتعلمنه منه رغم الأخطار
مضينه وكل تردد عدنه ماصار
شعار اسمه رفعنه بكل الأمصار
مبادئ ثورته صارت أبكل دار
منهاجه ونضامه ** للعنده كرامه
والمعدن أصيل * ألنه أصبح دليل
********
بلغ أمره وصبح بالكوفة رأيه
بعزم يركب على ظهور المنايه
يمهّد للحُسين بأسمى غايه
جسر اسمه النجاة الهالبرايه
ناده أبكل بسالة ** في وجه ألظلاله
ثابت ما يميل * ألنه أصبح دليل
********
فتح باب الشهادة واخذ مفتاح
صبح منتدى جامع كل الأرواح
نعم ثم نعم بالكوفة من صاح
عزم يشتد لون جسمه أنمله جراح
من اجل العقيدة ** ينزف دم وريده
وينادي قليل * ألنه أصبح دليل
********
خطه ولمن خطه جدمه أعله التراب
شذى الحرية فووح والگلب ذاب
عليه أتحالفت إعراب وأجناب
رفع رأسه الالاهه بحر الصواب
يا ربي يواسع ** عالم بالمضاجع
يا حسّن السبيل * ألنه أصبح دليل
********
تهل صارت دمعته وكثر همه
لان شاهد خيانة هاي ألامه
ندب وبصوت عالي يبو أليمه
حذر يرميك دهرك ناوي سهمه
يحسين الخيانة . ما ضلت أمانه
مرفوع الصقيل ** ألنه أصبح دليل
********
&&&&&&&&&&&&&&&&&&&&&&&&&&&&&&&&&&&&&&
يا حمامه .. اخذي للمحبوب بجناحچ سلامي
يا حمامه .. گلبي ذايب من كثر شوگي وهيامي
ما احمل انه فراگ * فگد المحب حراگ * يا حمامه
***********
ما نمت ليلي وغمض جفني بغيابه
ولا گدرت انسه المرد گلبي عذابه
عيني تربي أعله الدرب وانطر إيابه
چني يعگوب أرد أشم ريحت ثيابه
ما نسيته .. بعده بعيوني ضوه وصوره ورسم
ما نسيته .. بريحته الطيبة انه الهسه أشم
مني حبيبي انباگ * فگد المحب حراگ * يا حمامه
***********
بين جدران الغرف كل ذكرياتي
صطرتهن وكتبت قصة حياتي
على عتبت بابي افرش أمنياتي
كيف اعيشن لو رحل ستري وعباتي
سامحيته .. والله من گلبي على هذا الهجر
سامحيته .. وانتظر يرجع مثل نور الفجر
جمراتي كلها اشواگ * فگد المحب حراگ * يا حمامه
***********
بويه يا بويه انگطع ناگود گلبي
على روحي النايبه أمن بعيد تربي
مني يالغالي لون تمشي الله حسبي
دوم أظل هذا أنيني وهذا نحبي
يجري دمعي .. واشتعل مثل الشمع وأترجه موتي
يجري دمعي .. يالرحت مني وعفتني استمع صوتي
حيل الگلب مشتاگ * فگد المحب حراگ * يا حمامه
***********
بويه ليلي أبكل دقيقه عاتبيته
ليش مارد الهجرني على بيته
أرد احلف دهري بالدمع البچيته
عمري لجل الغالي بعته وبي شريته
ما أثمنه .. بالجواهر والدي ولا بالمعادن
ما أثمنه .. واشتريه بعمري مزيون المحاسن
خل تسمع العشاگ * فگد المحب حراگ * يا حمامه
***********
والله لو بيدي أطيرن بين النجوم
وأعتني المسلم أزوره بلهفه كل يوم
على أيد الغالي اچوچي وأغفى للدوم
وأسكن أبقلعة أمانه وأنسه الهموم
أمنياتي .. انه والوالد نعيش بدار وحده
أمنياتي .. من أريد أغفى أحط خدي أعله خده
سابگني دهري أسباگ * فگد المحب حراگ * يا حمامه
***********
من فضل محمد واله على الشاعر أبو إيمان المج راوي
07801138315
07711208819
********
بأسم مسلم رفع كل بيت راية
سفير الثورة نوره إبلا نهاية
كتبها بفيض دمه هالروايه
رخيصة الروح تصبح لأجل غاية
يخدام يخدام * اليريد أيزور مناه
********
بسم مسلم تفاخر كل موالي
سفير حسين ثابت دوم عالي
يضل غالي وعلى كل روح غالي
يهل عاشور نجمه أيضل يلالي
رمز صار رمز صار* أخذها أبعزم يمناه
*********
فتح باب الحوايج لليمر له
اليريد أمراد ياخذ بس يسأله
التعنه ألحاجه بيده أيروح لأهله
أخذناه أخذناه * أبضريحه أمراد أخذناه
***********
رمز كل ثائر وعنوان واضح
أبو طاهر بيان العبد صالح
لابو أليمه نصير واخو ناصح
عرف درب الشهادة وگال رايح
يمر عام يمر عام * نذكره وما نسيناه
************
تضل طول الزمن تضوي شمعته
البذل نفسه لابو أليمه ونصرته
اليبيع ألدنيه يشري أحسين بخته
علم يصبح يرفرف طول وكته
نصر جاب نصر جاب * بذل لحسين دنياه
***********
نجم مسلم ينور أبسمه ألثوره
وضع بصمه أبدماه وبلغ أمره
على أهل الضلال يصير جمره
نصير أحسين الله أنطاه أجره
فلا مات فلا مات * ألاه الكون أحياه
*************
الطفل من ينولد يتسمه مسلم
يشيل الرأس أبوه بثغر يبسم
ينادي يا ألاهي وبيه يقسم
انه المسلم نذرته أيصير يخدم
خدمناه خدمناه * أبصغر لمن خدمناه
************
&&&&&&&&&&&&&&&&&&&&&&&&&&&&&&&&&&&
دستور ألبريه ** ثوره حسينيه
مسلم بن عقيل * ألنه أصبح دليل
********
عرفنه الثورة مسلم من عرفناه
عشگنه احنه الشهادة من عشگناه
الطريق إلي مشاه احنه مشيناه
على أصدور الشجاعة أوسام شلناه
مسلم نجم ثاقب ** يتحدى المصاعب
مهما الدم يسيل * ألنه أصبح دليل
********
ابأ أتعلمنه منه رغم الأخطار
مضينه وكل تردد عدنه ماصار
شعار اسمه رفعنه بكل الأمصار
مبادئ ثورته صارت أبكل دار
منهاجه ونضامه ** للعنده كرامه
والمعدن أصيل * ألنه أصبح دليل
********
بلغ أمره وصبح بالكوفة رأيه
بعزم يركب على ظهور المنايه
يمهّد للحُسين بأسمى غايه
جسر اسمه النجاة الهالبرايه
ناده أبكل بسالة ** في وجه ألظلاله
ثابت ما يميل * ألنه أصبح دليل
********
فتح باب الشهادة واخذ مفتاح
صبح منتدى جامع كل الأرواح
نعم ثم نعم بالكوفة من صاح
عزم يشتد لون جسمه أنمله جراح
من اجل العقيدة ** ينزف دم وريده
وينادي قليل * ألنه أصبح دليل
********
خطه ولمن خطه جدمه أعله التراب
شذى الحرية فووح والگلب ذاب
عليه أتحالفت إعراب وأجناب
رفع رأسه الالاهه بحر الصواب
يا ربي يواسع ** عالم بالمضاجع
يا حسّن السبيل * ألنه أصبح دليل
********
تهل صارت دمعته وكثر همه
لان شاهد خيانة هاي ألامه
ندب وبصوت عالي يبو أليمه
حذر يرميك دهرك ناوي سهمه
يحسين الخيانة . ما ضلت أمانه
مرفوع الصقيل ** ألنه أصبح دليل
********
&&&&&&&&&&&&&&&&&&&&&&&&&&&&&&&&&&&&&&
يا حمامه .. اخذي للمحبوب بجناحچ سلامي
يا حمامه .. گلبي ذايب من كثر شوگي وهيامي
ما احمل انه فراگ * فگد المحب حراگ * يا حمامه
***********
ما نمت ليلي وغمض جفني بغيابه
ولا گدرت انسه المرد گلبي عذابه
عيني تربي أعله الدرب وانطر إيابه
چني يعگوب أرد أشم ريحت ثيابه
ما نسيته .. بعده بعيوني ضوه وصوره ورسم
ما نسيته .. بريحته الطيبة انه الهسه أشم
مني حبيبي انباگ * فگد المحب حراگ * يا حمامه
***********
بين جدران الغرف كل ذكرياتي
صطرتهن وكتبت قصة حياتي
على عتبت بابي افرش أمنياتي
كيف اعيشن لو رحل ستري وعباتي
سامحيته .. والله من گلبي على هذا الهجر
سامحيته .. وانتظر يرجع مثل نور الفجر
جمراتي كلها اشواگ * فگد المحب حراگ * يا حمامه
***********
بويه يا بويه انگطع ناگود گلبي
على روحي النايبه أمن بعيد تربي
مني يالغالي لون تمشي الله حسبي
دوم أظل هذا أنيني وهذا نحبي
يجري دمعي .. واشتعل مثل الشمع وأترجه موتي
يجري دمعي .. يالرحت مني وعفتني استمع صوتي
حيل الگلب مشتاگ * فگد المحب حراگ * يا حمامه
***********
بويه ليلي أبكل دقيقه عاتبيته
ليش مارد الهجرني على بيته
أرد احلف دهري بالدمع البچيته
عمري لجل الغالي بعته وبي شريته
ما أثمنه .. بالجواهر والدي ولا بالمعادن
ما أثمنه .. واشتريه بعمري مزيون المحاسن
خل تسمع العشاگ * فگد المحب حراگ * يا حمامه
***********
والله لو بيدي أطيرن بين النجوم
وأعتني المسلم أزوره بلهفه كل يوم
على أيد الغالي اچوچي وأغفى للدوم
وأسكن أبقلعة أمانه وأنسه الهموم
أمنياتي .. انه والوالد نعيش بدار وحده
أمنياتي .. من أريد أغفى أحط خدي أعله خده
سابگني دهري أسباگ * فگد المحب حراگ * يا حمامه
***********
من فضل محمد واله على الشاعر أبو إيمان المج راوي
07801138315
07711208819