تويت
هظيمه من بعدك هظيمه .. يخيمه ما ظلت لي خيمه
ها يا ريحة الهيل .. وحشه وچلچل الليل .. هظيمه
****
يا گمر ضعن ألنبوه ليش غايب
ماحسبت اتعوف زينب بين أجانب
والله محتارة أسامح مدري أعاتب
خويه مهظومه وكفيلي ما يجاوب
مغيبه الگمر عجل مغيبه .. غريبه صفت زينب غريبه
بين امسابگ الخيل .. وحشه وچلچل الليل .. هظيمه
****
بيدي ربيتك وأعرفك يا بو فاضل
على حساب الحرة زينب ما تجامل
خويه اذكر من اصد لك وانته كافل
تخجل ويصبح جبينك مطر ها طل
عجيبه صحت والله عجيبه .. أجيبه اليروح أمنين أجيبه
بس المدمع أيسيل .. وحشه وچلچل الليل .. هظيمه
****
خويه عن ستري وحجابي تعرف الناس
ما لمح واحد خيالي وضلي أنداس
حتى اثر جدمي تدوسه اجدام عباس
يا ضمير اليقبل أخته أبين الأرجاس
أبمسيه من امشي أبمسيه .. إليه إخوتي أتغطي إليه
يطفه ضوه القنديل .. وحشه وچلچل الليل .. هظيمه
****
يا كفيلي الظعن صارت دنيه ظلمه
وانته ما بين هلالك حتى رسمه
عيني من دمعي انتظارك هسه تعمه
خويه وديلي قميصك خلني أشمه
أزوره قميصك أرد أزوره .. عطوره أريد اشتم عطوره
بينه الوادم أتعيل .. وحشه وچلچل الليل .. هظيمه
****
خويه روحي أتگلي يرجع ثأري أوهام
والخبر جاني كفيلچ عل نهر نام
خويه بعيون الشماته أنرمي إسهام
من نزل علم أبو فاضل دون الإعلام
شمعتي من تطفه شمعتي .. حسرتي ما تخلص حسرتي
شهگه أتهدم الحيل .. وحشه وچلچل الليل .. هظيمه
****
من حديت الناگه بيدك طمنتني
خويه ثوب الغيرة جبته ولبستني
والله لو عندك أچفوفك ما عفتني
وحدي يا عباس أصيح الگوم اجتني
عليّه الجيش التف عليّه .. سبيه تالي أصبح سبيه
واصرخ صحت يا ويل .. وحشه وچلچل الليل .. هظيمه
****
من فضل محمد واله على الشاعر أبو إيمان المج راوي
07801138315
07711208819
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&
أمس واليوم .... گلبي مهضوم
أمس واليوم .... هجمة الگوم
چم ضلع شفته انكسر .. والشمر هوه عمر
*****************
يذكرني أبأمس هذا الاشوفنه
عگب عين النبي ألامه تحاربنه
أمس زمرة ابن سلمه تحاصرنه
وابن مرجانه من بعده استحل دمنه
أشوف أبعيني تسعر صارت أخيمنه
وأجه أبالي السعير الشافه باب أمنه
أدير العين .... لابو الحسنين
أدير العين .... لخوي حسين
جرحي البگلبي كبر .. والشمر هوه عمر
*****************
أمس غاروا علينه ورادو ألبيعه
لابو بكر وعلي گالو يجي يطيعه
تكرر هالفعل بينه وعلى ألشيعه
ويزيد الباغي يأخذ بيعه تشريعه
صبح دين الله بيد الفاسق أيبيعه
وصفينه احنه الخوارج فوگ الوسيعه
أمس ما راح .... الم وجراح
أمس ما راح .... رجع ذبّاح
منلدمع ما ضن مفر .. والشمر هوه عمر
*****************
شفت أمي وره الباب وعمر يدفع
واسمعه أينادي يا حيدر تعال اطلع
هجم مثل الأسد غاضب انه الانزع
ينادي وفرو اگباله وعمر يرجع
أبتلابيبه خذاه وللأرض يصرع
وجئ انفه وبدت گومه عليه تفزع
ابن صهاك .... أشوفه هناك
ابن صهاك .... مكايد حاك
ما تغير هالدهر .. والشمر هوه عمر
*****************
عصر روحي الألم واسمع أنين أمي
وانه طفله وبلغ حد الجبل همي
يبن خطاب گالتله الحذر دمي
وان گال الها وحرگ دارچ أبعزمي
وانه اليوم الشمر يتخطه من يمي
وانه أبداخلها يحرگها نوه اخيمي
عليه النار .... غدت تندار
عليه النار .... خيم والدار
شفته من خدها أنسطر *** والشمر هوه عمر
*****************
ظلم يتبع ظلم دامت حكومتهم
لعنهم الله بكتابه وسقيفتهم
يحرفون النهج كانت حقيقتهم
وترد الجاهلية الأولى غايتهم
الجمل كانت مبررهاذي فعلتهم
ذبح آل النبي وتتلاشه عترتهم
مشت للشام .... حرم وأيتام
مشت للشام .... حزن وإلام
من بعد عين الگمر *** والشمر هوه عمر
*****************