تويت
علي علي * يم النهر
علي علي * لاح الگمر
ما تميزه العين * لو أبو الحسنين * لو عضيد حسين
**************
هذا حيدر عاد للطف وگصد
زلزل الميدان من طب كالأسد
حتى جيش أعداه من شافه شهد
ما إلك منفذ بعد يا بن سعد
تنطي وجهك وين * لو أبو الحسنين * لو عضيد حسين
**************
ما تميزه أعيونهم لمن هجم
حيدر الكرار لو راعي العلم
لوحه اسمها الموت بيده الهم رسم
ريشه صار السيف ولمحبره دم
والمفر امنين * لو أبو الحسنين * لو عضيد حسين
**************
على كل الروس سيفه يعتلي
عشره عشره أتطيح ولعشره تلي
صاح انه العباس وبصورة علي
ابن أبوي وزود حيدر صار إلي
ضارب أبسيفين * لو أبو الحسنين * لو عضيد حسين
**************
بالمطهم صاح يا مهري وعزم
كون أجيب الماي وارجع للخيم
أختي زينب تنتظرني والحرم
لو أموت أهناك لو اروي القيم
وانتصر للدين * لو أبو الحسنين * لو عضيد حسين
**************
صاحت الفرسان يوم الموزمه
هالبطل عباس ابن حامي ألحمه
سجل التاريخ باسمه الملحمه
ينگطع كل رأس حاول يكحمه
صاحب الچفين * لو أبو الحسنين * لو عضيد حسين
**************
من غضب واشتد غضب ذاك المسه
ما بقه أعله الماي واحد يحرسه
ينگطع نصين كلمن يلمسه
سيفه مثل الليث والكل يفرسه
يصعب التخمين * لو أبو الحسنين * لو عضيد حسين
**************
من فضل محمد واله على الشاعر أبو إيمان المج راوي
07801138315
07711208819
&&&&&&&&&&&&&&&&&&&&&&&&&&&&&&&&&&&&&&&&&&&&
يا حثالات عمر * انه سلطان النهر
ساقي لظعون الحسين * وينه من يمنعني وين
************
انه عباس . بيدي سيف الموت أشيله ومعتنيكم
ماله مقياس . زودي بالحومة وتضيگ ألوسعه بيكم
تعرف الناس . عن مكانة والدي وتعرف وليكم
جيت يرجاس . أملي جودي من النهر رغما عليكم
والي منكم يعترض * ما ضن أتشيله الأرض
اخذ الماي المعين * وينه من يمنعني وين
************
بيدي رايه . وانزل أعله المشرعة هذا مرادي
والمنايه . ما تحّبط عزمي لو تجمح عنادي
للبرايه . لو أرد بالماي لو يرجع جوادي
عندي غايه . اروي أل المصطفى خيرالعبادِ
والمسنّايه تصير * مملكه وانه الأمير
احكم أبزود اليمين * وينه من يمنعني وين
************
هذا ميدان . وليحس بيه الشجاعة يقترب
صدى الفرسان . صدى واسع والمثل بيه ينضرب
نبني نيشان . منهو يوصل أول الماي العذب
هذا عنوان . والحروب أفنون لليبرز يحب
نترك اشفار السيوف * تحفر أگبور الحتوف
والأجل حارس أمين * وينه من يمنعني وين
************
من تصولون . ضدي أبجمعتكم اذكر والدي
ما تردون . دامه يلمع في يميني مهندي
انتو تبدون .لو مثل كل مره انه الابتدي
لا تغدرون . شيمة الغادر جبان ومعتدي
والغدر عند العرب * خارم الحق والأدب
انه ثابت ما الين * وينه من يمنعني وين
************
شايل أوسام . صدري في سوح الوغى وهوى الأجل
وانه مقدام . نكّصت خير الفوارس للأثل
صوب الخيام . عيني ضلت تربي وبگلبي الوجل
ادري ظلام . أل أميه وتعتني ألذاك المحل
گلبي يم زينب يهيم * وادري چم حرمه ويتيم
عمي وينك نادبين * وينه من يمنعني وين
************
صوت الأطفال . بعده يتردد يدوّي بالمسامع
چم طفل گال . يمته ياغايب تشوفك عيني راجع
دمعي همال . الهم وگلبي ارتعت بيه المواجع
وادري الوصال . من بعد چفيني يصعب والموانع
كل طفل ياعمي صاح * يلچم بصدري الجراح
وانكسر گلبي الحنين * وينه من يمنعني وين
************