تويت
صوت من خير العمل . وصه عباس البطل . بشاربك زينب تضل . يا گمر
***** ***** ***** *****
بالدمع صد الصميده وجرحه ينزف
تمتم وحرّك شفاهه وگام يرجف
ها يسبع الغاظريه وشاربه ايرف
انته كافل خدر زينب صار يهتف
يبني عاهدني بعهد . يبقى ثابت للابد . لو فضخ راسك عمد . يا گمر
*******************
بويه يا عباس ناده بهالوصيه
يبني حد گطع النفس تحفضها اليه
من تصد بعيونك الها اتصد اليه
ما يمس خدها الهوى لو روح بيه
يبني هاي اوصيتك . علگتها برگبتك . هاشمية عترتك . يا گمر
***************
يا بو فاضل گله بانفاسه الاخيره
مني اسمع يا گمر هاي العشيره
بيدك اتگود الركب وانته التديره
باچر وتبره الضعن هاي الاميره
روحك الاجل الخدر . يبني تنذرها نذر . خوفي يرفسها الشمر . يا گمر
*******************
بالطفوف اتصير اريدك علي حيدر
حتى تنغار اعله زينب مثلي واكثر
ومن تطب للغاظريه يالمشكر
بيدك اتدگ الها خيمه بالمعسكر
من تشوفك بالمحل . ينزرع بيها الامل . تنشف ادموع الوجل . يا گمر
*******************
يبني من عالي المطهم واربي لاختك
ضهضب الحد ما تگلك خويه شفتك
الكربله وساعتها يبني ذخر شلتك
سلّمت بيدك وديعه وقبل بختك
بالحرب طحن الرحه . اطحن اخصومك وحه . والگرب يمها اذبحه . يا گمر
*******************
بيده اخذ ايد ابو فاضل ليد زينب
يبني عندك هاي امانه والدمع صب
شايل بروحه الوصيه وللنهر طب
اخته وتذكر عطشها ورفض يشرب
گلها خويه اتدللي . والله يا زهرة علي . انتي بس نادي الي . يا گمر
*******************
لو شفت دمعتها تهمل لتتردد
اطبگ السبعه اعله سبعه وگطع الحد
من تهز راسك اليه جرحي يبرد
حتى اغمض عيني يبني وروحي تصعد
أي يسبع الگنطره . هاذي ضنوة حيدره . لا تضل امحيره . يا گمر
*******************
الخادم ابو ايمان المجراوي
***** ***** ***** *****
بالدمع صد الصميده وجرحه ينزف
تمتم وحرّك شفاهه وگام يرجف
ها يسبع الغاظريه وشاربه ايرف
انته كافل خدر زينب صار يهتف
يبني عاهدني بعهد . يبقى ثابت للابد . لو فضخ راسك عمد . يا گمر
*******************
بويه يا عباس ناده بهالوصيه
يبني حد گطع النفس تحفضها اليه
من تصد بعيونك الها اتصد اليه
ما يمس خدها الهوى لو روح بيه
يبني هاي اوصيتك . علگتها برگبتك . هاشمية عترتك . يا گمر
***************
يا بو فاضل گله بانفاسه الاخيره
مني اسمع يا گمر هاي العشيره
بيدك اتگود الركب وانته التديره
باچر وتبره الضعن هاي الاميره
روحك الاجل الخدر . يبني تنذرها نذر . خوفي يرفسها الشمر . يا گمر
*******************
بالطفوف اتصير اريدك علي حيدر
حتى تنغار اعله زينب مثلي واكثر
ومن تطب للغاظريه يالمشكر
بيدك اتدگ الها خيمه بالمعسكر
من تشوفك بالمحل . ينزرع بيها الامل . تنشف ادموع الوجل . يا گمر
*******************
يبني من عالي المطهم واربي لاختك
ضهضب الحد ما تگلك خويه شفتك
الكربله وساعتها يبني ذخر شلتك
سلّمت بيدك وديعه وقبل بختك
بالحرب طحن الرحه . اطحن اخصومك وحه . والگرب يمها اذبحه . يا گمر
*******************
بيده اخذ ايد ابو فاضل ليد زينب
يبني عندك هاي امانه والدمع صب
شايل بروحه الوصيه وللنهر طب
اخته وتذكر عطشها ورفض يشرب
گلها خويه اتدللي . والله يا زهرة علي . انتي بس نادي الي . يا گمر
*******************
لو شفت دمعتها تهمل لتتردد
اطبگ السبعه اعله سبعه وگطع الحد
من تهز راسك اليه جرحي يبرد
حتى اغمض عيني يبني وروحي تصعد
أي يسبع الگنطره . هاذي ضنوة حيدره . لا تضل امحيره . يا گمر
*******************
الخادم ابو ايمان المجراوي