تويت
يا هوه يا راحل . خبّرني الحاصل . اخبار ابو فاضل . يا هوه يا هوه
********************
يا هوه اوصيك انه واستمع هاي
كافلي ما رد علينه اتاخر اهواي
گله زينب رادتك ما رادت الماي
نارك التغلي بدليلي حرگت احشاي
گله العقيله اهناك . يا بالفضل تنخاك . وتعاين اعله الواك . يا هوه يا هوه
****************
يا هوه بنور العشير طال الغياب
وبلظى نيران صبري شلت العتاب
الطلعته وهلت هلاله احسب احساب
الشوفته عطشانه روحي والگلب ذاب
انذر لونه يعود . انثر طريقه اورود . وندب يراعي الجود . يا هوه يا هوه
***************
يا هوه شوگي وحنيني اشلون اوصفه
والجرح لو ما يجيني شتظن يشفه
ادري گلبه اهنانه يمي وهذا اعرفه
لا كن بهيبة حظوره عيوني تغفه
وبهيبته الوالي . راسي يظل عالي . والسفر يحلالي . يا هوه يهوه
*****************
يا هوه بدمعات عيني وبحسرتي
صوره للكافل اخذها يشوف علتي
هيچي گله اتگول زينب هاي قصتي
روحي ترجع من اسمعه ايصيح يختي
صبري مرد روحي . واندملت اجروحي . هذا سبب نوحي . يا هوه يا هوه
*****************
يا هوه بحالي التشوفه لقسم اعليك
الي توصفهن ضروفه بهاي اوصيك
گالو انگعت ا چفوفه وانسند بيك
هم بعد يا هوه اشوفه افصح اشبيك
لچفوفه چفيني . والعينه اخذ عيني . لو يمه ودينه . يا هوه يا هوه
****************
يا هوه ادري من اسئلك چنت يمه
من وگع بيمن تلگه الگاع جسمه
والجبين الي تعفره سيول دمه
لاهي اخته الي تمسحه ولاهي امه
لو رحت يمه ارجاك . تاخذ سلامي وياك . وارجعلي لو وصاك . يا هوه يا هوه
**********************
الشاعر ابو ايمان المجراوي
********************
يا هوه اوصيك انه واستمع هاي
كافلي ما رد علينه اتاخر اهواي
گله زينب رادتك ما رادت الماي
نارك التغلي بدليلي حرگت احشاي
گله العقيله اهناك . يا بالفضل تنخاك . وتعاين اعله الواك . يا هوه يا هوه
****************
يا هوه بنور العشير طال الغياب
وبلظى نيران صبري شلت العتاب
الطلعته وهلت هلاله احسب احساب
الشوفته عطشانه روحي والگلب ذاب
انذر لونه يعود . انثر طريقه اورود . وندب يراعي الجود . يا هوه يا هوه
***************
يا هوه شوگي وحنيني اشلون اوصفه
والجرح لو ما يجيني شتظن يشفه
ادري گلبه اهنانه يمي وهذا اعرفه
لا كن بهيبة حظوره عيوني تغفه
وبهيبته الوالي . راسي يظل عالي . والسفر يحلالي . يا هوه يهوه
*****************
يا هوه بدمعات عيني وبحسرتي
صوره للكافل اخذها يشوف علتي
هيچي گله اتگول زينب هاي قصتي
روحي ترجع من اسمعه ايصيح يختي
صبري مرد روحي . واندملت اجروحي . هذا سبب نوحي . يا هوه يا هوه
*****************
يا هوه بحالي التشوفه لقسم اعليك
الي توصفهن ضروفه بهاي اوصيك
گالو انگعت ا چفوفه وانسند بيك
هم بعد يا هوه اشوفه افصح اشبيك
لچفوفه چفيني . والعينه اخذ عيني . لو يمه ودينه . يا هوه يا هوه
****************
يا هوه ادري من اسئلك چنت يمه
من وگع بيمن تلگه الگاع جسمه
والجبين الي تعفره سيول دمه
لاهي اخته الي تمسحه ولاهي امه
لو رحت يمه ارجاك . تاخذ سلامي وياك . وارجعلي لو وصاك . يا هوه يا هوه
**********************
الشاعر ابو ايمان المجراوي