تويت
حرگوا خيمنه . والگمر ننتظره
نار الخيم ما ظل ولي ايطفيها . والگمر ننتظره
****************
وين الگمر يا زينب اتناشد وين . ضعن الهاشميه
امسه المسه والليل اخذ آل حسين . وحشه الغاضريه
وأچم طفل صوب النهر دار العين . بانفاس المنيه
للرايه نربي . والگمر ننتظره
گاع الشريعه العسكر ايحاميها . . والگمر ننتظره
****************
مرعوبه وتناشد غدت يا وفاي . يا صاحب لوانه
يا عمي لو سالم ترد ننسه الماي . ونضل بضمانه
فتت جبل صبري يعباس ابچاي . اختك زينب انه
نار أبدليلي . والگمر ننتظره
من يجمع اطفالي ومنو ايباريها . والگمر ننتظره
****************
ماجت بهلها الحومه وتعالا اغبار . وبلهفه الضعينه
تربي الدرب كافلها وتصيح اشصار . وتاخر علينه
دمع البواچي اعله الجفن خله اثار . يا ساعه ويجينه
للعلگمي العين . والگمر ننتظره
يا لحظه يرجع عترته اينجيها . والگمر ننتظر
*******************
عين اعله درب المشرعه وعين اهنا . تحسب باليتامه
أنظر لاخوي اعله النهر رف الواه . ينطيني العلامه
واجمع اريد اطفالي وبگلبي الاه . چا وين النشامه
يا خويه انادي . والگمر ننتظره
صار الدمع ماي اختك اليرويها . والگمر ننتظر
*******************
عگبك يبو فاضل شفت انه الويل . من ذبحوا اهلنه
نار الخيم مستعره ودموعي اتسيل . وبجيتك املنه
اطفالي طشت بالفله وصارت ليل . والعسكروصلنه
بين آل اميه . والگمر ننتظره
صار الشمر بضعونك اليحديها . والگمر ننتظر
*******************
وحده الحسين وينتظر يمته اتعود . يا نور العشيره
ما عنده ناصر بالوغى ولاله جنود . وجهه المن يديره
يمته يبو فاضل تجي وبيدك جود . بعدك والله حيره
منكسر ظهره . والگمر ننتظره
عطشانه روحه الشوفتك تدريها . والگمر ننتظر
*******************
الشاعر ابو ايمان المجراوي
نار الخيم ما ظل ولي ايطفيها . والگمر ننتظره
****************
وين الگمر يا زينب اتناشد وين . ضعن الهاشميه
امسه المسه والليل اخذ آل حسين . وحشه الغاضريه
وأچم طفل صوب النهر دار العين . بانفاس المنيه
للرايه نربي . والگمر ننتظره
گاع الشريعه العسكر ايحاميها . . والگمر ننتظره
****************
مرعوبه وتناشد غدت يا وفاي . يا صاحب لوانه
يا عمي لو سالم ترد ننسه الماي . ونضل بضمانه
فتت جبل صبري يعباس ابچاي . اختك زينب انه
نار أبدليلي . والگمر ننتظره
من يجمع اطفالي ومنو ايباريها . والگمر ننتظره
****************
ماجت بهلها الحومه وتعالا اغبار . وبلهفه الضعينه
تربي الدرب كافلها وتصيح اشصار . وتاخر علينه
دمع البواچي اعله الجفن خله اثار . يا ساعه ويجينه
للعلگمي العين . والگمر ننتظره
يا لحظه يرجع عترته اينجيها . والگمر ننتظر
*******************
عين اعله درب المشرعه وعين اهنا . تحسب باليتامه
أنظر لاخوي اعله النهر رف الواه . ينطيني العلامه
واجمع اريد اطفالي وبگلبي الاه . چا وين النشامه
يا خويه انادي . والگمر ننتظره
صار الدمع ماي اختك اليرويها . والگمر ننتظر
*******************
عگبك يبو فاضل شفت انه الويل . من ذبحوا اهلنه
نار الخيم مستعره ودموعي اتسيل . وبجيتك املنه
اطفالي طشت بالفله وصارت ليل . والعسكروصلنه
بين آل اميه . والگمر ننتظره
صار الشمر بضعونك اليحديها . والگمر ننتظر
*******************
وحده الحسين وينتظر يمته اتعود . يا نور العشيره
ما عنده ناصر بالوغى ولاله جنود . وجهه المن يديره
يمته يبو فاضل تجي وبيدك جود . بعدك والله حيره
منكسر ظهره . والگمر ننتظره
عطشانه روحه الشوفتك تدريها . والگمر ننتظر
*******************
الشاعر ابو ايمان المجراوي