تويت
حضّرت الصواني وجيتك بلهفه .. والعباس واگف حاضر الزفه
والليله الخيامك . يزفونك عمامك . والعباس واگف حاضر الزفه
****************
مراسيم العرس هالليله نحييها
والساده الهواشم تشهد اعليها
يمّه انطيني ايدك خلني احنيها
هاي اللحظه صار سنين اتانيها
يبني اوگف اگبالي گبل لا تطلع .. ارد اروي دليلي الطولك اتنوع
من تشهر حسامك .. يزفونك عمامك . والعباس واگف حاضر الزفه
****************
يبني الثوب لاگ اعليك تفصاله
وغيرك ما اظن هاللون يحلاله
ابيض ثوبك اووجهك غده اهلاله
من يمشي الگمر نجماته تبراله
منك خلي عيني يا شبل تروه . لجدامك نذر كل العمر فدوه
ملك گلبي هيامك .. يزفونك عمامك . والعباس واگف حاضر الزفه
****************
يبني الكله بالخيمه نصبناها
وعروسك بالجنان اهناك تلگاه
اشوفك في خيالي تمشي وياها
حوريه وعليك اتحوم عيناها
لمن تخطي خطوه وچفك امحنه . ما تصبر عروسك داخل الجنه
ذوبها غرامك .. يزفونك عمامك . والعباس واگف حاضر الزفه
****************
انته اول عريس بدمه حنّاته
نيشان العرس بالصدر طعناته
يزفونك شهيد الباري مرضاته
وبجسمك يقاسم تظل نبلاته
هذا ابني وشرف بيه افتخر انه . ما شافت امعرس مثله دنيانه
رباني نظامك .. يزفونك عمامك . والعباس واگف حاضر الزفه
****************
اطلع يا شمس وبنورك اليسطع
وحيرهم خصومك يمه من تطلع
اطحنهم طحن چن حيدر الانزع
اريد بعيني اشوف امغزر المرضع
ذر ريح الهشيم اتذر جثث خصمك . وارجع قبّل ايد استاذك وعمك
وابعثلي سلامك .. يزفونك عمامك . والعباس واگف حاضر الزفه
****************
انه ام العريس وبيدي ازفنه
لسيوف المنايه الي يذبحنه
انه انطيته لله وما اردنه
واذا عشره ولد انطيهم اتمنه
ويه الزهره اسجل موقف بعمري . من تهجم يقاسم ينشرح صدري
كلامي من كلامك .. يزفونك عمامك . والعباس واگف حاضر الزفه
****************
الشاعر ابو ايمان المجراوي
والليله الخيامك . يزفونك عمامك . والعباس واگف حاضر الزفه
****************
مراسيم العرس هالليله نحييها
والساده الهواشم تشهد اعليها
يمّه انطيني ايدك خلني احنيها
هاي اللحظه صار سنين اتانيها
يبني اوگف اگبالي گبل لا تطلع .. ارد اروي دليلي الطولك اتنوع
من تشهر حسامك .. يزفونك عمامك . والعباس واگف حاضر الزفه
****************
يبني الثوب لاگ اعليك تفصاله
وغيرك ما اظن هاللون يحلاله
ابيض ثوبك اووجهك غده اهلاله
من يمشي الگمر نجماته تبراله
منك خلي عيني يا شبل تروه . لجدامك نذر كل العمر فدوه
ملك گلبي هيامك .. يزفونك عمامك . والعباس واگف حاضر الزفه
****************
يبني الكله بالخيمه نصبناها
وعروسك بالجنان اهناك تلگاه
اشوفك في خيالي تمشي وياها
حوريه وعليك اتحوم عيناها
لمن تخطي خطوه وچفك امحنه . ما تصبر عروسك داخل الجنه
ذوبها غرامك .. يزفونك عمامك . والعباس واگف حاضر الزفه
****************
انته اول عريس بدمه حنّاته
نيشان العرس بالصدر طعناته
يزفونك شهيد الباري مرضاته
وبجسمك يقاسم تظل نبلاته
هذا ابني وشرف بيه افتخر انه . ما شافت امعرس مثله دنيانه
رباني نظامك .. يزفونك عمامك . والعباس واگف حاضر الزفه
****************
اطلع يا شمس وبنورك اليسطع
وحيرهم خصومك يمه من تطلع
اطحنهم طحن چن حيدر الانزع
اريد بعيني اشوف امغزر المرضع
ذر ريح الهشيم اتذر جثث خصمك . وارجع قبّل ايد استاذك وعمك
وابعثلي سلامك .. يزفونك عمامك . والعباس واگف حاضر الزفه
****************
انه ام العريس وبيدي ازفنه
لسيوف المنايه الي يذبحنه
انه انطيته لله وما اردنه
واذا عشره ولد انطيهم اتمنه
ويه الزهره اسجل موقف بعمري . من تهجم يقاسم ينشرح صدري
كلامي من كلامك .. يزفونك عمامك . والعباس واگف حاضر الزفه
****************
الشاعر ابو ايمان المجراوي