يالله يصادوه جاوب عليه

يسلمووو اخ ابو مهدي البرنامج حلو والفكره ايضا حلوه الله يعطيك العافيه
بس لاتصعب علينا الاسأله
اختكم:
زهرة العراق الجريح

اللهم صلي على النبي واله



شكرا لك بومهدي


1- ما رأيكم الصريح بأعضاء المنتدى، وبمشاركاتهم.؟



ج: الاعضاء الشيعه كلهم على العين والراس وانا افخر اني اكون معاهم ...( بس انت بومهدي خارج هالحسبه)


2- كيف تصف لنا الحياة الزوجية...بإختصار؟


ج: بومهدي هذا اللي انت تبيه ...انت تبي اجاوبك على اسئلة الزواج يعني مو مسوي مقابله لله


عالعموم الحياة الزوجيه جميله لكنها كالمد والجزر


3- هل لديكم أي نصائح للمقبلين على الزواج.. أو المتزوجين حديثاً..؟


ج: ارد واقول هاللقاء مو مسويه عشان الاعضاء , انت مسويه عشان تجرجر مني حجي عن الزواج يالشاطر

عالعموم اجاوبك نصيحتي للمقبلين للزواج اختار او اختاري الزوج المناسب الصالح المتدين والعكس صحيح...ونصيحتي لحديثين الزواج اقول انهم سوف يواجهون بعض المشاكل بالبدايه لختلاف الطبائع من كلا الطرفين لكن الصبر


4- كلمة تود قولها.. بخصوص الوضع في النجف الأشرف.


ج: مااقول الا يارب نزور النجف بأقرب وقت بحق الامير عليه السلام

اللهم صلي على النبي واله



هلا اختي اخلاصي


قبل لااجاوب على اسالتج راح اقولج شي


لمن اتصلتي على البرنامج انا ماقلت لج (حياش الله) قلت لج ( حياج الله):p بالكويتي



وبالنسبه لاسالتج حاضر راح اجاوب عليها


بس حبيت اعرف يعني شنو شعورك لمن قالو لك بتصير اب ؟

ج: شعور مو طبيعي وللعلم انا اول واحد عرفت اني بصير ابو ..يعني انا اللي خبرت ام عباس انها بتصير ام لاني انا اللي رحت جبت التحليل من الدكتور وتخيلوا بدال لا انا اتلقى الخبر انااللي قلت لام عباس الخبر



بعدين كيف كان شعورك لمن قالوا لك وصل عباس ؟ وبعدين شفته كتكوت صغير في اللفه.. يعني ذيك اللحظه شنو سويت لمن اخذته بين دراعيك.لو سمحت بالتفصيل الممل علشان انشوف المشهد.



ج: اول ماوصل كنت خايف على امه ..لان كان يومها عندنا احتفال بعيد الغدير ودخلت امه المستشفى لان سوينا لها طلق صناعي( الظاهر عباس كان ماوده يطلع للدنيا ) وبعدين اتصلي فيني قالوا بسرعه تعال ترى زوجتك بتولد


المهم وصلت ولقيت الكل متجمع وناطرنتي

وبعد اقل من ربع ساعه اسمع صوت عباس وكانت احلى لحظه بحياتي


بس تبين الصراحه اول يومين مو مستوعب ان هالطفل تبعي



زين الحين كيف اتحس ارتباطك ابه شنو يمثل لك في هذي الحياه ؟



ج: هو اغلى شي بحاتي كلها مااقدر اوصف لج مشاعري تجاهه


لمن تطلع من البيت وبعدين اترد على طول اتروح له .. يعني مرررره تحس انك تشتاق له؟


ج: من ناحية اشتقال له اشتاق له بس مو كل مره اروح له على طول


الحين كيف اتحس وانت تعامل معاه ؟ وشنو احساسك وانت شوفه يوم عن يوم يكبر قدامك ويكبرك معاه؟


ج: هالشعور فوق الوصف تشوفين قطعه منج يضحك ويلعب ويعرفني يعني لو شافني جاي من بره على طول يمج ايده يبيني وبس اشوفه يضحكلي ويلعب معاي يعني شعور رهيييييييييييييب...وصار اذا قلت له كلمة ياحسين يلطم





تنتظر متى يصير شاب وتزوجه لو مانت مستعجل؟

ج : والله للحين مافكرت بهاليوم

اللهم صلي على محمد و الي محمد

يا بعد عمري...


بو عباس انيالك على هاذه الولد...
بو عباس...
عفوا على تدخلي...
بس انا هم عندي سوال...


لو اجت العباس اخت الحين...بتحبها كثر ما اتحبا

اللهم صلي على النبي واله


هلا اختي محبة اهل البيت


تقولين : لو اجت العباس اخت الحين...بتحبها كثر ما اتحبا


ج: الحين احس ان مافي احد راح احبه مثل عباس بس لمن يجيله اخو او اخت اكيد راح يتغير هالشعور





اختي اخلاصي راح اتبناج خلاص


الحين ليش اخترت المجال الي تدرسه ؟


ج: لحبي لهذا المجال


انت تحس انك صج محبوب من الكل ؟ ويش شعورك بهذا الأحساس؟


ج: والله ارجوا اني اكون صج محبوب .



ماادري ليش احس انك قزم وعباس اطول منك؟
هههههههههه امزح ها.


ج: انا طولي تقريبا 178سم واعتقد عباس نوعا ماراح يطلع طويل ان شاء الله

اللهم صلي على النبي واله



هلا اخلاصي


مشكوره على المبلغ الكبير اللي عطيتيني اياه


طيب ممكن تذكر الينا موقف مضحك من مواقف الطفوله؟


ج:وانا عمري 14 كانوا بيت جيرانه مسافرين ..وبالكويت التكاسي بالطلب يعني مكاتب



فاتصلت بأكثر من 13 تاكسي وعطيتهم عنوان بيت جيرانه ورقمهم


وطبعا تجمعوا كل التاكسي يم بيت جيرانه وصاروا يتحلطمون وكل مايضربون تلفون او جرس الباب محد يفتح لان مافي احد اصلا وانا اشوفهم من سطح بيتنا





وممكن موقف محرج تمنيت الأرض تبلعك ولا تنحط فيه ؟

ج: مره وانا بلندن وفي الهايدبارك تحديدا كنت امشي مع ولد عمتي
ومر واحد يمنه وكان هندي فقلت لولد عمتي ليش مانضربه على صلعته ( كنت امزح بس) وله تجيني الصاعقه ..ليش تضربني على صلعتي طلع مو هندي الرجال طلع عربي



ج:
وممكن الصفه الي تعتز انها موجوده فيك؟


ج: الناس يقيموني مو انا اقيم نفسي

ممكن صفه تبي تتخلص منها مانت قادر ؟

ج: اعتقد اني امل بسرعه يعني نوعي ملول


ج:
اكيد بتقول لي ممكن تنطمين زهقتيني بهالأسئله.
يتبع اذا مازهقت وبعدين ويش وراك خلنا انتعب ايدك اشوي ونطلع اسرارك



ج: بالعكس انتي اخت عزيزه واذا تبين تسالين انا حاضر

السلام عليكم الموضوع زين يعني حلو

اخ صادوه ممكن تجاب على اسئلتي عندي لك 147 سؤال.

شكراً لك أخي صادوه
بارك الله فيك
وشكراً لك هذا الصدر الرحب

واعذرنا.... على بعض اللقافة اللي حصلت
قصدي على بعض المداخلات التي حصلت
واقول شكراً لهم
وعلى طرحهم الأسئلة


وكان هدفي الأول والثاني
هو
إيجاد فائدة للعضو المستضاف
أو الأعضاء القراء.

تحياتي الخالصة لكم

اللهم صلي على النبي واله



مشكور حبيبي بومهدي

هلا حبات سألي على راحتج

هلا اخلاصي


شلون اكتشفت منتدى ياحسين؟



ج: طلبت من احد الاعزاء يعطيني اسامي منتديات فعطاني اكثر من 20 منتدى ومن ضمنهم هذا المنتدى المبارك


ليش قررت تدخل فيه ؟ يعني شنو كان هدفك الأول؟


ج: حبيت المواضيع وماشاء الله على الاعضاء كانوا على روح وحده


شلون كنت مع اول المشاركات؟


ج: زينه


من ذاك اليوم الى اليوم شنو احساسك وانت فيه؟



ج: بختصار هذا بيتي الثاني بدون منازع


تحس انك حصلت على مكانه كبيره في داخله ؟ وتحس انك خلاص اثبت ولا يمكن يقلعوك عن منصبك؟


ج: اكيد هذا بيتي وماراح اتركه ان شاء الله

اللهم صلي على النبي واله




هلا اخلاصي


شنو السؤال اللي حذفته؟؟؟؟


واذا عندج اسأله براحتج

اللهم صلي على النبي واله



هلا اخلاصي


شنو اصعب ماده كانت عندك بالمدرسه؟




ج: الانجليزي


كنت تغش لو ذاكر زين ؟



ج: نوعا ما


شنو شعورك وانت على اعتاب الوصول الى 2000 مشاركه.اللهم صل على محمد وال محمد عيني عليك بارده .


ج: شعور جميل جدا واتمنى اكون وفقت بإفادتكم ولو بشي بسيط


افضل موضوع اتحس انك كتبتها في فترة تواجدك في المنتدى؟


ج: والله الحكم اتركه لكم انت اللي تحكمون


تحب الشعر؟



ج: وااااااااااااااااااااااااااااااااااااااااااااااااا اااااااااااااااااااااااااااااااااااااااااااااايد


افضل اكله تحبها في العالم كله؟


ج: مجبوس اللحم ...شي عجيييييييييييييييب


افضل كوب عصير فعمرك هذا كله شربته كان شنو ومن قدمه الك؟


ج: اكيد عصير مانجا طبيعي ومحد قدماه لي انا شريته من المطعم


افضل موقف في حياتك وتمنيت انه يتكرر؟


ج: ولادة عباس



اجمل لحظه عشتها وحسدت نفسك عليها؟


ج: ايضا ولادة عباس


الحين منقهر في لا ..وتقول ابتلشنا؟ قول الصج ولا تستحي؟

ج: اكيييييييييييييييد مو منقهر بالعكس احب التواصل مابين الاعضاء

شكرا على هالفكرة لكن آنا ما عندي اسئلة
و يعطيك العافية بو عباس

و السلاام

السلام عليكم

اني عندي اسئلة واجد لكن استحي اسئلك لانك رجال لو مرة عااادي لكن لازم باسئلك

خلي يجي الدور على اخلاصي او عاشقتا الامام علي واذبحهم بالسئلة

انت مشترك في منتى ثاني؟اذا مشترك اي منتدى تفضل وليش فضلت هالمنتدى على غيره؟؟؟؟

انت يوم انت صغييير عنيد وشيطااان لو مؤدب وشاطر؟؟

ولدك عباس الله يحفظه ان شا الله يشبهك لو يشبه امه؟؟

وعندي اسئلة بعد لكن مو اليحن باقولها

تحياتي لكم....