إعـــــــلان

**صادوه** · 14-05-2003, 07:07 PM

اللهم صلي على النبي واله

شكرا لعاشقتا واخلاصي ونور الولايه

نور الولايه

انت مشترك في منتى ثاني؟اذا مشترك اي منتدى تفضل وليش فضلت هالمنتدى على غيره؟؟؟؟

ج: ماعندي غير هالمنتدى وكنت مشترك بمنتدى جنة الحسين بس مااشارك فيه وايد

انت يوم انت صغييير عنيد وشيطااان لو مؤدب وشاطر؟؟

ج: شيطان وشاطر

طبعا مؤدي

وشوي عنيد

ولدك عباس الله يحفظه ان شا ءالله يشبهك لو يشبه امه؟؟

ج: تقريبا امه

**نور الجنة** · 16-05-2003, 09:34 AM

السلام عليكم

الاسئلة الثانية

س: تعرف تطبخ؟وكم مرة طبخت ؟و في مرة طبخت واحترقت الطبخة او صارت مالحة او ماسخة؟

اني عندي اسئلة لكن نسيتهم اذا ذكرتهم باكتبهم

تحياتي لكم....

**صادوه** · 16-05-2003, 01:56 PM

اللهم صلي على النبي واله

هلا بنور الولايه

س: تعرف تطبخ؟وكم مرة طبخت ؟و في مرة طبخت واحترقت الطبخة او صارت مالحة او ماسخة؟

ج: اعرف اطبخ بس بيض

ومره حاولت اسوي مجبوس وانا ادرس بالخارج احترق وذاك اليوم الشباب جنوا مني

**نور الجنة** · 16-05-2003, 05:41 PM

السلام عليكم

س: في مرة تهاوشت ويا المدرس؟

س: يوم انت صغير كنت جريء؟

س: تحب الحلويات؟

س: لمى كنت صغير كانوا اهلك ينادوك بلقب؟مثلا زي الملك او اي شي؟؟؟؟؟

س: في مرة اخذت جيد جدأ لو دائما ممتاز؟

س: وش كانت انزل درجة عندك في الدراااسة كلها؟

س: انت تحب العناااد والمزح والهواشة؟

س: في مرة طلعت ام عباس وخلت عباس وياك؟اذا صار هالشي؟ هل لقيت صعووبة معاه ؟

س: منهو اللي سما ولدك عباس؟

س: لو جابوا الك بنت مو ولد وش كنت بسميها؟

س: انت تشتغل في البيت يعني تغسل تطبخ تنظف تكوي لو ابدا ما تشتغل؟

وشكرا لك...

تحياتي لكم....

**صادوه** · 16-05-2003, 05:48 PM

اللهم صلي على النبي واله

هلا بنور الولايه

س: في مرة تهاوشت ويا المدرس؟

ج: لا

س: يوم انت صغير كنت جريء؟

ج: وايد أجرئ من الحين

س: تحب الحلويات؟

ج: وااااااااااااايد خصوصا البقلاوه

س: لمى كنت صغير كانوا اهلك ينادوك بلقب؟مثلا زي الملك او اي شي؟؟؟؟؟

ج: نعم كان لقبي بو شوارب حمر

س: في مرة اخذت جيد جدأ لو دائما ممتاز؟

ج: مره جذيه ومره جذيه

س: وش كانت انزل درجة عندك في الدراااسة كلها؟

ج:سقوط

س: انت تحب العناااد والمزح والهواشة؟

ج: ليس كثيرا

س: في مرة طلعت ام عباس وخلت عباس وياك؟اذا صار هالشي؟ هل لقيت صعووبة معاه ؟

ج: لا ماتخليه عندي وتطلع

س: منهو اللي سما ولدك عباس؟

ج: انا اللي سميته ....ليش مو حلو

؟؟

س: لو جابوا الك بنت مو ولد وش كنت بسميها؟

ج:خليها مفاجأه

س: انت تشتغل في البيت يعني تغسل تطبخ تنظف تكوي لو ابدا ما تشتغل؟

ج: لالالالالالالالالالالالالالالالالالالالالالالا مااسوي شي

**نور الجنة** · 16-05-2003, 06:30 PM

هههههههههههههههههههههههههههه

شكرا لك اخ صادوه على الرد

واسم عباااس حليو

وليش ما تشتغل في البيت تساعد ام عباس شوي

اني مرة باسوي قهوة بدل ما احط الهيل تدروا وش حطيت؟؟

حطيت كمووووون
هههههههههههههههههههههههههههههههه

لا تخاف اخ صادوه بعدهيه الاسئلة ما تخلص
اذا تعبت قولي عادي اوقف عن الاسئلة اخليك ترتااح شوي وبعدين اسئلك

تحياتي لكم....

**صادوه** · 16-05-2003, 10:49 PM

اللهم صلي على النبي واله

هلا اخلاصي وهلا نور الولايه

نور الولايه تفضلي اذا عندج اي سؤال انا حاضر

**فدك البتول** · 16-05-2003, 11:23 PM

شنو هالمقابلة الرهيبة

صادوه عندي سؤال مهم :

اشلون علمت عياس يلطم انا عيزت اعمل اخوي الصغير حسين و مو راضي يتعلم ؟؟

فدك

**فدك البتول** · 16-05-2003, 11:30 PM

عندي سؤال ثاني :

ام عباس ما تقولك ليش كله امجابل الكمبيوتر ؟؟ او ما تسوي لك شي ؟؟ ما شا الله عليك 24 ساعة في المنتدى

ملاحظة :: اذا ياتك بنت لازم تسميها على اسمي

فدك

**فدك فاطمة** · 16-05-2003, 11:47 PM

مسكين ابوي الله يعينه .........

انا اشك ان ام عباس تدخل الظهر او المغرب ليمن يكون صادوه بالدوام بس ما تشارك في شي .......

انا ملاحظة جذيه بس مو متاكده

**ابومهدي** · 17-05-2003, 02:30 AM

ايه.. خل يطردونه الحين

يا جماعة ما يقدر يجاوب
الحين قاعد يسب ويلعن فيني
لأني فتحت هالموضوع

الله يستر.. شوي شوي عليه

خهخخخخخ
سلام

**صادوه** · 17-05-2003, 02:45 AM

اللهم صلي على النبي واله

هلا بالفدكين

اشلون علمت عياس يلطم انا عيزت اعمل اخوي الصغير حسين و مو راضي يتعلم ؟؟

ج: كل احط له لطميات والطم جدامه الى ان تعلم

ام عباس ما تقولك ليش كله امجابل الكمبيوتر ؟؟ او ما تسوي لك شي ؟؟ ما شا الله عليك 24 ساعة في المنتدى

ج: وايد تتشكا من قعدتي جدام النت

ملاحظة :: اذا ياتك بنت لازم تسميها على اسمي
ج: صدقين كنت مفكر صج اسمي احد بناتي فدك

انا اشك ان ام عباس تدخل الظهر او المغرب ليمن يكون صادوه بالدوام بس ما تشارك في شي .......

انا ملاحظة جذيه بس مو متاكده

ج: لا ام عباس ماتحب تقعد عن النت

**بنت المسلم** · 17-05-2003, 04:46 AM

سلااااااااام ..
بو عباس اكيد ما تقعد يم النت ام عباس خو انت كل الوقت قاعد ..
بو عباس شنو شعورك لو معطين الدوائر الحكوميه إجازه إلا انت طاق الغتره ومداوم ؟؟
وبصراحه ابي كم بوكس كليته من كان عمرك سنتين تحديدا ؟؟
لو كنت بعز نومك واي احد وقط عليك تب ماي باااااااارد مثلج شتسوي ؟؟
أخر شئ لو مثلا كنت بحسينيه وكان الرادود مو موجود او تأخر واحد قالك قوم لطم الأوادم شتسوي طبعا انا اتمنى ما اكون موجوده بهلحسينيه

**صادوه** · 17-05-2003, 01:42 PM

اللهم صلي على النبي واله

هلا بنت المسلم

بو عباس اكيد ما تقعد يم النت ام عباس خو انت كل الوقت قاعد ..
بو عباس شنو شعورك لو معطين الدوائر الحكوميه إجازه إلا انت طاق الغتره ومداوم ؟؟

ج: الله لالالالالالالالالالالالالالالالالالالالالالالايجيب هاليوم المشؤوم

وبصراحه ابي كم بوكس كليته من كان عمرك سنتين تحديدا ؟؟

ج: شنو تكلمين محمد علي كلاي؟؟

لو كنت بعز نومك واي احد وقط عليك تب ماي باااااااارد مثلج شتسوي ؟؟

ج: مو بعيده اقتله

أخر شئ لو مثلا كنت بحسينيه وكان الرادود مو موجود او تأخر واحد قالك قوم لطم الأوادم شتسوي طبعا انا اتمنى ما اكون موجوده بهلحسينيه

ج: من حسن حظهم اني راح اشجيهم بصوتي العندليبي

__________________

**إيمـــــان** · 17-05-2003, 01:58 PM

اللهم صل على محمد وآل محمد

سؤالي الى اخوي صادوه

س1/ ماذا تعلمت من الإمام الحسين عليه السلام ؟؟؟؟؟

	المواضيع		إحصائيات	آخر مشاركة
	لقد كرمنا بني آدم بواسطة ibrahim aly awaly أنشئ بواسطة ibrahim aly awaly, يوم أمس, 09:44 PM		استجابة 1 11 مشاهدات 0 معجبون	آخر مشاركة بواسطة ibrahim aly awaly يوم أمس, 09:48 PM
	اثرة العترة في بقاء الاسلام بواسطة ibrahim aly awaly أنشئ بواسطة ibrahim aly awaly, يوم أمس, 07:21 AM		ردود 2 12 مشاهدات 0 معجبون	آخر مشاركة بواسطة ibrahim aly awaly يوم أمس, 07:23 AM

إعـــــــلان

للاشتراك في (قناة العلم والإيمان): واتساب - يوتيوب

تفضلوا معنا..إستضافة بوعباس(صادوه)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين