السلام عليكم :

ارجو ان يكون جيدا ويليق بقدركم ومستواكم لانه من تعبيري وليس منقول عن لسان احد

في اخمسة اشياء انا سويتهم ورزمت اليهم برمز الورود وابغيكم تحافظون عليهم:

1. المحافظة على (( الصحة والراحة النفسية ))

2. المحافظة على (( العزة والشرف و الكرامة ))

3. المحافظة على (( راحة البال ))

4. المحافظة على (( راحة القلب ))

5- المحافظة على (( سلامتك وصحتك الجسمية ))

بسم الله الرحمان الرحيم : سأشرح لكم كيفية المحافظة على هذه الوردات الخمس شلون ان كل وردة مرتبطة ومتوقفة على الثانية وماتقدر وردة تستغني عن الثانية بالتفصيل :

المحافظة على الوردة الاولى (( الصحة والراحة النفسية ))

يعني انت كبار وتفهمون شلون تحافظون على صحتكم وعلى روحكم انكم ماتحملون نفسكم فوق طاقتكم ولا تجهدون نفسكم في اي شي الا على قدر استطاعتكم (( لا يكلف الله نفسا الا وسعها )) لان الله مايرضى على عبده التكليف في اي شي والدين يسر مو عسر المهم هالنقطة سهلة عليكم وانت بروحكم بتحافظون على صحتكم والله يعطيكم الصحة والعافية انشالله ........ لكن الصحة النفسية مو صعب ان الواحد احافظ عليها بس بقول شي لازم اذا كنتم تبون ترتاحون وتحافظون على نفسيتكم انها تكون بصحة وسلامة وتكون نفسيتكم مرتاحة لازم اهم شي انكم تريحون قلبكم وتشيلون همومكم كلها ولا تخلون اي شي في قلبكم لان الكبت يؤدي الى اشياء عاقبتها وخيمة على الانسان مو زين الواحد اخش في قلبه ولا تخلون الدنيا هي اكبر همكم ولا تخلونها تآثر عليكم في اي شي بالعكس لا تعطونها اي اهتمام واي مشكلة واي هم عندكم واي غم واي ضغوط نفسية طلعوها واذا بتخشون بظلون متعذبين طول عمركم اما اذا طلعتون الي في قلبكم بترتاحون صدق بضيق خلقكم وانتو تنفسون اهمومكم بس لكن بعدين مافي شي بخليكم تعبانين نفسيا ولا في شي بخليكم مهمومين ابدا بأذن الله واهم شي انكم تتوكلون على الله ولا اهمكم احد ولا تهمكم الدنيا اعملو الى الاخرة وتركو العمل الى الدنيا لان الي يركض ورى الدنيا مابفوز الا بعوار القلب والامراض الي ماليها علاج وفي النهاية الدمار ويوم القيامة يصلى نار السعير لكن الي يعمل ويترك الدنيا ويفكر في الاخرة بفوز برضا الله ومغفرة منه ورضوان في الدنيا والاخرة ومثواه الجنة انشالله فتركوالهم عنكم واي شي شاغل بالكم او متعبنكم او مكدركم انسوه نهائيا .

· تركو الدنيا والتفكير فيها وتركو التفكير السيء الي اتعب القلب بدون فايدة وفكرو في اشياء مستقبلية وتقدرون انكم تنفذونها ولا تفكرون في اشياء مستحيلة لانكم بتقعدون تفكرون فيها وهو في النهاية انتو مستحيل تنفذونها وبظلون مهمومين ومغمومين ففكرو في اشياء انتو قادرين عليها وفي نفس الوقت انتو قدها.
· لا تهمون روحكم على الدنيا لانها ماتسوى جناح بعوضة وخلو كل همكم في الاخرة والفوز برضى الله والفوز بالجنة انشالله الله خلقنا في هالدنيا على شان نسعى ونكدح ونجد ونحقق امالنا وانسوي الي الله طلبه منا وانروح من الدنيا خلاص الدنيا دار امتحان وعلينا ان احنه نجتاز هالامتحان بنجاح وانفوز بالجنة انشالله شلون انفوز بالجنة سهل ماعليكم الا انكم تتبعون الي الله امر به وتتجنبون نواهيه ولا تخلون الاشياء الدنيوية تلهيكم عن عبادة الله
· لا تخشون شي في قلبكم اي شي طلعوه والله بتتعذبون طول عمركم اي شي عندكم طلعوه
· توكلو على الله وسوو الي عليكم ولا عليكم من احد

المحافظة على الوردة الثانية (( العفة والشرف والكرامة والعزة ))

الانسان الزم ماعلبيه كرامته وعزته وشرفه لازم احافظ على هالاشياءهذي واذا خسر شي منهم خلاص ماتكون اله قيمة في المجتمع ولا اله قيمة بين الناس ولا بين اهله ولا اصدقائه فعليه ان احافظ عليهم فشلون على الواحد او الوحدة تحافظ على هالاشياء هذي اقول ليكم الحين بالتفصيل اول شي لازم عليه انه يلتزم بنفسه ويبتعد عن الاشياء الي ماتجلب الا المعصية والدمار والي اتأثر عليه وعلى شرفه وكرامته فلازم انه يتبعد عن المحرمات لان تنزل من قدر الانسان وتخليه منحط وتخليه في الدرك الاسفل وعليه ان يبتعد عن العلاقات المحرمة مثل العلاقات الي تصير بين الشاب والبنت الي ماتنفع بل المرة بل كلها ضرر في ضرر في ضرر في ضرر في ضرر ...................وللضرر بقية لا منتهية
بقول ليكم شي تدرون ليش الواحد ينحرف وينجرف في بحر الذنوب وهو مو حاس الى روحه؟؟؟؟؟ لان الشيطان يغشى عليه ويعميه عن التقية والعودة الى الله وشوي شوي اغوص في البحر لين اموت وينتهي تدرون ليش انا اقول ليكم كل هذا بسبب استصغار الذنب اوضح اليكم المعنى مثلا اذا كان احد يتفرج على التلفاز ومرت لقطة مي زينة المفرورض انه يبعد عنها ولا اطاالعها لكنه اقول لا عادي الا لقطة ماتأثر ومرة ثانية اقول لا الا لقطتين وبظل يستمر وبظل اطالع لقطات ولين اوصل الى فلم كامل كله خراب في خراب مافيه لقطة زينة وكل هذا بسبب استصغار الذنب صدق ان اللقطة مدتها ما تتجاوز 10 او 20 ثانية لكن اظل تأثيرها الى عدة ايام واسابيع ويمكن شهور ويمكن يوصل الى انه اقلد الي اشوفه ويبغى اسوي الي اشوفه على الطبيعة
شفتو شلون لقطة مدتها ثواني لكن مساوئها اظل الى مدة زمنية طوييييييييييييييييييييلة فالي اقوله انه لازم على الانسان انه مايستصغر الذنب لان عواقبه وخيمة على الانسان ولا تنسون قوله تعالى (( ومن يعمل مثقال ذرة شر يره ومن يعمل مثقال ذره خير يره )) نأتي الى الشرف والكرامة وشلون تحافظون عليهم اول شي حاولو الابتعاد عن العلاقات السيئة الي اتأثر عليكم سواء صداقات البنات او غيرهم وخاصة علاقات الصبيان ابتعدي (( ايتها الفتاة الكلام موجه اليك )) : كل البعد عن هذه الآفة الخطيرة وبقولش شي مهم من تطلعين من البيت سواء رايحة برداة او سوق او مدرسة او الى اي مكان حاولي انش ماتعطين الحمير والبقر اي اهتمام مهما سوو من حركات ومهما سوو من اشياء ومها قالوا من كلام هم يبغونش تعطينهم وج او بس تلتفتين اليهم فأنت لا تعطينهم مرادهم ومن اتشوفينهم اعتبرينهم هم والخمام والزبالة او المجاري او الحيوانات واحد مافي فرق ولا تنزلين مستواش الى مستواهم الحقير وانت اكبر من انش اطالعين او تهتمين الى بقر انابحون او وصخ في الطريق يمشي او يتكلم او اسووي حركات غير عقلانية فأالي اقولة ان انت تعتبرين وجودهم وعدم وجودهم واحد ولا تنجسين روحش بمشاهدتهم او حتى النظر بالغلط وانت ماتدرين وقت الي هم يسوون هالحقارات هذي او هالحيونة هذي وبجذيه هم من اشوفونش جذيه خلاص بقولون هذي مو من صوبنه وبدورون على غيرش اما اذا عطيتينهم اشارة او عطيتينهم الضوء الاخضر على انش راضية بحركاتهم وعادي عندش ترى خلاص بطيحين في شباكهم ولا بهدونش ابدا اما اذا ماعطيتينهم الي يبونه خلاص بدورون غيرش ومن اطوفين عليهم بدل الحركات والكلام بينطمون ولا بقولون شي وبيحترمونش وبنزلون راسهم لانش مو مالة هالسوالف الي كانوا يعتقدونها وبتقدرين جذيه انش تحصلين على كرامتش وعزتش وشرفش بسهولة وحاولي انش تحافظين عليهم ولا تفرطين بوحدة منهم لان كل وحد اتكمل الثانية ولا يمكن الاستغناء عن وحدة منهم والله بصير خلل واذا لا سمح الله عطيتينهم وج خلاص كرامتش بطيح وعزتش بتنمحي وشرفش بيندااااااااااااااااااااااااااااااااااااس فبقد ماتقدرين حافظي عليهم لان الزم ماعلى المرة او الانسان شرفه وكرامته وعزته والله كريم .

· يجب عليكم الابتعاد عن العلاقات المضرة والسيئة ويجب عدم الانصياع الى الشهوات والملذات الدنيوية
· عدم استصغار الذنب فأن هذا من اخطر الاشياء وهو السبب الرئيسي في الانجراف في المعاصي والفجور والوقوع في بحر الضياع الشيطاني ومن ثم الموت والفناء دنيا واخرة
· حافظو على كرامتكم وشرفكم وعزتكم ولاتفرطون بأي وحدة منهم وتقولون لا مو لازمة هذي لان كل وحدة مكملة الى الثانية واذا وحدة نقصت نقص ماسواها
· ابتعدي ايتها البنت عن الاماكن التي تكثر فيها التحرشات والحركات والكلام الوصخ على شان تتفادين اي كلام او اي حركة غلط على شان تعيشين بخير وسعادة

المحافظة على الوردة الثالثة (( راحة البال ))

على شان الواحد اكون باله مرتاح لازم يترك عنه كل شي مو زين او اكدره واسبب له ضغوطات نفسية او قلق نفسي ويترك كل شي على الله ويتوكل على الله في كل شي وافوض امره الى الله وماخاب من توكل على الله ومن كان مع الله كان الله معه واذكروا الله طويلا على شان يرتاح بالكم ويرتاح قلبكم وابتعدو عن التفكير السيئ الي يتعب النفسية والقلب واتجهو الى التفكير السليم واهم شي حاولو الاكثار من قراءة القرآن والدعاء وتفائلو بالخير لا تحزنو ولا تيأسو من تجربة او اي شي ماتوقفتون فيه لان الحياة تجارب ومو عيب ان الواحد يغلط لا والمفروض ياخذ عبرة من الي خطأ فيه ولا اسويه مرة ثانية ولازم انه اواصل وارد احاول من جديد وبواسطة الفشل تحققين النجاح لازم وفي كثير من الاحيان اول شي الواحد يخطأ على شان بعدين يتعلم من خطأه وينجح انشالله والدنيا دار امتحان وكفاح واجتهاد وعمل الى الاخرة والعمل على ارضاء الله بالافعال الحسنة والخيرة والاخرة هي دار النجاح والفوز فريحو بالكم ولا تهمون روحكم على الدنيا وتركو كل شي على الله وسوو الي عليكم وخلاص تركو الباقي على الله
· تركو التفكير الخبيث والسيئ الي اعذب الواحد واخلي البال مشوش وتعبان واتجهو الى التفكير الي اغذي العقل والفكر ويريح البال ويزرع الطمأنينة
· التوكل على الله في كل صغيرة وكبيرة وتفويض الامر اليه في جميع الاحوال لانه هو القادر والعارف بصلاح الانسان والي بيكتبه الى الانسان بكون الى صالحة لان الله احب عبدة ولا احب اله المضرة واكيد الي بكتبه اله بكون لصالحة حتى لو كتب اله بالفشل خذوا هالآية عبره (( عسى ان تكرهوا شيئا وهو خير لكم وعسى ان تحبوا شيئا وهو شرا لكم ))
· حاولو الاستفادة من التجارب والمراحل السابقة واخذو العبرة منهم والتعلم لا اليأس والحزن لان هذا من رمز الضعف وقلة الايمان فخلو ايمانكم قوي بالله وبقدرته وبحكمته