زيدان والطير
دورت راحه بوكتنا
والعجب كل العجب
شفت الوكت محتاج راحة ؟
ودريت أبجهلي طير
عشه مو عش..جان ساحة
أو لو هلي أبعيد أرسلوني
ابكل كرم قدم أجناحة
أشكد حزين الماله نشدة
مثل ذاك الطير يبجي ومنهو صاحة
انا يا زيدان احن والله احن
ال ذيج الدرابين الهوتنه أبهل الوكاحة
واحدنه مجري أشلون أجاه الليل فجأة أوسد صباحه
مو بعيد الدرب ىجنه صعب
يلي من صغرك تعلمت الصراحه
ابجي واكتبلي قصيدة
انته مثل الطير سلوله ابنواحه
وك مر اليمرني الصاحب ابهذا الوكت
عده يرضيني اذا كثر اصياحه