السلام على شيعة علي الكرار

عظم الله لكم الاجر بمصاب
يعسوب الدين مولى الموحدين امير المؤمنين
علي ابن ابي طالب صلوات الله عليه .


من القصائد الشعبية الرائعة للشاعر الاديب جابر الكاظمي و التي تصف باسلوب مرهف عال شعور كل شيعي موالي لامير المؤمنين في ذكرى استشهاده و الالم الذي يعتلي صدورنا و نحن نتصور ضربة اشقى الاشقياء فوق رأس التوحيد و مجندل الصناديد ابا الحسن صلوات الله عليه .

حاولت ان اجدها كقصيدة مكتوبة و لكني فشلت لذا قمت بكتابتها من خلال استماعي للطمية فأرجوا ان تشاركوني الم فقد اميرنا و سيدنا و مولانا امير المؤمنين من خلال هذه الكلمات الموالية الصادقة المعبرة عن كل واحد منا .

فاليكم القصيدة :






* كلما نوگف بمحراب ***** نذكر نورك لي غاب
و الانظار تجدح نار ***** لاجل الثار يا كرار ( حيدر )



يا حيدر شيعتك احنا ***** نصيح بلهفة و بحسرة
مواقد بينا تتسجر ***** الك يا والد العترة
بينا طبرتك تركت ***** الف طعنة و الف طبرة
و ثارك يستعر بينا ***** مثل ما تسعر الجمرة
احنا شيعتك ننخاك ***** ياريت اندفنا وياك
بحزن الروح دمع النوح *** ظل مسفوح ليل نهار ( حيدر )
و الانظار تجدح نار ***** لاجل الثار يا كرار ( حيدر )



* كلما نوگف بمحراب ***** نذكر نورك لي غاب
و الانظار تجدح نار ***** لاجل الثار يا كرار ( حيدر )




بكل محراب من نوگف ***** نذكر لوعة مصابك
و نذكر من طحت دامي ***** عليك ينوح محرابك
نكابر عل الحزن و نصيح ***** يامن صار الدما خضابك
و منهو لمسح دم راسك ***** و منهو لضمد صوابك
و بهل الطبرة يا ضرغام ***** طبروا هامة الاسلام
و عين الكون تغفى شلون ***** يا المرهون للاقدار ( حيدر )
و الانظار تجدح نار ***** لاجل الثار يا كرار ( حيدر )


* كلما نوگف بمحراب ***** نذكر نورك لي غاب
و الانظار تجدح نار ***** لاجل الثار يا كرار ( حيدر )


غبار الفاجعة تناثر ***** حزن و العالم تغير
حزين و بالسما السابع ***** هتف صوت الوحي و كبر
سمعنا الهاتف ينادي ***** انطبر راس الوصي حيدر
عجيبة تموت يا فارس ***** بدر و الخندق و خيبر
و شلون الأجل ارداك ***** يا سيف النبي الفتاك
كلها تكَول مو معقول ***** هل المجتول حامي الدار ( حيدر )
و الانظار تجدح نار ***** لاجل الثار يا كرار ( حيدر )



* كلما نوگف بمحراب ***** نذكر نورك لي غاب
و الانظار تجدح نار ***** لاجل الثار يا كرار ( حيدر )


انت الغالي يا اول ***** امام و شيعتك احنا
مصابك عايش و يانه ***** ولا لحظة يبارحنا
بعد منهو لذي يبدد ***** هضمنا بشدة لو طحنا
مثل نوح الثكالى تنوح ***** مهجنا و بالحزن صحنا
لاهب النسيم الهاب ***** من بعدك يا داحي الباب
يومك يوم كله هموم ***** بينا تدوم هل الاكدار ( حيدر )
و الانظار تجدح نار ***** لاجل الثار يا كرار ( حيدر )



* كلما نوگف بمحراب ***** نذكر نورك لي غاب
و الانظار تجدح نار ***** لاجل الثار يا كرار ( حيدر )


على فراكَك سكن بينا ***** الكدر و هموم لوعتنا
سواد الليل ظل ينعى ***** و يواسينا بمصيبتنا
جمر تنثر نواظرنا ***** عليك بدال دمعتنا
مثل دم جرحك ليجري ***** غدا الدم تجري عبرتنا
و شلون الچفن اخفاك ***** و تراب الكَبر واراك
نحني ضلوع نجري دموع ***** چم مفجوع ظل محتار ( حيدر )
و الانظار تجدح نار ***** لاجل الثار يا كرار ( حيدر )



* كلما نوگف بمحراب ***** نذكر نورك لي غاب
و الانظار تجدح نار ***** لاجل الثار يا كرار ( حيدر )



يامن رب العرش حجة ***** و خليفة لنبي اختارك
مشاعل فكَدك استعرت ***** و لا تخمد بعد نارك
بواتر هذه مشحوذة ***** يامن قائدها بتارك
لون هل الدنيا نفنيها ***** فلا نوفي طلب ثارك
دمك يا دما يساويه ***** يا ثار لذي يجاديه
ما ساواه لا و الله ***** ما ننساه مهما صار ( حيدر )
و الانظار تجدح نار ***** لاجل الثار يا كرار ( حيدر )




* كلما نوگف بمحراب ***** نذكر نورك لي غاب
و الانظار تجدح نار ***** لاجل الثار يا كرار ( حيدر )



ثارك عايش و يانه ***** يصبحنا و يمسينا
من يسفر شهر رمضان ***** يذكرنا بمآسينا
نصوم و نذكر صيامك *****الما كملت ثلاثينه
يا ليلة واحد و عشرين ***** دوت نار الحزن بينا
كل ما بصحف آيات ***** و يانه تهل عبرات
بالاحزان و الاشجان ***** ثارك حان يا مغوار ( حيدر )
و الانظار تجدح نار ***** لاجل الثار يا كرار ( حيدر )




* كلما نوگف بمحراب ***** نذكر نورك لي غاب
و الانظار تجدح نار ***** لاجل الثار يا كرار ( حيدر )






الموالية
براثا