جابر الكاظمي




الرباب (عليها السلام)


آه يـــــــــــبـــــــــني آه يـــــــــبـــــنـــــي

مــــن شـــفت خـــالي المهد لليـــــسر گـــــلبي اســــــتعد

عــــبد الله يـــــبني

* * *

آنــــــه الـــرباب الــــلي عقدت آمالي

وربــــــيت عــــبد الله بغرس آصالي

روحــــــي تــــــهزّه والمـــــهد دلالي

وسهم اللي صوّب طفلي غيّر حالي

ســــــهم الـــــلي حـــز النحر بـــــــدلالي صــــــــار الاثـر

عــــــبد الله يــــبني

* * *

عــبد الله لـــو ما ايسيل بالطف دمك

مـــا چــان سال الدمع من جفن امك

يــــوليدي ظـل بگلبي مكتوب اسمك

وارسمت فوگ الجفن منظر رسمك

نشّـــــفلي جــــــاري الــدمع يـــــــالمنحر منــــــــگـــــطع

عــــبد الله يـــــبني

* * *

آنــــه امــــك الــغذيتك بجاري دموع

وفـــوگ المهد يوليدي أحنيت ظلوع

ما حـــسّبت انظر وريــــدك مگطوع

بجالك ردت راس امـك يظل مرفوع

صــــوّبــــــك ذاك الســــــهم وبگــــــلبي صــــــار الالـــم

عــــبد الله يـــــبني

* * *

آه يـــــبني يــــــــالربـــيتك بــــدمع الـــعين

ذيــــــچ اللــيالي الـــزاهيه صــــارت وين

حـــــال الرباب أصبـــح مــثل حال حسين

وســـهم الگــطع منحرك صارن سهمين

يــــولــــيدي گــــوس الگدر بســــــهامه گـــــلبي انــفطر

عــــبد الله يـــــبني

* * *

مـــا شـايفه عيوني رضيع وينصاب

گبل الفـــــــطامه يــــــنفطم بالـــنشاب

صــوابين صارن لا تظن فد صواب

برگـــــبتك واحـــد واحد بگلبي الذاب

والــــــــروح متــــــألمــــــــه بســــــهمك وســـهم الضمه

عــــــبد الله يـــبني

* * *

من شفت مهدك خالي يا لب حشاي

ظليــــت أحــــــن والـعايله تحن وياي

ولو ندري بيك تموت ما ردنه الماي

جــــيتك وجـــــبت جروح گلبي ويّاي

فـــــگدك يــــــريع الـــــگلب خــــــلاني أحـــــمل غـــرب

عـــــبد الله يـــــبني

* * *

مـــا شــــــايفه عــــيوني رضيع ومذبوح

بس انـــــته ياللي غـــابت ويــــاك الروح

هاك اخذ من عيونــي دمــــعي المسفوح

يخـــــبرك بــــــأمك للـــــيسر تـالي تروح

امــــك تــــــروح بـــيـــــــسر وانــــــــته تـــــظل بــــالگبر

عــــبد الله يـــــبني

* * *

طهران / 1981 م