بسمه تعالى

انا قلت للمتزوجين فقط لأنهم أصحاب سوابق أقصد تجارب وممكن للعزاب يشاركون

موضوعي عن الكنه وعجوزها (ام زوجها)شنهو سر العلاقه اللي بينهم ليش الخناق والفزعه والضحيه ويعليه الزوج مسكين تشوفونه جالس بينهم وهم يتقاذفون بالصواريخ والقنابل وهويقول(من بيني وبين بين الوحشين )
انا اقول ان السبب الرئيسي للحرب بين الزو جه وعجوزها (مثل مانقول)هو الاحتكاك فيفضل ان الولد مايسكن مع اهله من البدايه حتى لو زعلت الام تزعل شوي وترضى لكن لو سكن مع اهله فالله يعينه

بالنسبه لي صرت اقرب كنه لام زوجي لأني ماسكنت معهم وأزورهم يوم في الأسبوع وفي هاليوم اتحمل اللي يجيني
وفي شي ثاني يقرب للعجوز وهو الفلوس
اي والله خلي الزوج يحدد لها مصروف شهري وتستانس مره وتصيرين غاليه
انا ماانكر الغيره اللي من الزوجه على زوجها من امه لكن هذا يعتمد على الزوج يعني لايسوي الشي اللي يثير غيرة زوجته
وايضا غيرة الام من كنتها اهم شي عشان يتجنب هالموقف لايظهر اهتمامه الشديد ومحبته الزايده لزوجته جدام امه

هذ والله الموفق الموضوع طويل بس انا اقول كل زوجه وشطارتها عشان تتجنب المشاكل مع اهل زوجها طبعا اللي تحب زوجها تضحي
وانتو عطوني رايكم