شلون تعرف اذا كنت بالكويت ولا لأ ؟؟؟


1- لما تشوف ياهل عمره ما يتعدى 10 سنين و بإيده موبايل بو كاميرا .
2- إذا كنت بالشارع و شفت واحد حاط أغاني انجليزية و مطول عليها و مو فاهم شي من الاغنيه .
3- لما تشوف واحد عنده سيارة كشخه وما عنده دينار حق البانزين .
4- لما تمشي بالشارع وتشوف الهنود اكثر من الكويتيين خاصه عند دوار الشيراتون .
5- لما تروح الفنار او سوق شرق او المهلب او مارينا مول وتشوف تجمع شباب وماكو واحد بإيده جيس (كيس ) واحد .
6- لما تروح اي مكان ترفيهي وتلقى لافته على البوابه و مكتوب عليها بالخط العريض للعائلات فقط و معنى العائلات أي شاب + أي فتاه .
7- لما تشوف نص الناس يعتقدون ان كلمه الانترنت يعني اشياء محرمه والنص الثاني يعتقدون انها Chat .
8- لما تشوف أغلب الموظفين يداومون يوميا على شرب القهوة والجاي و قرايه الجرايد .
9- و لما تشوف أغلب الموظفات يداومون على عرض الازياء وبيع الخلاجين .
10- لما تشوف المدرسه او بالعاميه الأبلة بره البيت تقوم بدورها على أكمل وجه أما بالبيت تحتاج منو يربيها .
11- لما تروح الملاعب وتشوف ثلاث انواع من الجماهير : النوع الأول رايحين حق الجوائز و السيارات, والثاني حق السب و الشتم ترويحا للنفس, والثالث رايح حق المسيرة اللي بعد المباراه أما المشجع الأصلي قاعد في بيتهم وما يروح الملعب عشان ما يشوف هالأنواع الثلاثه .
12- لما تمر يم الروضة وتشوف ان الخدامات و السواق اهمه اللي يوصلون الياهل و يبوسونه و يودعونه والياهل المسكين يبجي عشان بيبتعد عن الخدامه 6 ساعات .
13- لما تروح المدرسه وتشوف ان الطلاب يتمردون على المدرسين لان وزارتهم اتخذت قرار قوي واهو ممنوع الضرب .
14- لما تروح الجامعات وتشوف الغايبين دبل اي اكثر من الحاضرين والحاضرين نصهم نايمين .
15- لما تروح المسجد و تسمع ان الصلاة تقيم على أنغام رنات الموبايلات .
16- اذا مشيت على البحر بجو رومانسي وشفت شلة عقد يمشون يمك و يغنون جنهم سكارى .
17- اذ شفت واحد كبير ماسك إيد بنته ويمشي ترى هذي صج بنته واهي مستانسه يعني شوفوا ترى هذا ريلي .
18- اذا شفت زهيويات كبار يتمشون على الأرض ترى هذولا بنات متحجبات ومطلعين قذلهم جنها قرون استشعار .
19- اذا شفت يهال يلعبون بالرول سكيت بسوق شرق .. يبه خلاص راحت هالموضه .
20- اذا شفت البنات يتحرشون بالشباب والشباب مو معطينهم ويه .. يبه والله عيب .
21- اذا شفت بنيه تتمشى بروحها و وراها الفلبينيه .. طالعين طلعه هالايام .
22- اذا شفت الناس لابسين نظارات شمسيه بنص الليل .
23- اذا شفت ياهل بالمتوسط بإيده زقارة وبطل بيبسي .. يعني انا ريال .
24- اذا شفت شباب جياكر وكل واحد صابغ خصلة من شعره .. يعني انا ستايل .
25- اذا شفت واحد ماسك إيد اخته ويفتر فيها بالمجمعات .. يعني شوفوا ترى هذي رفيجتي .. خو جاكينكم .
27- اذا شفت وحوش تتمشى لا تستغرب ترى هذيل بنات كويتيات حاطين مكياج .
28- اذا شفت واحد كاتب ايميله على السياره .. يعني يكون كاشخ مع الويه ترى نص الكويت عندهم ايميلات .
29- اذا كنت تتمشى و مرت يمك ذبانه كبيرة لا تستغرب ترى هذي وحده جيكرة حاطه عدسات .
30- اذا شفت واحد مجسم و موقادر يتحرك جنه قبقب يعني يا بنيه ترى انا قوي .

لما تشوف كل هالاشياء مع بعض تأكد اميه بالاميه انك بالكـــــــــويت ...

منقول