بعد إهانة القرآن العظيم ، ترقبوا إهانة المسجد الأقصى وأنتم تتفرجون !!

نعم أقولها بكل مرارة وحزن أن صمتنا على هذه الجريمة النكراء هو عرض مغري وسهل لليهود بأن يفعلوا بالمسجد الأقصى المبارك ما يشاءون! ، وبعدها فلندفن رؤوسنا بالتراب ووالله أن باطن الأرض أستر لنا من العيش على ظهرها !!!

للأسف صمت رهيب ومخيف أمام جريمة عظيمة ونكراء وهو أعز شيء تملكه الأمة الإسلامية ، وهم يحسبونه هيناً وهو عند الله عظيم

طيب يعني اناكمواطن عربي عراقي ، عندي حكومة منتخبة وقوات امريكية ببلدي نتيجة لضروف الكل يعرفها. وبحجة امريكا تجي بهائم بشرية تفجر نفسها وتقتل المئات من العراقيين. بهذه الحالة انا شنو يفيدني اذا صحتوا الموت لأمريكا !! ان شاء الله تصيحون للصبح ، امريكا ما راح تنضر صدقني. لكن اقولك كلمة ، هذه التصريحات النارية ، هي اللي جابتلنا ناس مستعدة تفجر نفسها بالعراق .. مجرد حشد كره صارخ ضد الغرب وامريكا. والنتيجة توجيه هذه القنبلة الموقوته من قبل قادة معينيين .. والناس ما شيين وراهم بدون وعي.

اقول بدون وعي لأن من يفجر نفسه بالعراق يعتقد بأنه على صواب ، ويعتقد ان لا شائبة على قتل الطفل لأنه سيسرع بدخول هذا الطفل للجنه..

الآن بدل ما نطلع نصيح ونصرخ "الموت لأمريكا" .. وبالاخير تنخرب الدنيا ، شوفوا كم حل سياسي احسن .. لأن اذا سوريا تقدم بعض الدعم الآن .. فسوريا راح تروح بخبر كان في المستقبل. لأن اللي تسويه بالعراق من تسهيل امور الارهاب ما راح تمر عليها بسلام ، لا امريكا راح تمررها لسوريا بسلام ، ولا العراقيين راح ينسوا اللي سووه... وموبس هذا .. ازيدك علم ، الديمقراطية راح تنتشر بالشرق الاوسط غصب عن اكبر واحد. اقولها وانا رافع راسي وبتحدي .. وراح تشوف

وكل حكومة من حكومات المنطقة ، راح تقول حاضر .. وكل ارهابي عفن ، راح ينقتل او ينسجن .. واهلا بك للعالم الجديد

مع الاسف المصالح ، واللعب بالعواطف صاير مودة هالايام .. انت راح يستفزك كلامي هذا ، بس لو تترك العواطف جانيا ، راح تشوف ان الديمقراطية هي مصلحة لشعوبنا. فارجوا ان لا تخلط بين مضاهرات خرجت ضد اهانةالقرآن الكريم وبين امريكا وبين الديمقراطية.. هناك امور نريدها ، وايجابية بالنسبة لنا..

منطق ان كل شيء من امريكا هو سيء .. هو فكرة تعيسة لا اكثر