راح ادك باب القصيده بجف غريج من التعب
وراح اكولن جلمتي الاقدس شعب
شعب يؤمن بالتطور والحضاره الجاهليه
شعب سوه من التطور فكر هدم بيه مسله حامورابي البابليه
قاتل التاريخ شعبي وعاش بحلوك السيوف
وجسد عيون الفضيحه باحله خوف
باعتقادي البير اظلم
وباعتقادي البادي اظلم
وباعتقادي الموت اسلم
من ابو سفيان اسلم
انه وين تعودت ما ادري وين
وانه عندي عله السوالف الف عين
والف شاهد عل حقيقه والف شاهد عل الطريقه
المات بيهه اخر حسين بكربلاء
وجنت شاهد عل دماء
وجنت شاهد عل السماء
وجنت شاهد عالجفوف الخضرت كبه وعلم
وجنت شاهد عل الم
ولالم مو يعني ابجي
الالم يعني اني نار وحركت عله حسين وعياله الخيم
وصفكت ويه النشيد الوطني
وصفكت لمن ذبحتك وطني
وصفكت لمن عشت ويه الشمس تاريخ اظلم
ومن شفت قوة يزيد بدلت وجهي المناضل والبست وجه العبيد
وكلت ما ادوخ حياتي والتهيت بموقف الاسلام
لمن ما اخذ سيف الوليد


كاميران العداي