تويت
بسم الله الرحمن الرحيم
الحمد لله رب العالمين والصلاة والسلام على خير الانام
وعلى آله وعترته الاطهار وعجل فرجهم واللعن الدائم
على اعدائهم من الساعة الى قيام الدين
من منبر الخير والصرح المبارك من محطة النور
ورحاب مولانا الامام الحسين (عليه السلام )
نتقدم بالشكر والتقدير والامتنان الى :
خادم اهل البيت الموالي المميز
( ميثاق الهلالي )
ونقدم له اجمل التحيه واخلص الدعوات
لتشريفه في مسابقة الامام علي ( عليه السلام )
بالمشاركه المميزه التاليه
علي صوت وسجود وسيف وكت الضيج = وعلي خبزة يتامه ودمع سالفته
والينكر علي ماعندي شي وياه= بس خل يسال أمه منين جايبته؟؟
هذا الجف الاول والبنه الاسلام = غيره شكثر عدنه جفوف هادمته
وهذا المن يهد تنحني لسيفه اركاب = ابو سيف الفقار الكلها هايبته
وهذا النذر عمره وصوته للتاريخ= تلتم السنين وتلبد بكبته
انه ادري بعلي عاشكته شمس الله = بس لتكلي ابو سفيان عاشكته
تكلي شلون باب الحصن بيده يطيح !!= وهو باب الحصن معروفه سالفته
واكلك مو علي الطيّح بجفه الباب = أهي خطفة مهرته الباب شالعته
من مسيجد لمسجد جسمه ظل يدور = ومن موت و ولاده اتخلدت قصته
لتكلي مجرد بشر مثل الناس كل= وعلي لو بيدك اسم الله طيحته
اسمع هم اكلك شيله كون تريد = مايحتاج حيدر تذكر اسمه انته
ولك هو الجبل يايوم جده الماي؟= اهو ماي المطر يتصابح بكصته
حرامي من الشمس معروف عدنه يخاف=يشع ضواه ويفضح البكته
إذا نحسب زلم بعد النبي الكرار = تشهدله الحرب والمحن عارفته
وإذا نحسب زهد هو الخليفه الجان =خبز شعير يابس قوت عائلته
وعلم نهج البلاغه الماوصلّه انسان = بس قران ربك فوك مرتبته
واذا كل الحجيته وسولفه التاريخ = مااشبع غرورك والحقد عفته
بالعباس اكلك يظل حيدر سيف = غصبا فوك خشمك ردته ماردته
غصبا فوك خشمك ردته ماردته
شعر ميثاق الهلالي
جزاكم الله خيرا ووفقكم في الدين والدنيا
ورزقكم شفاعة اهل البيت (عليهم السلام )
الى الامام من العطاء الولائي المبدع
تعليق