نوايب..نوايب ماتعوف الدار
والنهران من تجهب تزجي زنجار
ريحه عفنه من حط بيها جدمه الغريب
شكَ زيج الوطن وتكَطعت غفله الأزرار

طنطل وبحماده يطركَ ابن اللكَيط
شجاعه وفخر من يرعبله جومة حرم وزغار
يا نبي الرحمه تسمع وتشوف
أمتك ما كفاها المضه
كامت تحطلنا بالخبزه صم أنفجار
تشيل سيوف نجسه وتحني الجفوف
شيعة علي بالموت صدرت الفتوى
بالأنترنت خبرها نعلن وذبوها بركَبة المختار

صبرك ياعراق اصبح مثل ينكَال
شعبك عل الجمر واكَف
ماخاف الزمر وغدرة الخطار
للنجف دار النظر كعبة الأبطال
من عدها الأمر لتهابوا الأخطار

يا بنفسج يا دم العراق الجديد
صبغ صبع الحديثه وكحل عيون الفرات
مسح دمع اليتيمه وأم للأمل تختار
جابولي الخبر بديرة الأغراب
أهلك عل المراكز تطوي الأجدام
عل (نعم) كَالو هي الفخر
وكل الفخر للمجد الثوار