تويت
ممكن طلب
تظيفوني انا وصديقتي هدى احمد بالقهوة العراقية اذا سمحتو لنا
تظيفوني انا وصديقتي هدى احمد بالقهوة العراقية اذا سمحتو لنا
-
-
السلام عليكم ورحمة الله وبركاته
اهلا بيج اختنا سمات الثقلين وبالاخت هدى ايضا وهذا قوري جاي مهيل الجن من ادين اختجن ام علي صاحبة الكهوة ولو هيه بعدهي غايبه عن وجه العداله . احنا شوية زعلانين عليج اخت سمات لانج حاطه موضوع عن اللهجه العراقيه
بس مو بالكهوة جان المفروض تخليه بكهوتنا كهوة العراقيين.
واهلا بتنا العزيزه علوية زهراء عموووووو زهراء انتي جاييه للكهوة وحدج لو ابوج وياج ترة ميصير الزغار ايطبون للكهوة ههههههههههههههه لا عمو هلا بيج اريد اضحك معاج.
اختنا العزيزه المجتهده بنت الحكيم ابيات الشعر الخالتهم كلش حلوات ومعناهم كبير وحلو بس انا ماراح افسرهم انتظر وحده من خواتج سمات الثقلين او هدى او العلوية هنه ايفسرنهن
واللي اتفسرهن اول اله قوري جاي مجانا من ام علي
ننتظر مشاركاتكم ويانا جميعا
وشكرا الكم ومية هلا بيكم اعيونيتعليق
-
السلاااااااااااااااااااااااام عليكم
مشالله ماشالله القهوه طفحت زباين عراقيين عيل احنا خل نطلع قبل لا ننطردتعليق
-
السلام عليكم
ماعاش اللي يطردكم اختي خادمة بو فاضل
هى صفة القهوة انها عراقية ولكنها تحوى جميع الجنسيات و الهدف هو تعليم اللهجة العراقية مثل ماقالت ام علي
على فكرة انا عراقية وصرت اتعلم مفردات جديدة قديمة بفضل هذه القهوة
تحياتي لللجميعتعليق
-
السلام عليكم
وينكم ياجماعة ترى القهوة راح تعزل اذا ضلينا هالشكل
وين النشاط و الحيوية
اظن بيت الشعر او اللغز مو صعب لهالدرجة
ناطرتكم
فى امان اللهتعليق
-
الامثال الشعبية العراقية
كما هو معلوم ان الامثال هي خلاصة تجارب انسانية وان لكل حادثة مقولة او مثل وكما يقولون ابو المثل ما خلة شي ماكالة
نورد هنا بعض الامثال العراقية في القهوة العراقية ولو قاطعناكم والموضوع طويل
ودع البزون شحمة
نارهم تاكل حطبهم
صياغة الصايغ لبنته
كتلو ربعه وهو يتحزم
التبربش ولا العمى
الحجارة اللي ما تعجبك تفشخك
رجعت حليمة لعادتها القديمة
اللي خلف ما مات
اشتري ولا تبيع
يركض والعشا خباز
بالوجه امراية وبالظهر سلاية
المعرسين اثنين والمجانين الفين
اللي ما عنده فلس ما يسوة فلس
دار السيد مامونة
فوق هندي والتحت بابنجي
المنحوس منحوس حتى لو حطوابراسة فانوس
مثل تفال السمة
ضحك خير والشر على بيت ازعير
سبع صنايع والبخت ضايع
اتريد اتكحلها عمتهة
ياخذك للشط ويرجعك عطشان
الشبعان يثرد للجوعان احروف
بيدر الذهب هم يحتاج بيدر الدخن
الجار قبل الدار
چانت عايزه.. التمت ..
جاني بنفسه ما نطيته .. دزلي شعره من لحيته ؟ ..
چاي .. لو چوي حصان ؟
جبت الاگرع يونسني .. كشف راسه وخرعني
جبر .. وأخو جبر .. وثلاثة من گبل .. وعمك المجابلك .. وابوك الله يرحمه
الچبير چلب .. الصغير چلب ابن چلب
جدر الشراكة ما يفور
جدي ينتقم منهم
جرح الگلب مثل الجام .. ما ينلچم
الجريدي لو سكر .. يمشي على شوارب البزون
جزاء الاحسان بگان
جزاء سنمار
جزت من محروگ الصفحة .. ولزگت بعيني
جزنا من العنب ونريد سلتنا
چفيان شر لملا عليوي
چلب الکواز
چلت ايدي والصفا .. والگاع ما تقبل وتد
الجمل بياره غالي .. وبألف رخيص
چو بچيني بعاشور ما ينشرب
جيب البيز .. ودي البيز .. ثاري البيز خرگه
جيب الليل .. وأخذ عتابه
چيسك عند أبو الطماطه
الحاجة .. للمحتاج
الحار جوه .. ياخيار
حامض شلغم ماضوگه .. لو ضربوني بطابوگه
حاميها حراميها
حبلت مثل جيرانها
حتى ابن هرمه صار دفتردار
حجارة الچبيرة .. من الجار القريب
حچاية .. مالها نهاية
حدثني شختي عن بختي
حرامي وتنباگ عباته
حصة الأسد
حصرتني الرٌگصه
حضٌر المعلف .. گبل الزٌمال
حظه نايم بين الورد والرياحين
حظي بكل شي اسود بس بالرگي أبيض
الحگ للسيف .. والعاجز ليدوٌر شهود
حكم القره قوش
حكم نبي الله سليمان
الحكومة حكيمة
الحليم .. يطلع من العواقب سليم
حمارة القاضي .. عزيزة
الحمص والبهارات منين أجيبها ؟
حمينا الماي .. وطار الديچ
حية البيت ما تآذي
العاقل . . اللٌي يفكٌر بعواقب الأمور
عايشين بالصٌلوات
عباس المستعجل
عبٌي بالخُرج
عتٌابْ . . گصوا خشمه وما تاب
عداوة البزون والجريدي
عـدو عاقل خير من صـديق جـاهل
العذر اقبح من الصوچ
عرب وين . . وطنبورة ويـن ؟
عربيه زانم . . مجيده چِيا ؟
العرس عدنا هنا . . مو عدهم هناك
عروگ شفي
عركة ابو الفجل
عزيمة الحصيني . . واللكـلـك
عزيمة الهدهد
عصفور كفل زرزور . . واثنينهم طيارة
العصفور يزمط. . يريد يگمل
عگب الحليب وچاي . . مالح يشربون
عالموت يحسـدون
على هامان . . يا فرعون ؟
عليٌ وعلى اعدائي . . يا رب
عليٌ هم بَللُم
عند الضيق . . لا صاحب ولا صـديق
العنده فرمان يگدر يتفل بلحية السلطان
عورتن . . بلشتن
عيسى انتچل على موسـى . . وضاعــت الجـاموسـة
العين ما تنظر . . والگلب وما يهوى
عيسـى بدينـه
تعليق
-
السلام عليكم
اشلونكم عيوني
البيت اللي خلته اختنه بنت الحكيم حتى ليروح بليه تفسير نفسره الكم :
صدك ترضى يباري الكون يا معبود ((هذا واضح سؤال للخالق ))
مطربه ناس ومكيفه وناس جرود ((كلمة جرود تعني الملابس القديمه المتهلهله الممزقه
وهنا يرمز للشخص الرخيص الميسوه شيء باخلاقه ))
ضنكه عيشة المسكين و المكرود ((ضنكه يعني غير ميسوره - المكرود يعني المسكين الفقير))
موت ولا يظل بين الخلك ذيه ((الكلمه الاخيره اعتقد بيه خطأ املائي يمكن تقصد اختنا ذله ))
هذا تفسير ابيات اختنا بنت الحكيم اما امثال الاخت الكريمه هدى فهي كثيره وحلوة ويمكن كل الامثال العراقيه وغير العراقيه وبيه حتى ابيات شعر مشهورة نشكرك كل الشكر على هذا المجهود والعمل الكبير الرائع .
ومادري نبلش نفسرهم مثل مثل لو تريدون تكتبون الامثال الغير مفهومه الكم ونحاول انفسرهم انتو بكيفكم
وشكرا لمشاركتكم معاناتعليق
-
السلام عليكم
كما يقولون يحق للشاعر مالا يحق لغيره
اخر كلمة صحيحة وهى ذية ومعناها اذية فقط لاغير
شكرا محب حيدر الكرار على الترجمة
وشكرا اختنا هدى احمد على الامثال
بس هل هذه الامثال للتفسير او للقراءة؟تعليق
-
السلام عليكم
هاي شنو اشو ماكو احد بالكهوة شنو غزلتو لازم الجماعة طلعو كسر
اسفة على الغيبة الطويلة لضروف خاصة وسلامي للجميعتعليق
-
هاي شنو ماكو احد بالقهوه أضاهر صدق الجماعه طلعو كسر هههههههه
على فكره اني شربت جاي بس ماكو و يا كليجه شي
زين اني ما اريد ادفع الحساب شنو رأيكم نلعب دومنه و الي يخسر يدفع الحساب ههههههههه
ها شنو رايكمتعليق
-
السلام عليكم
شلونك اني اول مرة اشارك
اي دكولولي الله بالخير
تعليق
-
السلام عليكم
يسرني ان هذا الموضوع رجع مرة ثانية
اهلا وسهلا بالجميع
اخي محب حيدر الكرار منتظرين الغازك
تحياتي للجميعتعليق
-
السلام عليكم شلونكم ياجماعه
تظيفونا وله امشي ؟؟
تعليق
-
وعليكم السلام اختنا خادمة بوفاضل اهلا وسهلا بك بس دخيلك لاتمشين
تعليق
-
السلام عليكم ورحمة الله وبركاته
الله بالخير شباب وشابات
زين رجعت القهوة فتحت من جديد لازم ام علي باعتها للاخت بنت الحكيم
خوما خذت منك سرقفليه كبيرة؟؟؟!!
ترة هالايام الشغل موكلش والكهوة ماجايبه همه بس همتج ويانا نكثر المعاميل ونزود الرزق وتطلعين فلوسج اللي انطيتيهن لام علي .
المهم انخلي كم كلمه ونشوف التجاوب ويانا :
طرمبه
أبرغ
لوله
وبعدين انكمل
شكرا الكم جميعاتعليق
تعليق