إعـــــــلان

**إكسير الأحزان** · 11-07-2006, 09:50 PM

هلا فيك اكسير
الا اعرف من وش تخاف وذكرت قبل
هي تخاف اني لما اروح مكان اطول هناك
او اخليها وارجع عنها
هي ماتحب ان النظرات تتركز عليها
فيها خجل زياده مشكور اخويي

هاي علاجه يكون بالتالي من وجهة نظري:
تطلبين منها تبقى مثلا ً في داخل الغرفة ويا أحدهم بدونك فترة معينة
وهني يجي اسلوب الاغراء فعامليها وكأنك تاجر
قولي لها: بعطيك تشوكولاتة لما برجع
وكوني في الغرفة الي جنبها
وخبريها ... انك بتكونين هناك وخبريها التالي نصاً :لو طلعت قبل الموعد الي قلت لك برجع آخذك ... ما بعطيك الي قلت لك

استمري وياها كذي لمدة أسبوع
وأظمن لك ... راح تشوفين تحسن في حالتها ... وبالتالي راح تجلس...
واستمري هكذا ... ولما تشوفينها تتعود على غيابك لمدة 3 أيام على الأقل للموعد المفروض عودتك ...
طولي المدة ... وخبريها إنك كنت تسوين شيء ... وكذلك إنها ما كانت وحدها ... (هذا بعد ما تحسين علامة حزن عليها أو خوف)

وهكذا ... حتى ترين إنها تستعيع تحمل غيابك فترة أطول

والله يزوجك إن شاء الله

خلوني عزاب بالأول أتهنأ بعزوبيتي وبعدين ان شاء الله

ولا نسألكم غير الدعاء ...

**غريبة الديار** · 11-07-2006, 11:31 PM

حاولي ان تعرفي سبب خوفها

يعني بتخاف تروح الي اي بيت معين ؟؟؟؟؟

اسئليها وين بتحب تروح ؟؟؟

وليه بتخاف تخاف شو الاسباب ؟؟؟

او حد صرخ عليها اوضربها من اي بيت

تخاف ترحله؟؟؟؟؟

اختي اسئلي هذه الاسئله وابنتك في حضنك

وانت تكلميها في كل رقه وحنيه وقولي لها انك تحبيها كثير

وهي اهم شي في الدنيا عندك

واحذرك من الضغط عليها لانه يزيد الخوف

وانشاء الله خير

**قطيفية موالية** · 12-07-2006, 10:09 PM

السلام عليكم
اكسير الحزن
فكرة جميلة عجبتني
بطبقها إن شاء الله
واني الحين احاول اطبق نصايحكم
كلها
إبتداء من الاخت سندس والعترة الطاهرة ومعالج
وإن شاء الله بلاقي نتايج مرضية خلال الفترة الجاية
وهالمرة بقولك الله يهنيك بعزوبيتك ولاتزعل

غريبة الديار
مشكورة أختي على تفاعلج مع الموضوع وابداء رايج
اللي يهمني اني اسمعه
ولاتوصي حريص اسلوب الضغط مابستخدمه معاها ...

مشكورة للمره الألـــــــف وحياج

**إكسير الأحزان** · 15-07-2006, 04:16 PM

وعليكم السلام

بإنتظار النتائج

**سندس حبيب** · 16-07-2006, 08:24 AM

انا ايضا انتظر النتيجة

وان شاء الله خير

قلوبنا وياج اختي

تحياتي

**صدى الفكر** · 17-07-2006, 03:28 PM

برايي
انه ليست هناك اي مشكلة ولا تكبري الموضوع وتعاملي معه طبيعي لانك اذا كبرتيه فسوف تلفتي انتباه البنت الى امور هي في غنى عن معرفتها
وبالتالي تتندمي اكثر واكثر

**قطيفية موالية** · 23-07-2006, 04:17 AM

السلام عليكم

صباح الخير

شكراً اخواني على متابعتكم للموضوع

في البداية أشكر الأخ صدى الفكر
على مشاركته بالموضوع
وسؤالي له
كيف اعاملها طبيعي مافهمت؟
يعني اخليها على كيفها لين تقرر تطلع من نفسها
اتمنى تفيدني ..

وللأعضاء المتابعين

الحمد لله طبقت أول شي فكرة الأخ العترة الطاهرة
وقلت لها قصة وقت النوم عن وحده تحمل نفس اسمها
وانها طلعت وراحت بيت عماتها
ولعبت وضحكت ووو.... الخ

هي لما انتهيت من القصة ضحكت
وماعارضتني
بس أضافت للقصة شي
وهو وجود خالتها الصغيرة اللي بنفس سنها ويااها بالقصة
ولما سألتها تبغي تروحي بيت عماتج
قالت ايه بس لازم اخ خالتي الصغيرة وياي
وفعلاً أخذتها مع خالتها الصغيرة
وأرتاحت ومااشتكت طول الزيارة

ماادري إذا تصرفي صح أو خطأ
بأني سمعت كلامها واخذت خالتها الصغيرة
وسويت اللي في بالها

ثاني شي
بعدها بيومين قررت أخذها مشوار ثاني مارضت
وقالت خلاص طلعت مره مو كل يووم
اليوم ابغى اقعد العب في البيت.

وش رايكم ؟؟

**قطيفية موالية** · 23-07-2006, 04:31 AM

في شي ثاني نسيته

في مرة قررت اتكلم وياها
واشوقها لزيارة معينه

قلت لها اني بروح وياج بيت خالتج
وهناك عندهم لعبة بلاي ستيشن
والشريط اللي تحبيه
وهناك بيخلونج تلعبين
وتعلميهم كيف يلعبون
لانهم مايعرفون
ماحد يعرف الا انتي
عجبتها الفكرة
بس اشترطت انها تاخذ شريطها وياها :p
عشان تلعب هناك
وقررت تحمل ألعاب ثانيـة

ماأدري أخليها تسويها أو لا ..؟؟

اخاف ااسمع كلامها
والمرات الجايه ماترضى تطلع الا بألعابها

**إكسير الأحزان** · 23-07-2006, 05:39 AM

ماأدري أخليها تسويها أو لا ..؟؟

اخاف ااسمع كلامها
والمرات الجايه ماترضى تطلع الا بألعابها

يبدو إنه بشارة جيدة صراحة ... لأنه بدأت بنتك تتغير

وبصراحة ... أقترح ألحين تخلينها تسوي إلي تبي ...
وخلها تطلع بألعابها ... بعدين بتشوف ألعابها مو مثل ألعاب الغير .. فراح تطلب مثل ألعابهم .. .فخلها تاخذ ألعابها
وشوي شوي عليها

ولا نسألكم غير الدعاء ...

**سعد خلف** · 23-07-2006, 06:14 AM

انا ارى ان البنت طبيعيه وما في اي مشكله
ولكن المشكله فيكم اختي انك حساسه ازياده ومكبره الموضوع

نصيحتي لكم خلي الامور طبيعيه يعني قبلت تخرج كان بها وان لم تقبل فلا تتحرجي من ذلك ولاتجبريها
وكذلك اتركي هذا الامر لفتره اكثر من اسبوع مثلا لكي تنسى

لاتعقدين البنيه اوياج

ارجو المعذره

تحياتي

**صدى الفكر** · 23-07-2006, 03:52 PM

اختنا العزيزة سلمك الله تعالى
صدقيني البنت ما فيها اي شي طبيعية جدا
واحمدي الله تعالى على هذه النعمة انها ما تحب تطلع
قد تسالين ليش؟
انا برايي ان نستغل اي نقطة موجودة في الانسان لصالحه فنحولها من ضعف الى قوة بس شريطة ان نعرف شلون.
بنتك ترفض الطلعة وهذا امر مهم جدا وممتاز جدا
علميها ان رفض الخروج فيه من الفوائد الكبيرة ما لايحصى لانه تستر وحشمة ممتازة وخصوصا في زمننا هذا فممكن تنطلقي معاها من هذه النقطة لتعظيم هذه الخاصية عندها الى حين ان تكبر انصح ان تدخلينها الحوزة العلمية لانها ستكون صاحبة شان بعدين وسترين ذلك
المهم ان نشتغل صح
واحذري في هذه الفترة من انها قد ترغب في الخروج المتزايد لانك سترغبيها للبقاء داخل البيت والانسان حريص على ما منع
لا تبدي اي اعتراض على رايها بس بيني لها اللي تريدينه باسلوب هاديء
على العموم هذه لو بنتي كان عملت معاها هذا الشيء بس هي بنتك وانت اعرف باللي هو افضل لكم ولها

**قطيفية موالية** · 23-07-2006, 11:06 PM

السلام عليكم

هلا اكسير الحزن
شكراً على متابعتك
إن شاءالله بسوي اللي تبغاه الحين
ونشوف وش يتطور بالموضوع

هلا اخوي الهفهاف
يمكن ماقرأت الموضوع من البداية أخوي
احنا على هالحال من اكثر من سنة
القضية مو قضية رفضها للخروج من البيت وبس
مسألة خوفها وقلقها من فكرة الخروج بشكل عام
وخوفي إن يكون قلقها مو طبيعي
ولو ماعالجته تطور حالتها وتصير إنسانة منعزلة

هلا صدى الفكر
ماعندي مانع من جلوسها في البيت
بس اتأكد أن حالتها طبيعيه
وإن خوفها مو مرضي
ثاني شي
اللي يزيد خوفي عليها
إنها رافضة فكرة الروضة والمدرسة
ودايماً تسألني عنها
إذا قلت لها بتروحي تصيح وتسوي سالفة
تقول انها تخاف
وانها بتكون بحالها هناك
وإذا قلت لها لا مابتروحي تطمن
يعني حتى لما تشوف الاطفال
في المايكرو تبع الروضة ماتتحمس ولاتتشجع
بالعكس اتجي تصيح وتقول ماابغى اروح
ولما اشوف منها هذا كله مااقدر اخفي خوفي عليها

**سندس حبيب** · 25-07-2006, 08:24 AM

السلام عليكم اختي العزيزة
شلونج
انشالله بخير

اختي العزيزة .. هل لديك فقط هذه البنت ؟ عفوا لتدخلي بشؤونك .. بس ربما الوحدة التي تعيشها ابنتك هي السبب في ذلك .. فلو كان لها اخوة واخوات اخرين ربما ستتغير وستحاول ربما تقليدهم في بعض الامور.. فانتي الان الوحيدة معها وبالتاكيد كثيرة الاهتمام بها لذلك فهي لاتميل للاخرين الا القليل منهم كابنة خالتها التي ربما تعتبرها اقرب الناس لها بعدك ... وهي لذلك تخاف الابتعاد عنك لاعتمادها عليك وثقتها بك فانت اقرب الناس لها الان ... حاولي ايضا ان تنمي شخصيتها .. اعطيها مسؤوليات في البيت .. لاتدعيها تعتمد عليك في كل شئ ..

تمنياتي لك بالموفقية اختي العزيزة

تحياتي

**صدى الفكر** · 27-07-2006, 08:54 PM

بسمه تعالى
اختنا
عندي اسئلة عن بنتك
اولا: هل ان معاملتك لها معاملة مثالية يعني تحاولين ان توحين لها بانها افضل الاطفال وانها كاملة في نظرك؟
ثانيا: هل ان معاملتكم لها مبتنية على العطف الزائد والمحبة والتقبيل الزائدين؟

ستكون اسئلتي متفرقة ومو كثيرة ارجو الصبر معي

**صدى الفكر** · 27-07-2006, 09:05 PM

بسمه تعالى
اختنا
عندي اسئلة عن بنتك
اولا: هل ان معاملتك لها معاملة مثالية يعني تحاولين ان توحين لها بانها افضل الاطفال وانها كاملة في نظرك؟
ثانيا: هل ان معاملتكم لها مبتنية على العطف الزائد والمحبة والتقبيل الزائدين؟

ستكون اسئلتي متفرقة ومو كثيرة ارجو الصبر معي