تويت
اش اش اش
الليله برد والوادم امثلجه
بسك لا ينسمع حسنه
والوادم للدفو بس تترجه
طمني دفو ايدك مامش برد
والكمره على هوانه تتحجه
تكول افلان اشكثر حب افلانه
واشكثر انه على حبهم اتجه
ويامه غفيت عالشبابيجهم
ويامه اسمعت امغازلهم الحسجه
اش اش اش
لاتكعد الكمره وتفضح اسرارنه
بسك لاينسمع صوتك
تراها الوادم تلعب ابحضنه
تسومك ياحبيب ابلا سعر
وتكتب عالبيبان اسامينه
مايدرون لون كل الكون يسوم
ماينطون لمحبوبي سعر ردنه
انه الحبيت وانه الشتاكيت
وانه الملفوف بشعره وحدر اذنه
اخذوني فصليا لعد روحه
وارضاك ترش كبري
من اموت انه
اش اش اش
كبرت اسنيني واسنينك
وصار الليل اطويل
وانه ما بطلت ارجه حنينك
كطعوا اجفوفي من الكتابة
ظلت ارموشي تغنيلك
حطوا ارمادهم ابعيني
صرت بلساني الوليلك
اش اش اش
لاتكعد الليل وتنام الفخاتي
وانت شهكت صبح تلعب
وشتاخذ من ارويحتي
غير الدمع وآهاتي
اش بطلت من محبتك
وادفنت بنص اخديدك حسراتي
ما اللوم اكليبي بغرامك
يلجنت احله ضحكاتي
اش اش اش
اخوكم
عقيل آل بنيان
الليله برد والوادم امثلجه
بسك لا ينسمع حسنه
والوادم للدفو بس تترجه
طمني دفو ايدك مامش برد
والكمره على هوانه تتحجه
تكول افلان اشكثر حب افلانه
واشكثر انه على حبهم اتجه
ويامه غفيت عالشبابيجهم
ويامه اسمعت امغازلهم الحسجه
اش اش اش
لاتكعد الكمره وتفضح اسرارنه
بسك لاينسمع صوتك
تراها الوادم تلعب ابحضنه
تسومك ياحبيب ابلا سعر
وتكتب عالبيبان اسامينه
مايدرون لون كل الكون يسوم
ماينطون لمحبوبي سعر ردنه
انه الحبيت وانه الشتاكيت
وانه الملفوف بشعره وحدر اذنه
اخذوني فصليا لعد روحه
وارضاك ترش كبري
من اموت انه
اش اش اش
كبرت اسنيني واسنينك
وصار الليل اطويل
وانه ما بطلت ارجه حنينك
كطعوا اجفوفي من الكتابة
ظلت ارموشي تغنيلك
حطوا ارمادهم ابعيني
صرت بلساني الوليلك
اش اش اش
لاتكعد الليل وتنام الفخاتي
وانت شهكت صبح تلعب
وشتاخذ من ارويحتي
غير الدمع وآهاتي
اش بطلت من محبتك
وادفنت بنص اخديدك حسراتي
ما اللوم اكليبي بغرامك
يلجنت احله ضحكاتي
اش اش اش
اخوكم
عقيل آل بنيان