تويت
ليلى تعاتب ولدها القاسم عليهم السلام
اللهم صل على محمد وال محمد
*
ليلى تعاتب القاسم عليهم السلام
*
يبني يا جاسم يالبعـــــــــــدك شباب ... أرد أنشدك يبني ريدلي الجواب
*
هاي ليلة عرس لو ليلة مـــــصاب ... ليش عجنوا من دمـــعتي حنيتك
*****
حنيتك عجنونها من دمعي اليصب ... وشمعتك عالگوها من نار الگلب
*
وصار ياجسام عرسك بالحـــــرب ... إنبال ورمـــــاح وسيوف الزفتك
*
ليش عجنوا من دمعتي حنيتك
*
يمه جاسم هلهلت والفكر الطــــار ... ريت حاضر علي حماي الديار
*
والحسن لو نهض و يشوف الي صار... چا گلاب الكون صارت زفتك
*
ليش عجنوا من دمعتي حنيتك
*
حال بيني وبينك إبغدر الـــــــــدهر... ورمحه صاب الگلب وإتعده الظهر
*
ضاع يا وسفه الربه وذاك السهر ... حيف مادامت يجاسم فرحـــتك
*
ليش عجنوا من دمعتي حنيتك
*
إمگابله مهدك چنت ليل ونهار ... سلوتي وعليك مشبوحه الأنظار
*
ما گو يبني أصعب من الإنتظار... وتالي لن حنتك من دم رگبتك
*
ليش عجنوا من دمعتي حنيتك
*
وسفه ياجسام شح بيك النصيب ... جرح فگدك لا تظن يشفه ويطيب
*
ما أفك حزني ولا بطل النحيب ... غابت الآمال كلـــــــــــــها إبغيبتك
*
ليش عجنوا من دمعتي حنيتك
*********
تحياتي
نسألكم الدعاء
تعليق