يايمه لاتلوميني..

نسيتك مادريت اشلون..

محيتك من /قواميسي..

ذكرتك من /قصيد الغير..


نسيتك !

كيف..؟

كيف..يصير..؟!

يايمه بس ( ضميني)..

ابي اغفى على (صدرك)..

واتنفس شذى زهرك..

تعالي واقربي... يمي..

بعد اكثر..

بعد اكثر..

بعد اكثر..

ابي اتبعثر..

على (صدرك)..



ولا اقدر..

بعيده..

بعيده ..

حيل يايمه..

وكلن غادي بهمه..

ابوي ..اختي ..

.خوالي وحتى..

هـ العمه..



يايمه قومي (ضميني)..

بصدرك حيل (لميني)..

بعد اكثر..

بعد اكثر..

بعد اكثر..

ورق اخضر..

ورق اخضر


نبت فيني..



ورق اخضر نبت فيني..

ورق مرسوم بيديني..

بقى من (صدرك الدافي) ..

وغطى كل اطرافي..

يايمه غايبه للحين..؟!

وعدتي باكر تردين..

رحلتي تاركه



طفله..



..ش ـظايا بنت في العشرين..



مضى عمري..

خلص صبري..

سنه عدت..

وعدت من بعدها اسنين..

ولاتدرين..

انا وش صايرن فيني..

وكيف الدمع يكويني..

بعد ماغبتي عن عيني..


تسامت فيني الاحزان..

تبخر فرحي كالدخان..

وصار الهم في قلبي..

مطر مستوطن الوديان..

نعم صدري صبح وادي..

وهمي دوم يزدادي..


وبعد هذا تلوميني..

تلوميني..

تلوميني..

تلوميني؟!!




عجب !

وانتي تشوفيني..

يايمه لابغيت انسى..

لزوم اقسى..

لزوم اقسى..

عسى انسى..

واذا كان بقسايه لين..

تعالي شوفي وتحسين..

نسيتك بس صرت الام..

لكل طفلٍ يبي له ام..

( حناني )طاغي وبعدين..!!

صغيره بعدي في العشرين..


وقبل مارحل..

قبل انساك..

بعد ماانا تذكرتك..

وقبل مانتي بعد تمشين..

قصيده ذكرتني فيك..

نسيتك..

كيف بس ابكيك..؟!

خطايه جات لك ترجيك..

تتمتم شفتك وش فيك..؟!

واتبسم..

واقول لك قبل ماتمشين..

جعلتي من قسايه لين..

وصرت الام..

في العشرين..

صعب انساك يايمه..


وانتي داخلي للحين..


في ذكرى وفاتها../..تذكرتها!!