السلام عليكم ورحمة الله وبركاته

ارجو المعذرة لانقطاعي لفترة كوني اعاني من وكعة صحية
والان اعود وارجو ان تعذروني


السيف

...................... حسين اللامي



(( السيف اصدق انباء من الكتب
في حده الحد بين الجد واللعب))



ابو تمام كَبلي امسولف اعلة السيف
بحد السيف حد وتنتهي القرعة
واشوف السيف مفرد ما يطخ الراس
صح محني الظهر بس الطبر طبعة
كَرابك مو شرط يترصع بياقوت
جلدك بالشدايد دومك اتنزعة
لكن بالفخر نتقاسم انة وياك
الوي الراس بيدي وحدك يكَطعة
شراكة ويالشجاع العالمنايا ايصول
ويذراع الشجاع بساعة الفزعة
وباشط مثلك انة وبيك ازيح الظيم
واصول اعلة المناية وما عرف رجعة
ولولاك الوطن تتناهشة الغربان
ويموت العراق وخوفنة ايشيعة
ومن تخطف شبح جنك ملك للموت
يا وثبة اسد يا لدغة الافعة
مو مثل المناجل تحصد المزروع
يحصدلك اركَاب ومجدك ايصنعة
ولا تمسح دمعتك والهضم جتال
بس السيف وحدة ينشف الدمعة
واذا جالك عدوك كتر القران
لان حوت الضلالة امقرر ايبلعة
واسمعني من اكلك هسة دور السيف
يا اية التردة وممكن اتردعة
ولولاحيدرة و ومضة الذوالفقار
لا ظلت صلاة ولا بقت جمعة

مع اعتذاري لكل اعضاء المنتدى