بسم الله الرحمن الرحيم

السلام عليكم ورحمة الله وبركاته

موت النخل حسين اللامي


اذا مات النخل يتنكَب البستان
ويزعل عالنهر والماي ميذوكَة
وكَفة يموت وكَفة وما يطخ الراس
شارب ماي غيرة وطاهرة اعثوكة
النخل ذاك النخل واتغيرت هالناس
ظل غالي وعزيز وما نزل شوكَة
من شاف الوطن داستة سرفة موت
شكَ زيجة النخل ومهدلة اعثوكَة
وعلى اجروح الوطن يبجي النخل بسكوت
وتكتلة الهضيمة بعبرة مخنوكَة
وذا قمة جبل دنسهة الاستعمار
الكربة البالنخل تلكَاهة محروكَة
وكَلبك يا نخل كَلب امهات البيك
كَلب امي بلهفتة وحركَتة وشوكَة
وباكَو كلشي منك يا نخل مبخوت
ظل بيك البخت والبخت شيبوكَة