صرخة احساااااس
صرخة احســــــاس نسمعـــــــــــــها
ونشرح للــــــــناس واقعــــــــــــها

صاح الكاظم ...
ضد الظالم ...

صرخة احســــــاس نسمعـــــــــــــها

* * *

من سجـــــــن هارون الرشيد انتابع

صرخة ويرددها الإمام الــــــــسابع

هالصرخــه تكشف كل خفايه الواقع

بمغزاها يتحرك ضمير الــــــــسامع

واليمتلك تفكــــــــير حــــر او واسع

يشوف الحقايق وين، عـــنها يدافع

والكاظم راد بالهمه
يرســم امجاد للامه

بموقف حاسم ...
ضـــــد الظالم...

صرخة احســــــاس نسمعـــــــــــــها

* * *

سابع اليمه وتاسع أهـــــــل العصمة

قاوم الطغيان بصمـــود وهــــــــمه

وبجور هارون الرشــيد وظــــــــلمه

عمر انگضه بذيچ السجون الظلمه

غايته ايصون امجـــــــاد هاي الأمة

وايوفي للدين العــــــــهد والذمـــــه

بدافع إيمان ظل صابر

فجر بركــــان عالجاير

ظل ايقاوم ...

ضد الظالم ...

صرخة احســــــاس نسمعـــــــــــــها

* * *

من اجل دينه وشــــــــــرع أمة جده

ظل صامد ويحمل مرار الشـــــــــده

صان العهد حاشاه يخــــــــلف عهده

صاحب المبدأ ما يخون ابوعــــــده

بذاك السجن طال الأمــــــــد والــمده

عگب الصبر بالسم تگطع چـــــبده

الكاظم مسجون كل عمره

سجل مضمون من صبره

مبدأ راسم ...

ضد الظالم ...

صرخة احســــــاس نسمعـــــــــــــها

* * *

چبدة الكاظم بالسجـــــــــــن وذروها

وجنازته من السجن شالــــــــــوها

بهذا الوضع فوگ الجــــــسر خلوها

وشيعته بدمعات الحزن شيعـــــوها

ابشع جرايم هالعده ارتكــــــــــــبوها

بكل زمن هاي الفاجعه ايعــــيدوها

جور وأهوال نتحمل

ويـه الأجيال تتنقل

موقف دايم ...

ضد الظالم ...

صرخة احســــــاس نسمعـــــــــــــها

* * *

هالجور والغش والظـــــــلم والاحقاد

من الأجداد اتحولت لــــــــــــلأولاد

وبكل زمن هاي المصايــــــــب تنعاد

كل يوم تتكاثر علينه وتـــــــــــزداد

لها لعصر ظل سجن الرشيد ابــبغداد

كل يوم تصدر قائمة استــــــــشهاد

وين الآلاف خلـــــــوهم

وبيا أهداف سجنوهم

منهج حازم ...

ضد الظالم ...

صرخة احســــــاس نسمعـــــــــــــها

* * *

سجلنه صفحات المصايـــب والنوب

نتوجه ونبدي العتب للمحـــــــجوب

ونصيح يبن الحسن وعــدك مطلوب

چم دوب نتأمل ظهورك چــــم دوب

بينه المثل يالمهدي أصبح مضروب

نمشي ابقوافل تايها بغـــــير دروب

حربك لعداك من تبدي

تلگانه آوياك يالمهدي

أنت القائم ...

ضد الظالم ...

صرخة احســــــاس نسمعـــــــــــــها

* * *

يا لمهدي گلبك ما جزع من صبرك؟

واتجمعت كل الهموم ابصــــــــدرك

تنتظر ساعات الفرج كل عــــــــمرك

نسأل من الخالق يعجل أمــــــــــرك

شبان عدنه بالسجــــن تنتــــــــظرك

انقذها خل تفرح ابطلعه بـــــــــدرك

بحدود المـــوت تتنــــطّر

وتصيح بصوت لو يظهر

ضنوة هاشم ...

ضد الظالم ...

صرخة احســــــاس نسمعـــــــــــــها

* * *