تويت
بسمه تعالى
-------------------------------
شكوه الك يبن الحسن بينه انقطع حبل الصبر
المسلم اخو المسلم فرض عدنه حرام الدم هدر
منكم تعلمنه الوفه والكم نرد بكل امر
مابينه يطعن بالظهر غفله يغايبنه ويفر
يالغايب اصبرنه دهر حفاي نمشي اعله الجمر
بليل ينشاف النجم مو احنه شفناه بالظهر
يالغليب شقد غيبتك مصباحك اليمته يطر
ننخاك كل فرض اليجي ونتنطر بروح الصبر
يايوم رفة رايتك يايوم ينطرلك فجر
كم نايبه يبن الحسن عالوطن كل ليله تمر
دم العراقي الي نزف ينزف يثار الله شكثر
دم العراقي ابلا ثمن ينباع اي يبن الطهر
دم الابو دم الاخو يتلطخ ابكف الغدر
شتقول يبن العسكري بينه يسلطان العصر
بسمك وطنه ينتخي يالغايب وماكو عذر
وماغيرك الهل الموزمه وماغيرك اليجبر كسر
انته بقيت الله شبعد مذخور واليمته الذخر
----------------------------
اللهم نسالك بحق محمد وال محمد ص ان تمن على اهلنا بالعراق بالامن والامان يالله
وان تبعد عنهم الفتنه يالله واطفيء شرارتها بنورك يا محمود يالله واجعل المحبه والاخوه والالفه في مابينهم يالله
لك الحمد والشكر على كل حال ياربي ورب ابائي الاولين والاخرين
الشاعر الحسيني سيد عدنان الحمامي