الله يا فرحة قلبنا بمولد البدر التمام
وستهلت وامطرت بالخير من جانا الامام
ياحضور الخير صلوا ع المضلل بالغمام
وانشرح صدر البتولة جاء محقق الانتقام
يا بو صالح يللي رافع راية الحق والسلام
اهجروا دين النبوة وصارت الدنيا ظلام
والظلم عايش معانا من بعد ذلك الكلام
من لعين الامة يهجر قالها وابدا الخصام
ما عرف منهو رسوله وما عرف حق الامام
وضيع احقوق الامامة وهي من رب الانام
ويش اعدد من يابو صالح وانكسر صحن الوئام
احنا نشكي لك مواجع وانتو قدوتنا الكرام
ليش ما يصبر المنا وينكتم صوت الملام
قوم حرر شعب واحد وانت عارف للمرام
وكل محب يهوى حبيبه ولا يفارق للقيام
وانا وياكم وحبكم عاشقه اعني الغرام
ولو تقوم الليل كله وفي الصبح تبدا الصيام
ولو رعيت الناس كلها واجمعت كل الايتام
ولو ملكت المال انت وانفقت حتى الختام
ما يساوي شطر واحد مدح في حب الامام
اقصد الجاحد يشيعي وطيرنا جانا بسلام
من امير النحل واحنا انعيش في حب وهيام
بمولد المحبوب نفرح والعهد في كل عام
هذا مهدينا اجانا والفرح عم الانام
انت حاضر ياامامي واهدي من قلبي سلام
ولو غبت بالجسد عنا ارواحنا ويا الحمام
تحمل اورود المحبة ونلتقي عند المقام
يوم تبارك حملته والركن ابدا احترام
والملك صاعد ونازل والفكر ضايغ وهام
من حسن نوره وكلامه وللعدى نرمي السهام
شوف وتوعى يا حاقد ويللي ابديت الخصام
تعتقد ما جاء محمد لا اجى خير الختام
يمحي جور الظلم واحنا انعيش في امن وسلام
وين امتكم يا حاقد من غيرهم صارت اوهام
وين امتنا المجيدة ليش نامت يا حرام
صرنا في الذلة ونبقى حتى ساعة هالقيام
ليش اسرائيل صارت والعرب كلهم نيام
ليش بوش الابن يحكم وينهب البترول خام
داس زهرتنا الجميلة ونبدي له حلو الكلام
ليش ..... وفينا يحكم والعرب صارت عظام
ناهب الخيرات كلها للاسف ابن ........
ليش شارون اللعين القدس فيها صال وقام
قتل فيها اولاد مريم وماعرف هذا المقام
هذا مسرى النبي واول قبلة لكل الانام
كنا نشكي وصرنا نبكي وما عرفنا الاحترام
يا بو صالح ها عربنا دافنة راس النعام
لكن احفادك يا مهدي بيضت وجهك تمام
مثل نصر الله وابونا شيخنا الجمري الهمام
والصلاة على محمد دوم هي مسك الختام