تويت
بمناسبة عيد الغدير الاغر قصيده شعريه ابو مرتضى البهادلي
قصيدة شعريه في حب الولي امير المؤمنين عليه السلام بمناسبة العيد السعيد ..شعر شعبي: علي البهادلي
في رحاب مولى الموحدين عليه السلام
في رحاب مولى الموحدين عليه السلام
كلما تواجه معضله
انخه علي عقد الوله
تلگاه حاضر بالشدد
ويحلهه كل المشكله
وكل عقده مشدوده
ابحزمْ
يم ابو اليمه امحلحله
وكل هم بعد ماينجلي
شوف ابو العتره ايسهله
ودنياك لو جارتْ بعد
اتعنه ليه اواصله
والماله احد هالوكتْ
بسْ حيدر اللي كافله
{}{}{}{}{}{}{}{}{}
والدهر لو جار وقسه
ابچف ابو حسين انازله
وميزانه كل مايخفْ
ابحب حيدر احنه انثقلّه
والاجر عدنه اشما نقصْ
ابنور الولايه انكمله
والاعوج الماينعدل
سيرة علينه اتعدله
والحمل لو مال وزلف
بسْ صيح باسمه ايعدله
وصدرك اذا بالهم ثگل
ناديه حشمه اووكله
ابغيره فلا همك يخفْ
ودنياك تبقه امبهذله
؟؟؟؟؟؟؟؟؟؟؟؟؟؟؟؟؟؟؟؟
وشيطانك اشگد ماقوي
نادي الشفيع ايزلزله
هو النجاة الكل محبْ
والعمل باسمه انحوله
ولو ماعلي وسيفه الشهمْ
وحسين دمه ابكربله
صدگنی چا ضاع النهجْ
والدين واصله ومنهله
ولو ما علي وذاك الصبرْ
ماچا عبرنه المرحله
حيدر ذخر يوم الشددْ
وريت العمر دونه بله
{}{}{}{}{}{}{}{}{}
حب الوصي ابدمنه سره
وارضعنه حبه وحب هله
واللي يبغضك ياعلي
معلوم اصله ومعمله
وهذا الاسم احلى اسم
وغيره فلا عندي حله
بگلوبنه ساكن تظلْ
وكل دگه تهتف لك
هــــــــــــــــــــــله
ودمنه السرَه بينه هتفْ
صاح الولي كلنه اله
حيدر علينه وهالاسم
شريان الابهر حامله
آآآآآآآآآآآآآآآآآآآآآآآآآآآآآآآآآآآآآآآآ
وتتراجف اهروش الگلبْ
تنزف تونْ المقتله
وماخاب ياحيدر علي
كلمن يحبكم واعتله
امامن عذاب الآخره
وينول اعلى المنزله
هيعونه من واله
علـــــــــــــي
كوثر عذب يتناوله
يسقيه من چفه الطهرْ
جنات عدن دار
الـــــــــــــــــه
والگلب لو ماحب
علي
لازم نگصه انبدله
الگلب لو ماحب
علي
الاحسن نذبه انبدّله
لآلآلآلآلآلآلآلآلآلآلآلآلآلآلآ
ابو مرتضى البهادلي
تعليق