هيدي كلمات مسروقه من دفتر طفل كتبها بعامية اللغه..ودهشة

السؤال؟؟.!




السبــــت:

فتحت عيوني..دور عن نور..أمروني غمض

..و...غمضت..بعدها ما شفت لا ابيض ولا اسود !




الأحــــد:

كنت بسمعهن بقولو يلعن ابوك..,يا حمار,يا حيوان, يا ثور, يا بقرة,يا يا حيط ...

فتوقعت اني بحديقة حيوانات..فتحت عيوني تا شوف هالحيوانات

قالوا لي:ما بسير تشوف هيدي قله ادب

سألتهن:طيب..في عصفور؟؟

صرخوا بوجهي انطم وغمض..!!




الاثنيــــن:

سمحوا لي شوف التلفزيون..كنت لحالي منسجم مع أفلام كرتون..دخلت امي..وكان ابو عائلة ادمز(ببوس) أمهن..ركضت امي ..غيرت القناة..
وصرخت بأعلى صوتها.."عيب عليك..قاعد تشوف قلة أدب..!!"
تطلعت فيها بكل براءه وانا متعجب من اللي صار:"طيب شو صار؟؟أبوهن عم يبوس أمهن!.."
قالت لي وهي معصبه (التبويس..قلة حياء!!)

بعدها بأسبوع..شفت امي تسلم على ام الجيران و عم (تبوووووسها)..قلت لها وانا كلي أسى"يا ماما..التبويس قلة حياء!!.."




الثلاثـــاء:

كانوا بنات خالتي عندنا..وكنت الولد الوحيد اللي عم يلعب معهن..وبابا بس يبحلق عيونه فيني وين ما رحت ووين ما جيت..
بعد ما راحوا..ناداني وقال:"عيب الواحد يقعد ويلعب مع بنات..قلة أدب..!"

بعدها بكم يوم..كان ألبابا قاعد مع عماتي..تطلعت عليه بطرف عيني(وبدكن الصدق حقدت عليه)..
وقلت له:"اللي بيقعد مع بنات..قليل أدب!!"



الأربعــــاء:
كنت أسمعهن يقولوا (جيم كاري..فاسد)..فكرهته على طول..وكانوا يشوفوا أفلامه..ويضحكوا..
كنت أسألهن"ليه عم تضحكوا؟!..ما بتقولوا انه فاسد"...قالوا:روح انضب


الخميــــس:
بابا بقول التدخين حرام.. واللي بيدخن بيدخل النار..وفي يوم شفت البابا قاعد مع صديقه أبو احمد ..وأبو احمد ماسك السيجاره بأيده .
وقفت وسألته ""طيب يلي بيقعد مع يلي بدخنوا ..بيدخل النار ؟؟
سكتني بدون ما يجاوبني




الجمعــــة:

بسمعهن بقولوا ..يلي بيحكي كتير عالتلفون وبطول بالحكي بمكالمته بكون عم يغازل..واللي بيقعد عالانترنت بيغازل...
والماما بتطول على التلفون,وبتكتك عالكمبيوتر..
رحت للبابا وانا مصدووووم::"بابا الحق..

ماما عم تغازل!!!!



للاسف هيدي صور من المجتمع ..

لكن سؤالي ...

لماذا لانوضح للطفل المقصد الأساسي من هذا المنع أو من كلمة (عيب) ؟!
حتى لا يعمم كل مايراه ويُطبّق عليه هذا الوصف ..
كمافي الصور السابقه !!

بالطبع هم لم يقصدوا ماقصده الطفل ولكن لأنهم لم يوضحوا له
ويفهموه لماذا عيب ولماذا حرام
راح ينظر لكل تصرف من زاوية مافهمه هو !
فما الفائده اذاً من التربيه إذا لم نوضح هدفنا الأساس لأطفالنا ؟!