تويت
بسمه تعالى
-----------------
هذي كربله وحسين هذا اوياه
وانشد عالتجبر وينه والعاداه
--------
هذي كربله وهذي ضواحيها
وگبر حسين شامخ للابد بيها
اذا عباس هوه اللي يحاميها
ويرفرف تشوف من بعيد الواه
--------
من ابعيد شاهد كربله شاهد
كعبه لليطوف وقبله للعابد
اذا عطر الجنان اتشمه لو رايد
ابضريح حسين اخبرك هالعطر تلگاه
--------
تلگه هالعطر يم گبره تلگه النور
وتعاين ملايين ابضريحه اتزور
شنهو اچفوف قدمنه المحبته انحور
حتى اليرتضع قربان قدمناه
--------
قدمنه قرابين شكثر شبان
فدوه الكربله بس كربله تنصان
بيها حسين ابو اليمه وگمر عدنان
وياهم عهد للموت وقعناه
--------
وقعنه عهدنه گبل بالاصلاب
بولاية علي اتمسكنه داحي الباب
خاب اللي يحارب معتقدنه خاب
وسور المعتقد برواحنه ابنيناه
--------
بنينه اركان حب حسين ماينباع
لوله ارماد صرنه وفرش هاي الگاع
نحيه اردود نحيه المنبره مذياع
هذا حسين شلون احسيننه ننساه
--------
ماننسه ابد حتى ابليالي السود
فدوه المال فدوه الروح لجله انجود
عنه اشمابعدنه للحسين انعود
مثل عابس غرام البينه عاهدناه
--------
سيد عدنان الحمامي
-----------------
هذي كربله وحسين هذا اوياه
وانشد عالتجبر وينه والعاداه
--------
هذي كربله وهذي ضواحيها
وگبر حسين شامخ للابد بيها
اذا عباس هوه اللي يحاميها
ويرفرف تشوف من بعيد الواه
--------
من ابعيد شاهد كربله شاهد
كعبه لليطوف وقبله للعابد
اذا عطر الجنان اتشمه لو رايد
ابضريح حسين اخبرك هالعطر تلگاه
--------
تلگه هالعطر يم گبره تلگه النور
وتعاين ملايين ابضريحه اتزور
شنهو اچفوف قدمنه المحبته انحور
حتى اليرتضع قربان قدمناه
--------
قدمنه قرابين شكثر شبان
فدوه الكربله بس كربله تنصان
بيها حسين ابو اليمه وگمر عدنان
وياهم عهد للموت وقعناه
--------
وقعنه عهدنه گبل بالاصلاب
بولاية علي اتمسكنه داحي الباب
خاب اللي يحارب معتقدنه خاب
وسور المعتقد برواحنه ابنيناه
--------
بنينه اركان حب حسين ماينباع
لوله ارماد صرنه وفرش هاي الگاع
نحيه اردود نحيه المنبره مذياع
هذا حسين شلون احسيننه ننساه
--------
ماننسه ابد حتى ابليالي السود
فدوه المال فدوه الروح لجله انجود
عنه اشمابعدنه للحسين انعود
مثل عابس غرام البينه عاهدناه
--------
سيد عدنان الحمامي
