تويت
قصيدة فكاهية هادفة
((
ملحمة السمچه ))
مربعه السمچه أوعرضها بطولها أويــــــاها أختها أتقدمت لفحولهـا
**********
أتقدمت لفحولها أو صار النــزال وسعرت نيرانها أو ماظل مجـــــال
أربعه أعله أثنين وشتد القتــــــال أو بعـــد مايــنحسب عـد أچتــــولها
أربعه أعله أثنين وشتد القتــــــال أو بعـــد مايــنحسب عـد أچتــــولها
بالســلاح الأبيض أودگ التفگ أوعل سمچ مثل المطر صار الفشگ
خســر كل عمره العليهه مالحگ أو يبقه متندم حياتـــــــــــــه أبطولها
خســر كل عمره العليهه مالحگ أو يبقه متندم حياتـــــــــــــه أبطولها
يظل مندوم التــــــــــأخر ماحضر ينتف ألحيته أبندامـــــــه أمن القهر
والحضرهه أتوسط أدروب الخطر لون عنتر ماخلص مــــــــــن فولها
والحضرهه أتوسط أدروب الخطر لون عنتر ماخلص مــــــــــن فولها
ردج فول أوتفگ صــارت ملحمه والقياسي الرقم عايد حطمــــــــــــه
أبو ياس الطاح بيهــــه أمن السمه أو هاشم أو نعمه أبطلوا مفعـــــولها
أبو ياس الطاح بيهــــه أمن السمه أو هاشم أو نعمه أبطلوا مفعـــــولها
قافله أوبيها أبوالياس أيـــــــــحدي صاح وين ايروح منه المعتـــــــدي
أوهاشم أبقناص عالسمچه أيعــدي مطرب ألهه أويصفرابماصـــــولها
أوهاشم أبقناص عالسمچه أيعــدي مطرب ألهه أويصفرابماصـــــولها
گامت الفرســــــــان تعثر بالعظام حرب شرسه أبلا هواده أولا ســلام
والجلود أتخالطت ويـــــــه الظلام والأعــــــــــادي الشر لعب بعقولها
والجلود أتخالطت ويـــــــه الظلام والأعــــــــــادي الشر لعب بعقولها
ملحمه أو للسيف معگود الحــــكم أو نادم الفاتـــه الغده أو مص العظم
الما أكل من راسهه صابــه الهظم ألتهيت أيــــــگـول بــــــس بذيولها
الما أكل من راسهه صابــه الهظم ألتهيت أيــــــگـول بــــــس بذيولها
لاهي سمچه من بحيره أولا بحـــر والتـــــأخر عنها مــــات أمن القهر
سمچه مملوحه ابملح مو من نــهر أظنها مصيــــــوده تره أمن ابزولها
سمچه مملوحه ابملح مو من نــهر أظنها مصيــــــوده تره أمن ابزولها
عل زلاطه الزلم صالت بأقتــــدار أو بالطماطه أو بالبصل حل الدمار
والخساره الفادحه ابجيش الخيـار جيب زلمه اليوفي حگ أفصــــولها
والخساره الفادحه ابجيش الخيـار جيب زلمه اليوفي حگ أفصــــولها
وخذ زلمه الياكل الصره أبدليـل أوخبره عنده أيگول من وكتن طويل
موصفه الكل مرض وتشافي العليل صرة السمچــــــــه سحر مفعولها
موصفه الكل مرض وتشافي العليل صرة السمچــــــــه سحر مفعولها
هبت الفرسات والخيــــــــل أتهذب والعساچر عل خصــــم هدت تدب
والچتول أكداس شتعد شتــــــحسب أيــــــــد كلسا تنتهض وتجـــــولها
والچتول أكداس شتعد شتــــــحسب أيــــــــد كلسا تنتهض وتجـــــولها
الچتول أكداس وتحمـــــــــــل چلچ أو وصـل حد أعظامها الديرة عفچ
عركه بين أفچوچنا أو بين السمــچ أوبين فـچ أو فـچ كسرنــــه أفلولها
عركه بين أفچوچنا أو بين السمــچ أوبين فـچ أو فـچ كسرنــــه أفلولها
هاي افعال الزلم وكت الثــــــــريــد أتسرفن الذرعان وتلاوي الحـديد
طاح واحدهم عله السمچه شهيــــد وين لاگي السمچ مشوي أبچولها
طاح واحدهم عله السمچه شهيــــد وين لاگي السمچ مشوي أبچولها
وين لاگي السمچ مشوي أبهل حماد وأعتقد شاريــــها جايبها أعتمــاد
صــــــــــــاح مفتينه عليهن بالجهاد هــل شهاده الحلوه يـــاهو أينولها
صــــــــــــاح مفتينه عليهن بالجهاد هــل شهاده الحلوه يـــاهو أينولها
أبو يـــــاس أيـــگول مسموح الظلم والسواني اليوم تـــــــوگع والنظم
أنـــفلش النـغـنـوغ ونـكسر الـعـظـم أو خلنـه ننعل شيب أبو سنسولها
أنـــفلش النـغـنـوغ ونـكسر الـعـظـم أو خلنـه ننعل شيب أبو سنسولها
لايـــظل سنـــسول لايبقـــــــــه جلد أشبيها من لب ماتوصفه بالزبـــد
من گضينــــــــــــه صحنه لله الحمد فكوك ريـــــج أو ننتظر ماچولها
من گضينــــــــــــه صحنه لله الحمد فكوك ريـــــج أو ننتظر ماچولها
دگت أطبول الحرب وكــــت الأجل أو هاشم أو نعمـــه تبارو بالفعل
والجماعه بينهم صاحو شبـــــــــــل ولــد عـــم وتجاسمــــو بحمولها
والجماعه بينهم صاحو شبـــــــــــل ولــد عـــم وتجاسمــــو بحمولها
اتجاسمــــــــو بحمولها أو فعلو فعل أتمالخت بسنونها أو صار السحل
لخو شمره صــــــار ميدان أو سجل أومــن يصل منكم الفعل اشبولها
لخو شمره صــــــار ميدان أو سجل أومــن يصل منكم الفعل اشبولها
أخو شمره ناعل اويـــــــــاها الچديد أو أيـــد عايد خويه دگت بالحديد
بالسمچ بلش عگب گصد الگصيـــــد ظنــــــه حداوه أو يريد أيگولها
بالسمچ بلش عگب گصد الگصيـــــد ظنــــــه حداوه أو يريد أيگولها
لابــــــــو زيــــــد الفعل هاذه سطره أولاگــدر يــوصل فعلهم عنتره
الصواني غدت شبــــــــــــه المگبره للسگف لنها العـــــــظام اتلولها
الصواني غدت شبــــــــــــه المگبره للسگف لنها العـــــــظام اتلولها
ابو أحميد لوردت وصفه احيـــــــــر لاذكر حرمه ولاطفلن زغيـــــر
لاترك حتايه للطيـــــــــــــــر اليطير أولاترك للعتوي عظمه اينولها
لاترك حتايه للطيـــــــــــــــر اليطير أولاترك للعتوي عظمه اينولها
اشلون عمله أوسطروها ابمرجلــــه أوبقت بالتاريخ صفحه امسجله
محمد اوسالــــــــــه أو شبل متجابله عل محبـــه او للشعر محصولها
محمد اوسالــــــــــه أو شبل متجابله عل محبـــه او للشعر محصولها
***************************
أشترك في هذه القصيد الشعراء
(
هاشم العربي – نعمه السيلاوي – خضير چلوب الشبلاوي )