تويت
ياحسين
(
يا حسين )
صدك آنه ابضريحك واگف أو انخاك وهز شباچ جودك هزت المضطر
اشلون الزم بديه العاصيه الشبـــــــــاچ اشلون ادخل عليك او بالصحن افتر
وانه اذنوب كـلي امن الجــــــدم للراس منهه ابيا وجــــه من شخصك اتعذر
ونته الحي وعرفك مطلع عالحـــــــــال وجيتك والدموع اعبـــــــــار تتحدر
طمع عندي وحشمك تستر اعله الحــال ابدخل جدك محمد تنغر او تستـــــر
يـامـولاي طالت ما لگيــــــــــت احلول لا مجفي اليحلهه او لا نـحـــر منحر
ردت خدمة نهجكم حتى افوز اويـــــاك من اخلص وصيــــــرن خادم المنبر
لعب بيه الزمان او ماعــــــــرفت ادواه جرعته اسنين گشره او بعــد ماأگدر
اجيت انخاك منك مستحــــي او خجلان امد ايدي الجنابك والوجــــــه اصفر
ادگ بابك وگلك سائل او مضنـــــــــوك ونته ابن الكريم الفارس الحيـــــدر
طالت والصبر شو چنه عني ابعيــــــــد او بعد ماظن شگلك اگدر اتصبــــــر
شسولفلك كلامي اشما المه ايتيــــــــــه يوصل للشفايف تالــــــــــي يتطشر
عن لعبي اللعبته ابغير كل حسبـــــــــان يو حالي ابشبابـــــي اوذاك المستر
اجيت انخاك ونتــــــــه التنصر المظلوم عزيز الباري انته الغالــــي المقد ر
شفيـــــــــــع المذنبين المالهم مـخـلاص اله ابفزعتك من تفزع او تنـــــــغر
او ظلت يمك انتــــــــــه الما ترد طلاب امن اجاك الموت سائل قدمت منحر