إعـــــــلان

**ابو محمد العاملي** · 17-10-2008, 10:46 PM

عليكم السلام
زواج المتعة له نفس شروط الزواج الدائم وله نفس الاحكام..
ولا يختلف عنه الا في بعض الاحكام الجزئية وأهمها في ان الزواج الدائم ينتهي بالطلاق، بينما ينتهي زواج المتعة بانتهاء الوقت المتفق عليه ... والذي يمكن ان ينهيه الزوج ايضا قبل انتهاءه.

وهذا يعني انه كما لا يجوز للمتزوجة زواجا دائما ان تتزوج قبل ان تطلق، كذلك لا يجوز للمتزوجة ان تتزوج زواج متعة طالما انها على ذمة رجل آخر.
والعدة الواجبة على المرأة في زواجها الدائم يجب عليها ايضا في زواج المتعة.
اما رضا الاهل فهو نفس الشرط في الزواج الدائم، فمن يرى من الفقهاء اشتراط رضا الاب في الزواج الدائم فيشترطه في المنقطع اي المتعة، ومن لا يشترطه في الدائم لا يشترطه في المنقطع
والزواج لا يحتاج الى شهود بينما يحتاج الطلاق الى شهود.

**حلوة ومغرورة** · 17-10-2008, 10:49 PM

ما فهمت يعني هلأ وئت الواحد بدو يتزوج متعة بيتزوج بدون لا عقد و لا شهود ؟؟؟؟؟

و كيف يعني البنت الي بتتزوج متعة لازم تبئى بعدها آآعدة بالبيت 3 شهور العدة ؟؟

و عندي سؤال الشيعة بشكل عام بيقبلوو يزوجو بناتن زواج متعة ؟؟

**منتضر الفرج المبين** · 18-10-2008, 03:41 PM

رحم الله والديكي... لماذا لا تكتبين بالفصحا ....لقد بطيتي جبدنا..

..

**حلوة ومغرورة** · 18-10-2008, 03:59 PM

آسفة اخي بس جربت اكتب بالفصحة يطلع معي الكلام ملخبط

عن جد بعتزر انو عمبكتب بالعامية بس بوعدكم بس قوي لغتي العربية رح اكتب باللغة العربي

بش شو يعني (( لقد بطيتي جبدنا )) ؟؟

آسفة على السؤال بس ما فهمت شو ئصدك

**abyar_3li** · 18-10-2008, 08:53 PM

المشاركة الأصلية بواسطة حلوة ومغرورة

ما فهمت يعني هلأ وئت الواحد بدو يتزوج متعة بيتزوج بدون لا عقد و لا شهود ؟؟؟؟؟

و كيف يعني البنت الي بتتزوج متعة لازم تبئى بعدها آآعدة بالبيت 3 شهور العدة ؟؟

و عندي سؤال الشيعة بشكل عام بيقبلوو يزوجو بناتن زواج متعة ؟؟

1- شروط الزواج الدائم نفس شروط زواج المتعه

2- العده موجوده في الاثنين ايضا

3- على حسب الدوله والعائله والظروف الخ

**حلوة ومغرورة** · 18-10-2008, 08:59 PM

شكرا على الاجابة اخي الكريم

بس انا الي بعرفووو انو زواج المتعة عندكم ياه سنة مو هيك ؟؟؟

يعني ازا بنت تزوجت بدون علم اهلا و كانو اهلا رافضين للفكرة الله بعاقبها و لا بتؤجر ؟؟؟

**احمد55** · 18-10-2008, 09:23 PM

موجود فتاوي لبعض الشيوخ لازم علم الاهل وعقد الموافقة وهذا الاصح؟؟؟

**abyar_3li** · 18-10-2008, 10:10 PM

المشاركة الأصلية بواسطة حلوة ومغرورة

شكرا على الاجابة اخي الكريم

بس انا الي بعرفووو انو زواج المتعة عندكم ياه سنة مو هيك ؟؟؟

يعني ازا بنت تزوجت بدون علم اهلا و كانو اهلا رافضين للفكرة الله بعاقبها و لا بتؤجر ؟؟؟

زواج المتعة شروطه نفس شروط الزواج العادي والثواب منه ايضا لأن الهدف حماية النفس من ارتكاب المحرمات

يعني لو بنت تزوجت من غير اذن اهلها زواج عادي كيف الله يحاسبها؟ نفس الحساب لو زواج متعة

**منتضر الفرج المبين** · 18-10-2008, 10:47 PM

((آسفة اخي بس جربت اكتب بالفصحة يطلع معي الكلام ملخبط))؟؟؟؟؟؟
ليش هوه الكلام بالعاميه الواضح.....عجيبه والله
لا أريد أن أغير الموضوع

((لقد بطيتي جبدنا ))) تعني بالفصحى (( لقد فجرتي كبدنا من الغيض)) وهي تدل على شدة الأنزعاج من شيء معين ((وهو هنا طريقتك في الكتابه المغرقه في العاميه ))

هل دخلتي يوما مدرسه وكم بقيتي بها يا ترى ؟؟؟؟؟

أستمروا بمناقشة الموضوع فأنا لا أريد تعطيله ....سلام

**بلال الحسيني** · 19-10-2008, 01:57 AM

يا مكموزيل ((( حلوة ومغرورة )))
الشيخ ابو محمد شرحلك الموضوع بكلام واضح كتير
يعني زواج المتعة متل الزواج العادي بكل الشروط الا شرط واحد هوي انو بيتحدد وئت لانتهاء هيدا الزواج
بس ,,,, ما في شي غير هيك
افهمتي هلااااءءءءءءءءءءءءءءءءءءءءءءءءءء

**حلوة ومغرورة** · 19-10-2008, 03:30 AM

**جعفر
يعني ازا الاهل ما عرفوو بكون العقد باطل ؟؟

abyar_3li

لا اخي مو نفس الشي

لانو البنت لو تجوزت جواز عادي المفروض انو هي ناوية انها تبئى عند جوزا طول العمر
بغض النظر على ازا بعديت صار مشاكل

بس الي بتتجوز متعى بتكون من الاصل حاطة بحسابا انو هي راجعة عند بيت اهلاا

و لما هالبنت بتنخطب بتئول للخاطب انا كنت متزوجة زواجات متعة ؟؟

و لو انت الخاطب بتقبل لهالشي ؟؟

منتضر الفرج المبين

اوووووف وليش كل هاد طول بالك وا خيي

مالي خبر انو اللهجة السوري بتغيظ لهالدرجة على كلن انا ما ئصدي انو غيظ حدا

بتمنى انو الله يبرد ألبك و ما ينبط جبدك

اى دخلت ع المدرسة و بعرف لغة عربية بس ما بحب احكي فيا لانو ما بئدر احكي بطلاقة و ازا جربت احكي لغة عربية فرح اتخبط و انسى و اعد فكر بالكلمات العربية و انسى شو بدي احكي

بعدين اللهجة سورية جزء من اللغة العربية و مابظن انو كل هاد صعبة او بتسبب الغيظ لحدا

بلال الحسيني

وااااااااااااااو آل معليمنك فرنسي ثابر و الى الامام بس الواضح انو ما عندك القدرة على تعلم الفرنسي

اى بعرف انكم وضحتولي انو هو متل الجواز العادي بس ما جاوبتوني عن كل اسئلتي

و بدين الشب ما عندو عدة و لا عندو شي شو يعني باليوم فيو بتجوز اربعة خمسة و لا حدى بئلوو لأ
يعني هاد تصرف سليم ؟؟؟!!

**Gladiators** · 19-10-2008, 04:16 AM

السلام عليكم,اختي المحترمة زواج المتعة أباحه الرسول(ص) ومارسه الصحابة مع الجاريات وغيرهم ومنع في عهد الخليفة عمر وهو حاليا لدى المسلمين الشيعة ليس كما تتصورين فأنا مثلا عمري فوق العشرين ولم أعرف أحد تزوج متعة حتى الآن لا من العائلة ولا الأصدقاء ولا المعارف ,لكنه يحل العديد من المشاكل الجنسية التي استعصت بسبب الوضع الاقتصادي فأصبح هناك عنوسة تتجاوز ال35%في الجزئر والسعودية مثلا فمنعا للجوء الفتاة للزنا حين تصبح في سن اليأس اي فوق الأربعين دون زواج أو لبعض الشباب في الغرب البعيدين عن أوطناهم منعا لهم للوقوع في الزنا يمكن الزواج بالمتعة مع اوروبيات وهو زواج عادي لكنه مؤقت فقط .
وبسبب الضائقة الاقتصادية والانحلال الإعلامي وانتشار بعض الوسائل المحرمة ابتكر كثير من غير الشيعة عدة أنواع من الزواج مثل المسيار الذي يمارسه البعض في سوريا وزواج الكونطرا في المغرب حيث المذهب المالكي والعرفي في مصر حيث المذهب الشافعي والزواج السياحي والفندقي للخليجيين اللسلفيين المبتعثين للخارج وهناك أنوازع زواج كثير في الخليج لدى المسلمين من السلفيين مثل الوناسة والمسياق والفريند(اليمن)والزواج المصلحي وزواج الوشم والبنطال وغيرها حتى أصبح عدد أنواع الزواج 31 زواجا .
في امان الله

**حلوة ومغرورة** · 19-10-2008, 04:58 AM

طيب بما انكم بتئولو انو زواج المتعة سنة و الي بتزوج متعة بيجيه ثواب
ليش لكان عمتئول انو ما بتعرف حدا متزوج متعة و انت شو الي عرفك اكيد ما كل واحد حب يتجوز متعة رح يعلن عن هالشي

شو رأيك ازا تزوجت بنت و كانت متزوجة من قبل متعة هل بزيد تقديرك و احترامك الا لانو هالبنت عملت السنة تقربا من الله عز و جل

**Gladiators** · 19-10-2008, 05:16 AM

المشاركة الأصلية بواسطة حلوة ومغرورة

طيب بما انكم بتئولو انو زواج المتعة سنة و الي بتزوج متعة بيجيه ثواب

لا ما حدا بيقول إنه زواج المتعة بيجيب ثواب ولا حدا بيقول إنه الزواج من 4 نسوان بيجيب ثواب هيدا حكي يعني مش مزبوط ,بعدين بحال حدا تزوج متعة بيتزوج من وحدة معنسة صارت بالأربعين وبعدها بلا زواج هيدي يحق لها زواج المتعة أو بنات من اوروبا مثلا بحال كان عايش باوروبا وطبعا المتعة حالات نادرة ومثل ما قالت أنا من اكثر من 20 سنة لم اتذكر انه حدا تزوج متعة .
بعدين قلت لك صار فيه كثير زواجات تشبهة المتعة عند المسلمين بالخليج وسوريا والمغرب واندونسيا وباكستان واليمن وغيره وأباحها مشايخ تلك البلاد لحل مشاكل العنوسة ومراعاة الأوضاع الاقتصادية لعدم قدرة كثيرين على الزواج.
تحديدا صار فيه 31 زواج مثل المتعة.
اذا بتحبي تقري كتب أو شي لتتعرفي مش اكتر هيدا موقع حلو فيه مكتب كتير "مثل ليالي بيشاور " و"المراجعات" و"معالم المدرستين وفي كمان قسم الأسئلة العقائدة فيه جواب عن حوالي 4000 سؤال وكل الأسئلة يللي ببالك موجودة هونيك .
www.aqaed.com

إعـــــــلان

للاشتراك في (قناة العلم والإيمان): واتساب - يوتيوب

سؤال عن زواج المتعة

سؤال عن زواج المتعة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين