إعـــــــلان

**دمعــ الحوراء ــة** · 08-08-2005, 12:21 AM

بسمه تعالى الحمد لله رب العالمين والصلاة والسلام
على خير الانام محمد واله الكرام وعجل فرجهم

وعذرا على التطفل لصفحة مشرقه ومناظره رائعه
دمتم موفقين بحق الحسين (ع)

**ميثاق الهلالي** · 08-08-2005, 03:49 AM

أهلا وسهلا بك أخت نور الزهراء
نورتي الصفحه
وتشرفنا بقدومك
مرحبا بك

أخوك
ميثاق

**سيف الأمام المنتظر** · 08-08-2005, 03:55 AM

ميثاق خويه الله يستر عليك

طركاعه و طاحت

عمي اشعاركم والله رهيبه

وجميله جدا
بس سؤال ممكن

حجي انت وين ساكن الله يخليك

ومن اي محافظه انت ؟؟؟؟

مو عنصريه ولكن حب الإطلاع

**ميثاق الهلالي** · 08-08-2005, 04:07 AM

[frame="7 80"]

السلام عليكم

أخي سيف الأمام مرحبا بك

وشكرا لك على أطرائك وثنائك الجميل

أما بخصوص سكني

فأنا من الناصريه ياحبيبي

وأذا كنت محتاج لأي خدمة

فأنا بخدمتك ياورد

أخوك
ميثاق

[/frame]

**سيف الأمام المنتظر** · 08-08-2005, 04:36 AM

ياسبحان الله

اخوك كذلك من الناصريه

واكيد تعرفني اذا انت من الناصريه بالضبط او بالاحرى تعرف عائلتي

لهجة كلامك مو غريبه

وهل انت ساكن حاليا الناصريه ام خارج البلاد

ولي في الناصرية الف شوق **** قديم وقعه ابدا جديد
فعدني يازماني الى ربوعي **** فغير الناصرية لااريد

هذان البيتين الشعريين للشاعر قيس لفته مراد

**ميثاق الهلالي** · 08-08-2005, 04:52 AM

مرحبا بك

الدنيا صغيره
ياسبحان الله
انا من داخل العراق
وليس في الخارج
مرحبا بك اخي
اذا تحب ان تراني
فانا في جمعية الشعراء الشعبيين
قرب تمثال السيد الحبوبي
مرحبا بك اخي

**سيف الأمام المنتظر** · 08-08-2005, 04:58 AM

حوار مع قادم من العراق للأخ الشاعر ابو علي الناصري

حوار مع قادم من العراق

انا من شال الجرح بهروشه دين - وضل اثر جدمه على تراب الوطن
ووزعت روحي محطات انتظار - وگبل عيني جروحي يم الحد بچن
وانه من باگوا سماره على الحدود -وسرّه بين الماي والطين اندفن
ارد انشدك ياللي جيت من العراق - من بلاد العسّرت بيه المحن
ارد انشدك عن علي وعن الطفوف - بعده جسم حسين عاري بلا چفن
ارد انشدك عن هلي وعن المضيف - عن غموس العوز عن حال الصحن
وعن سحر بغداد عن دجله وفرات -هم بعد الهن باهاليهن مضن
للديوانيه السماوه يسده عيد - الكوت وي الحله هم يتعايدن
بعده نخل البصره يتغمج دلال - والعثوگ وي الجذع يتمايلن
هور العماره بعد ينضح حنين - لو مراديه ويه طينه توادعن
جبال اهلنه وذيچ هيبه البلشمال - هم تنخن بالعگال وصيحن
سومرت ذي قار غيرهه الزمان - اخدودهه الحلوات بس لا مولحن
شلونكم من الشمال وللجنوب - شلونه وياكم ياهالينه الزمن
وبعد عالتراهنوا ذل العراق - الخسر ياهو ومن كسب تالي الرهن
ادلال عدنه تغازل شفاف الضيوف - خوفي لاحتهن هوه الذل وانچفن
صدلي بعيونه الهضيمه ودمعه سال - ومن ونينه ضلوعي وضلوعه انحنن
گال اخبرك عن وطن دجله وفرات - ياوطن مثله غريب بلا وطن

معذرتا للمداخله ولكن اسمحوا لي

**سيف الأمام المنتظر** · 08-08-2005, 05:03 AM

اندعيلي بحق الحبيب المصطفى

ان اكون بالناصريه اليوم گبل باچر

انا مو بالناصريه بعد اخوك

انا على بعد اكثر من سبعه وعشرين الف كيلوا

**حليم السيد حافظ** · 08-08-2005, 08:54 AM

بورك قلمك أخي سيف الأمام المنتظر لقد نورت الصفحات بمتابعتكم
موفق ان شاء الله

**ميثاق الهلالي** · 08-08-2005, 09:08 AM

أتمنى لك العودة لاهلك ومدينتك
وأحظان شوارعك المملؤة دمعا وكبرياء
الى سعف النخل الذي مات شوقا اليكم
الى فرات التعب والعطش الازلي
الى زقورة الحضاره المحترقه

الى الحبوبي شاعر ثورة العشرين
امنياتي ان تعود
بحق النبي

اخوك
ميثاق

**كاميران عبد عداي** · 08-08-2005, 10:54 AM

الاخ ميثاق الهلالي المحترم سوف لن اجيبك على اعتراضك في لون الشعر يضهر الاخوه الحكام يبغون سماع الشعر فقط دون التطرق الى المناقشات
اليك ردي المتواضع قصيده وجدانيه
============================================
ش
سماي الجانت بضي دوم اجتني بليلهه الموحش

وجفه طير المحبه وراح وتلايم وراه العش

ردتني بحزني اواسيك وردتني بفرحه اجي معرعش

وردتني بحيلي اشيل اهموم واسجي بكاع ما راحت فلحهه اطش

جبتني بضيم اجيتك طيب اجيتك صافي ومابيه شي يخدش

ونه معوز صديج وياي واليعتاز مايرضاش ربك بالعطيه اتغش

فخر بيرك حفرته بقزمه وبمسحاه وبد ماله فخر للببره بيه ينبش

وجرعت سنين عمري مرافك ويالعوز وحس بعضامي كام العوز وك يجرش

وتاني العيد اكولن بلكي المعيدين لو ضحكو يضحكونه ومنسمع اش

وجسم الليل عالنوم التنامه الناس افصل النوم عالحلمان واليفرش

ومرحب بالهموم المالهن صداد واحيرن ويه روحي بياهو انبلش

يضل خايب ذليل الما كسر منجل البضلوعه كام يحش

وتره جدم العثر مرة يعثر مرات وبد مو عين اسمي العين التغلمش

ولا اذن التعدي حجاية للغلطان ماتستاهل من الدم تضل تبش

يهل تدفن ترابك ذبه مرة وكوم لتظل كل ثلث تيام صم ترش

انا بانتظار الرد
اخي ميثاق

**ميثاق الهلالي** · 08-08-2005, 11:30 AM

[frame="6 80"]أهلا بك أخي كاميران ومرحبا

وهاك ردي على قصيدتك الجميله

بهذه القصيدة الوجدانيه البسيطه

--------------------------------------------
********************************************
============================================

*********** مامشتاك ******************

مامشـتـاك الــك لاتشـعـل شـمــوع = تره دمـوع الشمـع تجـوي الصوانـي

ولاتــنــثــر ورد وتـهـلــهــل افــــــراح = انه من اسمع هلاهل تبجي اذانـي

نهـر ودك انانـي وجرفـي عطـشـان = وكـلـت مــاذل وامــد ايــدي لانـانـي

تـوهـه الـنـار هــادت حــدر الضـلـوع= مـامـعــقــول ارد لــلــنـــار ثـــانــــي

طاوعني الكلب بس خوفي الّّلّسان = يـذكـر عـشـرتـك واكـطــع لـسـانـي

بـعـد مــارد الــك واحركـهـا الـعـيـون = واكـفــر بـالـدمــع وكــــت الـنـدامــه

والـعـن كــل محـبـه تهـبـط الـــراس = اغلـى مـن العشـك عنـدي الكرامـه

أسف دارت ضلوعـي وشالتـك طيـر = انــه ادريـبـك نسر!شفـتـك حـمـامـه

وربـيـتـك غـصــن واتـنـطــر افــيــاي= صـرت قـوس وعلـي تـردف سهامـه

مـانـرهــم بــعـــد لاتــلـــف وتـــــدور =عيـش بعيـد عـنـي وخلـنـي مـرتـاح

شكثـر هـو العـمـر ويخـلـص جــروح= وآنه شكثر مـن عمـري انتهـى وراح

حجـيـك مايهـزنـي وكـافـي تمـثـيـل= جـذابــه الـدمــوع بـعـيــن تـمـســاح

مفـتـاح وقـفــل جـنــت آنـــه ويـــاك =هـســه اثـنـيـنـه تـحـولـنـه مـفـتــاح

بـعـيـد بـغـيـر عـالــم عـنــي خـلـيـك =لاحـــــــن واجـــيــــك ولاتـجــيــنــي

يــادرب العـطـش يبّـسـت السـنـيـن =حـــد ماتـعـبـت وطـاحــت سنـيـنـي

وهـســه تـريــد ارد وتـــرد الـدمــوع= ماظـل دمــع خـاطـر تبـجـي عيـنـي

جبيـنـك بـالـوحـل يـالـرافـع الـــراس= وأنــه طـايـح لـجـن واكــف جبـيـنـي

انــــــــــــه طــــــايــــــح لــــــجــــــن واكــــــــــــف جـــبـــيـــنــــي

[/frame]

**كاميران عبد عداي** · 08-08-2005, 12:39 PM

الاخ العزيز ميثاق الهلالي
اليك الرد

ما ارد غصبن عليه

واختل بسد التقيه

الالم ما جبته اليه

التربه مفتاح القضيه

من يطيح الساني صدك ما تكض الساني اديه

صله الوادم جماعه وصله بالوادم اميه

وحزنه جفوفي عليه جي كلت الله اكبر مقتنع مو لله هيه

وكمت ادور بالجوامع عن بشر يخبر عليه

مو تقارير وسياقات وسجيه

هسه الخباريه سهله اتكول شايل بندقيه

وسدد الفوهه عليه

وتدري شنهي البندقيه

اتشاهد بحيدر علي بنص الاذان واتضح عنده مبادى جعفريه

وهذه واقع فرضته الدنيه عليه

وهو نفس الواقع المدد سميه

اشهدي ان هبل هوه الاله

واشهدوا ان النبي محد وراه

لا امامه ولا تقاه

ولا تكطعون الصلاه

وبالمساجد صار من حقك تفض اكبر تجاره

وصار من حقك تسولف بالدعاره

بس كبل لا تحجي اسكت دير بالك تقره لحسين الزياره

وبالرسائل كامت اطيح الدول

وكمنه ما نسمع جمل

نسمع فلان انكتل

ونسمع بواحد عدل

ونسمع باخر حديث انه نزل

يطلع الكاله هبل

فلشو بالكعبه ما بطل هبل

ضلت حجارات من عنده هتف

انه اصل كل السلف

وانه افلش كل سلف

وطلع من تاريخه منطينه هويه

وسيف بيده وبندقيه

وقرر السيد هبل اوقر قرار

يجب ان تمحا بقايا كربلاء وهم رجع سوه علينه الغاضريه

================================================== ===============

الاخ العزيز ميثاق انا بانتضار الرد

**حليم السيد حافظ** · 08-08-2005, 03:04 PM

أنا أرى ان الكفة ترغب بالتعادل بعد ردين سريعين من قبل الشاعر كاميران 0000 وأريد أن أقول شيئا

هم تظن تخلص يكيمو +++ === آنه أظن هذا محالي
ساعه ويشوفنه رده +++ === هذا ميثاق الهلالـي

**سيف الأمام المنتظر** · 08-08-2005, 04:12 PM

الشاعر ابو شيخه الماجدي اليوم القى قصيده رائعه ايضا تجمع المناسبتين ووضع العراق

كانت جميله للغايه

واشكركم على مشاعركم اللطيفه

ننتظر اشعاركم

إعـــــــلان

للاشتراك في (قناة العلم والإيمان): واتساب - يوتيوب

الشاعران ( ميثاق الهلالي وكاميران العداي ) في مناظرة شعرية شعبية / ادخلوها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين