إعـــــــلان

**الشاعر محسن الاخرس** · 14-08-2005, 07:09 PM

بسمه تعالى
اعتقد ان عصر الشعراء الحاج زاير وعبد الامير الفتلاوي وصاحب الضويري (ره)
قد انقضى وحل عصر الشعراء رحيم المالكي وسمير صبيح وميثاق الهلالي
اتمنى على الاخ كاميران ان يثور على قصيدته التقليديه ويبايع القصيدة الحديثة وسيكون له موقع متميز بين اسماء شعراء القصيدة الحديثة للامكانيات
الكثيرة التي يتميز بها والله ولي التوفيق

**سيف الأمام المنتظر** · 15-08-2005, 07:59 AM

وسيد سعيد الصافي وابو علي الناصري وجابر الكاظمي وابو خديجه العگيلي وناصر الماجدي ابوشيخه وغيرهم من هالورود

بس اعيد واكرر محد يعرف موقع تتواجد فيه قصائد من الشعر الشعبي

الله يوفقكم جميعا

**ميثاق الهلالي** · 15-08-2005, 12:02 PM

[frame="9 80"]
ألاخت سيناء هذه قصيده بحق الامام علي ع اتمنى ان تعجبك والساده القراء والمشرفين كافه

علي صوت وسجود وسيف وكت الضيج = وعلي خبزة يتامه ودمع سالفته
والينكر علي ماعندي شي وياه = بس خل يسال أمه منين جايبته؟؟
هذا الجف الاول والبنه الاسلام= غيره شكثر عدنه جفوف هادمته
وهذا المن يهد تنحني لسيفه اركاب = ابو سيف الفقار الكلها هايبته
وهذا النذر عمره وصوته للتاريخ= تلتم السنين وتلبد بكبته
انه ادري بعلي عاشكته شمس الله = بس لتكلي ابو سفيان عاشكته
تكلي شلون باب الحصن بيده يطيح !!= وهو باب الحصن معروفه سالفته
واكلك مو علي الطيّح بجفه الباب =أهي خطفة مهرته الباب شالعته
من مسيجد لمسجد جسمه ظل يدور = ومن موت و ولاده اتخلدت قصته
لتكلي مجرد بشر مثل الناس = كل عقلك بشر والكعبه والدته؟
جاي تريد اسمه من الاذان يطيح = وعلي لو بيدك اسم الله طيحته
اسمع هم اكلك شيله كون تريد = مايحتاج حيدر تذكر اسمه انته
ولك هو الجبل يايوم جده الماي؟ =اهو ماي المطر يتصابح بكصته
حرامي من الشمس معروف عدنه يخاف = جي طبع الشمس بالبوكه فاضحته
ولان حيدر شمس تخجل يضل وياك= خاف يشع ضواه ويفضح البكته
إذا نحسب زلم بعد النبي الكرار = تشهدله الحرب والمحن عارفته
وإذا نحسب زهد هو الخليفه الجان =خبز شعير يابس قوت عائلته
وعلم نهج البلاغه الماوصلّه انسان = بس قران ربك فوك مرتبته
واذا كل الحجيته وسولفه التاريخ = مااشبع غرورك والحقد عفته
بالعباس اكلك يظل حيدر سيف = غصبا فوك خشمك ردته ماردته
غصبا فوك خشمك ردته ماردته
شعر ميثاق الهلالي

[/frame]

**كاميران عبد عداي** · 15-08-2005, 05:33 PM

الى كل من طلب قصيدة بحق الأمام الحسن عليه السلام
اليكم قصيدتي المتواضعة هذه
$$$$$$$$$$$$$$$$$$$
سيدي الإحســـان من عندك وبيــك ==== ومو عجيبه ولا خيـــال ولاوهـم
وإختيار الله لإسمك موعجيـــــــب ==== الحســن گال ومنك إشتق الكرم
بعينه بنيادم يطوفك من يـــزور ==== والطواف إبحضرتك مو بالقــدم
وحتى بترابك الك معنى وأصـــول ==== وگبرك بإعجاز قسمين إنقســـم
قسم صار اعلى الجسد جنة الخلود ==== وقسم دار على اليزورونك حـرم
وانته اول ثوره للدين الحنيــف ==== ومبدئك عن ثورة الطف إنرســم
لأن لاء حسين للدين إحتيــــــاج ==== وبالحسن محتاج دين الله النعـم
ومن تكشف بالغسل جسمــــك رؤوك ==== والله لو عد غيرك إنحل وهـــدم
لأن چان محزز بحبل الوفــــــاء ==== والفقير ابوكتك إبيته إنطعـم
ومن طوو راية محمد بالبغــــاء ==== صار للإسلام في وقتك علــــــم
لأن جيت أوسقطت معنــى الحديــد == وكل علمها الفيزيا إوياك انعدم
وعقلك الراسخ قتل كل الطغـــات ==== وهذي أول قاعده إبدم ولحـــم
وأثبتتها انوب بعجاز أو دليــل ==== والعلم صافن بقى وبيك انكتـم
من عليك إتشاودت كل السيــــوف ==== وانت جفك چان سيفك والحكـــم
ياأبو الأحرار منك للحسيــــــن === إشگد هموم إشگد صبر واشگد ألم
لاچن الدين إحتمى بجسرك لخـــوك ==== وچـا رجعنه إردود عبادة صنـم
[font=Tahoma]$$$$$$$$$$$$$$$$$$$$$$$$$$$$$$$$[/font
]
مع تحياتي واعتزازي واعتذاري للتأخير وكل ذلك بسبب الكهرباء والتحميل والله
وقصيدتي القادمه يأأخ ميثاق الحبيب ستكون بحق شهيد المحراب
السيد الحكيم رحمة الله عليه

**علي الدرويش** · 15-08-2005, 06:37 PM

بسم الله الرحمن الرحيم
---------------
القصيدة الاخيرة للاخ كاميران عبد عداي
اثبتت قريحته الشعريه ومعينه الذي لاينضب
في حب آل البيت الاطهار
--------------------
الاخ ميثاق الهلالي
اعد موازنة المعادلة بينك وبين ندك الشعري
بقصيدة من روائعك ..
وفقكم الله

**ميثاق الهلالي** · 15-08-2005, 08:41 PM

حمامه00بحق شهيد المحراب محمد باقر الحكيم قد

حمامات الصحن مابجن عالصار = سلامه يابطل غنن سلامه

أجه لكبة علي يفجرها الأرهاب = وتفجر بيك جي كلك شهامه

طابوك الضريح اتشابك وياك = ونزل دمك على الحايط علامه

ورسم ثغرك عكس فوك المنارات = اليباوع للسمه تلوحه أبتسامه

دمك مابرد بركان ويفور = ويظل يصرخ الى يوم القيامه

دورنه عليك وما لكيناك = لكينه الورد جوري بكل مسامه

ولكينه جفوف شالت وطن تعبان = عراق بكثر ماشايل يتامه

وحمامه من الصحن مالفت لليوم = اذن جسمك تعلك بالحمامه

اذن جسمك تعلك بالحمامه

**لواء الحسين** · 15-08-2005, 09:17 PM

المشاركة الأصلية بواسطة كاميران عبد عداي

الى كل من طلب قصيدة بحق الأمام الحسن عليه السلام
اليكم قصيدتي المتواضعة هذه
$$$$$$$$$$$$$$$$$$$
سيدي الإحســـان من عندك وبيــك ==== ومو عجيبه ولا خيـــال ولاوهـم
وإختيار الله لإسمك موعجيـــــــب ==== الحســن گال ومنك إشتق الكرم
بعينه بنيادم يطوفك من يـــزور ==== والطواف إبحضرتك مو بالقــدم
وحتى بترابك الك معنى وأصـــول ==== وگبرك بإعجاز قسمين إنقســـم
قسم صار اعلى الجسد جنة الخلود ==== وقسم دار على اليزورونك حـرم
وانته اول ثوره للدين الحنيــف ==== ومبدئك عن ثورة الطف إنرســم
لأن لاء حسين للدين إحتيــــــاج ==== وبالحسن محتاج دين الله النعـم
ومن تكشف بالغسل جسمــــك رؤوك ==== والله لو عد غيرك إنحل وهـــدم
لأن چان محزز بحبل الوفــــــاء ==== والفقير ابوكتك إبيته إنطعـم
ومن طوو راية محمد بالبغــــاء ==== صار للإسلام في وقتك علــــــم
لأن جيت أوسقطت معنــى الحديــد == وكل علمها الفيزيا إوياك انعدم
وعقلك الراسخ قتل كل الطغـــات ==== وهذي أول قاعده إبدم ولحـــم
وأثبتتها انوب بعجاز أو دليــل ==== والعلم صافن بقى وبيك انكتـم
من عليك إتشاودت كل السيــــوف ==== وانت جفك چان سيفك والحكـــم
ياأبو الأحرار منك للحسيــــــن === إشگد هموم إشگد صبر واشگد ألم
لاچن الدين إحتمى بجسرك لخـــوك ==== وچـا رجعنه إردود عبادة صنـم
[font=Tahoma]$$$$$$$$$$$$$$$$$$$$$$$$$$$$$$$$[/font
]
مع تحياتي واعتزازي واعتذاري للتأخير وكل ذلك بسبب الكهرباء والتحميل والله
وقصيدتي القادمه يأأخ ميثاق الحبيب ستكون بحق شهيد المحراب
السيد الحكيم رحمة الله عليه

عزيزي و حبيبي و أخي و تاج رآسي سيدي كاميرآن , شكرالله سعيك و أثابك بما أنت أهله من جزيل الثواب , قصيدتك رائعة حقا , و أنا شاكر لك ذلك فإن هذا الإمام الهمام قد ظلم من قبل شيعته كثيرا فلا يذكروه كثيرا , لا أدري لماذا ؟ , و أتمنى أن أرى منكم و من أخونا الكريم ميثاق ( فقد أبهج قلوبنا بقصيدته في حب أميرالمؤمنين علي بن أبيطالب عليهما السلام ) مزيدا من القصائد في حب أهل البيت عليهم السلام و ظلامتهم .

**سيناء الرافدين** · 15-08-2005, 09:23 PM

اشكر الاخ ميثاق الهلالي لقصيدته المهداة للامام علي عليه السلام وجعلها الله وزنا ثقيلا في ميزان اعمالك يوم القيامة ان شاء الله

بس اخوية ما عرجت على العراق بقصيدتك وانى جنت اريد تعرج على الوطن

ومحافظاته وعلى الجرح العراقي ولو ببيتين وبما اني مغتربة فاحب دائما ان اعرج بتحيات وسلام واشواق للوطن الغالي

**سيف الأمام المنتظر** · 16-08-2005, 07:29 AM

اخوان الله يخليكم قصيده عن الأمام الجواد اذا موجوده واذاغير موجوده جزاكم الله خير

**ميثاق الهلالي** · 16-08-2005, 10:25 AM

أهديك هذه القصيده الوطنيه أتمنى

أن تعجبك أخت سيناء

لاتحجي بزمن راح ونسيناه = سولفلي متى وشلون نرتاح

كافي لخاطر الله وعوف ماجان = خليني من أمس لتعيدلي الراح

بحديقتنه الصبح ماتطلع ورود = شظايا تفتح وينطفي القداح

ونخلة بيتنه تحمل صواريخ= ويجي وكت الكصاص وتاخذ ارواح

تانينه الصدك شوطلع جذاب = شمدرينه الصدك دمعات تمساح

نزل مره الكمر وأنطعن مرتين = شيسوي! استحه ولم حاجته وراح

على شفاف الشوارع حمرة الموت = وعلى اركاب النخل سجين ذباح

كضينه الخام الأسود قطع للموت = وعلى كل باب دمعه وليل وأشباح

وكضينه الخشب من كد التوابيت = وهدلنه امتونه من شيل الالواح

أناخايف على ومو على البيت = شباقي بّيتنه بس حايط وطاح

يوميه الفجر تدعي ويّ الاذان = وتسويهه صدك والكون ينزاح

من تطوي العصابه تصير بستان = وإذا تبجي الدموع تطيح تفاح

راحلها بطل ينعد بالف شاب= حمه بصدره الخيم من جتها الرماح

كفت من بجيها عليه العيون= وبقى خيط الدمع بهدومها وشاح

كلما تنسى طوله وذيج الرسوم = تذكرها الصور وشياش الرياح

وتلوليله000الولد ليمت تردون = ولك يمه شعجب ماهزك صياح

تعال اكعد عروسك لازمه الباب = وكنتروك ييمه بغير مفتاح

ماعلكت رسمك عالحياطين = وسط فجات كلبي الصور ترتاح

كلما أغفه يمه وانسه الدموع = يوعيني قميصك وأشبع نياح

شسولف عن اخوي بوكفة الموت = ايتحزم للحرب بحزام فلاح

ينثرها جثث وتخضر الكاع =ويذريها العصف من غير مرواح

مواضع حدر كتره تلوذ بالخوف = ويشك أذن المدافع صوته لو صاح

وإذا رد السواتر ترجع وياه = وعلى متونه يرد العدل والطاح

لو طب معركه يكلبها صوبين = ويطك راس السلاح براس السلاح

يطك راس السلاح براس السلاح

**ميثاق الهلالي** · 16-08-2005, 10:30 AM

المشاركة الأصلية بواسطة sinaa

اشكر الاخ ميثاق الهلالي لقصيدته المهداة للامام علي عليه السلام وجعلها الله وزنا ثقيلا في ميزان اعمالك يوم القيامة ان شاء الله

بس اخوية ما عرجت على العراق بقصيدتك وانى جنت اريد تعرج على الوطن

ومحافظاته وعلى الجرح العراقي ولو ببيتين وبما اني مغتربة فاحب دائما ان اعرج بتحيات وسلام واشواق للوطن الغالي

وأهديك أختي هذه القصيدة أيضا

***************** ســـــــــــــــيـــــــــــــــف الــــــــــشــــــــــمــــــــــس *********
خـلـصــت يــاوطـــن بـــــس مـــــو سلامـات=كـحـلـنـه الـجــفــون وراحـــــت الـعــيــن
عـلــى نـــاي الـبـواجـي بيـوتـنـه تبـات=وعـلـى دفــــوف الــرمــي تــفــز الـدرابـيــن
مـــره حـسـيـن اجـــه يـــدور بـالـوجـوه = عـلــى عـبــاس بـيـنــه وتــــاه الـحـسـيـن
شـكـثـر يـمــه حمـلـنـه اهـــات وجـــروح = وهـالـكـد بـاشـطــات ســيــوف الـسـنـيـن
مــــل مــنــه الـرصـيــف وســاحــة الــســوك = وطـردتـنــه الــشــوارع والحـيـاطـيـن
بـعـنـه الـخـبـز واحـنــه بــشــدة الــجــوع =وكـلـنــه تــهــون اذا ظــلــت عالـطـحـيـن
وتـراودنــه الـنـفـس عـــن مـــدة الايـــد = وحـسـمـنـه المـشـكـلـه وكـطّـعـنـه الـيـديــن
ولبسـنـه الـعـوز ثــوب مـفـصـل افـصــال = ومـصـيـوغ عـلــه كـدنــه بـطـيـب خـاطــر
جــــوع ومــــوت حـــــد مـاتــكــدر تــكـــول= خـلـصـنــه الـعــمــر نـحــفــر مـكــابــر
وجـعـنــه وبـسـطـيـنـه بــمـــاي الـعــيــون = مــحـــد يـشــتــري دمـــــوع الـنــواظــر
ومـــزاد الـجــرح صـحـنـه بـحـاجـة الـبـيــت = وبـعـنــه اقـلامـنــه وبـعـنــه الـدفـاتــر
وجكاير000جكاير00جكاير هاك اخذهه وشوفهه شلون = تداوي البيه جرح والكلبه حاير
وبـعـنــه ويّ الـجـكـايـر نــــار الـكـلــوب= شـكـثــر شــالــت حــمــل عــنــه الـجـكـايـر
هـيـمـه وحـــال شـجــره بـنــص الـرمــال = شـيـظــل بــالــورك والـجـايـهـه اعــصــار
نسيـنـه الشـتـه وبعـنـه هدومـنـه شـلـون؟ =اجـانـه الـبــرد واحـنــه بـطــرك الاعـمــار
خـــذت مـنــه شـكـثـر حــــرب الـتـقـاريـر = وحــــرب ذلــــه وخبـزمـنـهـن ولاصــــار
وعتيك000عتيك شكثر صحنـه بّيـن البيـوت = وبجـه علـه احوالنـه شجـم شـارع ودار
وعــمــال اشتـغـلـنـه بــــدور الاغــــراب = نـبــنــي لـغـيـرنــه ونـســكــن بـالايــجــار
وحـمـالـيــن صــرنـــه ونـفــتــر دروب = فــــــوك هـمـومــنــه يـحـمـلـونــه هـــمـــوم
عـمـر بالـسـوك يـخـلـص هـــم عـمــر هـــاذ = واصـبــاغ الـشـمـس تـلـعـب بـالـرسـوم
هـســه نـكــول هـانــت والــوكــت دار = ســيــف الـشـمــس طــــاح وشــــك الـغـيــوم
الــبــس عـالـجــرح يــاوطـــن جـلــبــاب= مـكـتـولــه الــجـــروح الــحـــدر الــهـــدوم
واحـنــه اركـابـنـه نسـويـهـن جـســور = الـــك واصــعــد عـلـيـهـن فــــوك الـنـجــوم
الـــــــــــــــــك واصــــــــعـــــــــد عــــلــــيــــهـــــن فـــــــــــــــــوك الـــــنــــــجــــــوم
************************************************** ******************
الـــــــــشـــــــــاعـــــــــر \مـــــــــيـــــــــثـــــــــاق الــــهــــلالــــي\الـــعراق

**كاميران عبد عداي** · 16-08-2005, 01:11 PM

وهذه قصيدتي وكما وعدتكم بحـــــــــــــق
شهيـــــــــد المحــــــــــــــراب
السيد محمد باقر الحكيم قدس سره
$$$$$$$$$$$$

شامخ إتظل وتظل بيك الحيــــاة === والشهيد يموت بس يبقى عظيــــم
قدس الله سرك بكل وكت أگـــــول === وقدس الله جسد بيه روح الحكيـــم
يالنذرت إرويحتك ليد الأمــــام === نلت بمحبة علــي جنة النعيـــم
ولأن من ولده إذن لازم تمـــــوت === وأثبتو في قتلك إنك مستقيــــم
والسؤال شلون في هذا الزمـــان === الزمن يتجدد ومابيـــه قديــم
قاتلوكم في زمن حيدر طغـــــاة === لأن دين الله بيكــم يستقيـــــم
وهسه للشيطــان أقدم إعتــذار === البغض حيدر فقط شيطان رجيـــم
ياغريب الماضگت من الحيــــــاة === بس حزنها وچنت لحزانك كظيـــــم
ماتهاب الموت طبعك هذا چـــــان === والعدم روحك شخص قطعا عديـــم
آيه وعجاز ونصر كلك صفيـــــت === والسعه لقتلك سعه لقعر الجحيـم
حاولو مولاي صوتك مايصيــــــح === لأن صوت الحق على الكافر سقيــم
قاتلوكم حتى ميظل بالحيــــــاة === صوت بسم الله الرحمن الرحيـــــم
ياأبن حيدر علي وبن الرســـول === شلون أحطن صوره بيهــا أتصورك
بعدو روحك نعم عن الحيــــــاة === بس بقى إعجاز الإله القــــدرك
ظنو بموتك تظل جوه التـــــراب === ونسو صوتك مايزال بمنبــــــرك
مو عجيبه الموت ياخذ مايشـــاء === ولاعجيبه الغدر ينحر منحــــرك
بس عجيبه الشمس توگع للظـــلام === وينشرب وجه الضيــــاء الصورك
باعو الغيره بغدر ولد الســـلام === ورسمو إعل الگاع كسرة خاطـــرك
خاطر الدنيا إنكسر كله عليــك === لأن سيف الطبـــر حيدر طبـــرك
آنه موضد القدر بس ماأريــــد === للقدر أنسب تهشــم منظــــــرك
وعيب أسمي للقدر كلسع يزيــــد === وعيب أخلي حسين كل ساعه بــدرك
سيدي ومولاي في نهجك نسيـــــــر === ودوم نبقى إعل المنايا إنبشـرك
وينكسر سيف الغدر بيد الســلام === وناخذ بثارك يسيف المعتـــــرك

&&&&&&&&&&&&&&***********&&&&&&&&&&&&&&&&
أتمنى أن تنال إعجابكم

**سيف الأمام المنتظر** · 16-08-2005, 03:10 PM

اخوي ميثاق الهلالي القصيده الأولى جاءت اليوم بغير صورة لماذا؟؟؟؟

لاتحجي بزمن راح ونسيناه...........

اقصد اليوم فيها اضافات ولكن قبل كانت فيها كلمات غير موجوده الآن

**حليم السيد حافظ** · 16-08-2005, 04:11 PM

أنا مع مـــن طالبكم بقصيدة بحق الأمام الجواد عليه السلام

**سيناء الرافدين** · 16-08-2005, 05:17 PM

المشاركة الأصلية بواسطة ميثاق الهلالي

أهديك هذه القصيده الوطنيه أتمنى

أن تعجبك أخت سيناء

لاتحجي بزمن راح ونسيناه = سولفلي متى وشلون نرتاح

كافي لخاطر الله وعوف ماجان = خليني من أمس لتعيدلي الراح

بحديقتنه الصبح ماتطلع ورود = شظايا تفتح وينطفي القداح

ونخلة بيتنه تحمل صواريخ= ويجي وكت الكصاص وتاخذ ارواح

تانينه الصدك شوطلع جذاب = شمدرينه الصدك دمعات تمساح

نزل مره الكمر وأنطعن مرتين = شيسوي! استحه ولم حاجته وراح

على شفاف الشوارع حمرة الموت = وعلى اركاب النخل سجين ذباح

كضينه الخام الأسود قطع للموت = وعلى كل باب دمعه وليل وأشباح

وكضينه الخشب من كد التوابيت = وهدلنه امتونه من شيل الالواح

أناخايف على ومو على البيت = شباقي بّيتنه بس حايط وطاح

يوميه الفجر تدعي ويّ الاذان = وتسويهه صدك والكون ينزاح

من تطوي العصابه تصير بستان = وإذا تبجي الدموع تطيح تفاح

راحلها بطل ينعد بالف شاب= حمه بصدره الخيم من جتها الرماح

كفت من بجيها عليه العيون= وبقى خيط الدمع بهدومها وشاح

كلما تنسى طوله وذيج الرسوم = تذكرها الصور وشياش الرياح

وتلوليله000الولد ليمت تردون = ولك يمه شعجب ماهزك صياح

تعال اكعد عروسك لازمه الباب = وكنتروك ييمه بغير مفتاح

ماعلكت رسمك عالحياطين = وسط فجات كلبي الصور ترتاح

كلما أغفه يمه وانسه الدموع = يوعيني قميصك وأشبع نياح

شسولف عن اخوي بوكفة الموت = ايتحزم للحرب بحزام فلاح

ينثرها جثث وتخضر الكاع =ويذريها العصف من غير مرواح

مواضع حدر كتره تلوذ بالخوف = ويشك أذن المدافع صوته لو صاح

وإذا رد السواتر ترجع وياه = وعلى متونه يرد العدل والطاح

لو طب معركه يكلبها صوبين = ويطك راس السلاح براس السلاح

يطك راس السلاح براس السلاح

[]اشكرك اخي الكريم وقد قرأـ لك هذه القصيدة التي ستشارك بها بمهرجان او ماشابه ولم يتسنى لى التعقيب هناك

والبيت الاول جداااااااااااا رائع
لاتحجي بزمن راح ونسيناه = سولفلي متى وشلون نرتاح

واقول ان شاء الله راح تسولف وترتاح وتنسى الزمان اللى ولى وراح[/color]