أنا خادمكم سيدنا , كل الذي أريده هو إعلاء ذكر أهل البيت عليهم السلام .

بسم الله الرحمن الرحيم
--------------------
الاخ كاميران عبد عداي
شكرا جزيلا على تحقيق طلبي في القصيدة المهداة الى الامام الهادي عليه السلام
واني اقول الحق ..الحق ان الشاعر كاميران اخذ يتزعم المنافسة بلا هوادة
والاحظ الضعف السائد في مشاركات الاخ ميثاق الهلالي هذه الايام...مع الاحترام
واود ان اسال الاخ ميثاق سؤالا حول ما جاء في ومضاته ..(مل من السمال الوطن والله = وينراد عله كده نفصل الثوب)
فالمعروف ان ثوب الوطن هو ابناء شعبه...فهل مل الوطن منا؟؟
او هل يحق قولك ..بان يطلق علينا لفظ السمال؟؟
ثم ما المراد في عجز البيت.... تغيير ابناء الوطن ام ماذا؟؟
مجرد تساؤلات اضعها بين يديك يا اخي ميثاق الهلالي..
ارجوا منكم تقبل تطفلي على قصيدتكم
مــــــــــــــع الاحتـــــــرام

بسم الله الرحمن الرحيم
--------------------
الاخ كاميران عبد عداي
نرجوا منك تلبية كل طلبات الاخوة من المواضيع..
وهذا دليل كافي بانهم يلتمسون فيكم الابداع والحب الطاهر
لال البيت عليهم السلام...
لن نقبل منك اي عذر ...وعليك ان تحضر قصيدة في حب الزهراء عليها السلام
او زينب عليها السلام....
وليوفقكم الله ..ولاقول انكم (القلم الشعبي الاول) في هذا المنتدى
من وجهة نظري الخاصة
ونسالكم الدعاء

الأخ علي الدرويش أهلا بك

اولا اخي الشعراء يعلمون بأن الشاعر ليس خياطا يخيط ويفصل متى وما يشاء

أنا لااكتب بارادتي وانت تفهم قصدي

أنتظر القصيده هي التي تكتبني ولست أنا الذي اكتبها

وثانياماأقصد بالسمال فهي الحكومات التي اكل الدهر عليها وشرب ولم

تسد رمق ولم تحقق ذرة أمن أو امان

وهي سمال بمعنى الكلمه

ولا أقصد الشعب فالشعب هو الأصل {فأما الزبد فيذهب جفاء وأما ماينفع الناس فيمكث في الأرض}

وأنا مسؤؤل عن ما اقول

ميثاق

بسم الله الرحمن الرحيم
-------------------
الاخ ميثاق الهلالي
مخرج جميل لتفسير الومضة
وانا كنت احاول ان استفزك لاخرج من اعماقك كلماتك
التي طالت علينا بالفراق
فهلا عدت الينا بقصيدة من روائعك
(مشتاقين الك والحسين)
ههههههههه
ننتظرك يا ابن الناصرية ..موطن الشعراء
يالله لا تخلينا على نار

آني هماتين راح أستفز الشعراء فأقول
كاميران عبد عداي إنت موخوش شاعر وقصائدك كلش ضعيفه
ميثاق الهلالي وإنت هم موخوش شاعر وقصائدك متريح الگلب
واثنينكم موخوش شعراء







هههههههههههههههههههههههههههه

لا وعلي آني هماتين أتشاقه وتمازح معاكم
والله انتو ورده مال الله

أساتذتي أولا
وأخوتي ثانيا

علي الدرويش و حليم السيد حافظ

حبي لكما وأنا بخدمتكم وخدمة الحسين والعراق

أنتظروا جديدي

ميثاق

بسم الرحمن الرحيم

نشكر الإخوة على مشاركتهم في هذه المناظرة الشعرية الأكثر من رائعة ، نتمنى من الحكام أن يضعوا النتيجة النهائية للمناظرة لنلغي تثبيت الموضوع و نبدأ بمناظرة جديدة .
من ناحيتي لا أعتقد أن هناك خاسر في هذه المناظرة فالجميع فاز بالثواب عند مديحه لمحمد و آل محمد (ص) و فاز بإخوة جدد .

و الله الموفق دائما و أبدا

تلميذكم الصغير : بو غازي

السلام عليكم اخوتي الأعزاء

معذرتا انا كنت مشغولا هذه الأيام عنكم.

اشكركم اخوتي ميثاق الهلالي وكاميران عبد عداي على هذه المجامله.

بس صدگوني چنت صدك ادوّر عليكم ولگيتكم والحمد لله.


ننتظر منكم مايزيل الدمعه ويزيد في شوقنا الى ماهو جديد


الأخ ميثاق

شلونهه الناصرية بعد اخوك

هم بعدهه الناس تركض لليطيح ***** وتنكث ترابه وتعينه على الوقوف

وهم بعدهه الناس تفزع لليتيم ***** وتترس جيوبه بكرم ذيچ الچفوف

وهم بعد ذي قار تبجي على الغريب ***** وبالدموع انهار محميه بجروف

شگد عدم صدام بيهه من الليوث ***** وما سمعت بليث يولد له خروف

الليوث اطباعهه توّلد ليوث ***** وماكو ليث من الهظم يبچي ويعوف

شگد هضيمه!!! من نميمه !!! ***** تطيح اركان الصفوف

اشّافت الغراف من ذيچ السنين ***** بس نهر حزنان ملفوف ابطيوف

وبشرف ذي قار وكل طيب عفيف ***** وبأهلها الأبد ماردّت ظيوف

تبقى ذي قارك ابد طول السنين ***** منبع الأقلام ترسم بالحروف

************** منبع الأقلام ترسم بالحروف ******************

بعدما سألتك شلونهه الناصريه جاء ماجاء مني


مع شوقي اليكم

إلى وزير الكهرباء العراقي00واهديها ألى اخي سيف المنتظر 000وهي رد على الأخ كاميران

قال وزير الكهرباء إن اهل الناصرية والبصره لايملكون الحس الوطني

واقول له

وزير الكهرباء أسمحلي أنت منين= من يابلد جاي تريد تلغينه؟

يبويه أحنه جبل تلغينه بيش تريد = كبلك دكوا وماكدروا علينه

يالترسوا صوانيك ذهب والماس = تره غير الشمع ماكو بصوانينه

كلي الوطني الباع العراق وراح؟= وعالسبلت ورد رمان خدينه

لو أبن العراق الظل يلاوي الموت = خلص واجبه وماغمضت عينه

ولك بلوه ابتيلينه بناس مدري منين = اجاك اولة امس ويريد يمحينه

ردنه وياك نعبر كبل بس ماصار= شو يم الحدود وبجن رجلينه

يعمي احنه الفشك واحنه النخل والماي = واحنه اسم الوطن وترابته وطينه

لو مو تحجي ذوله احنه العراقيين= ثوب المايعجبك لايك علينه

خط الوطنيه بدمنه ماتطفيه = ظنك كهرباء تريد تطفينه؟

أحنه الناصريه العبرينه الضيم = لهسه من السواتر ظل اثر بينه

حبايب عالشجر تكتب أسامي الشوك = واحنه عله الدروع نخط أسامينه

كتبنه الذكريات بساحة التدريب = وعلى ابواب المواضع نلغي ماضينه

بميدان الرمي احلام عدنه ازغار = لكن بالهجوم تطيح امانينه

تراب المعركه هذا الصبغ لو جوه = مو ربك تره الصابغ معانينه

على خط المنايه الواحد بميتين = وواحدنه بعد ماعبر عشرينه

خلصنه المكابر هالكد احنه نموت = واجرنه السمه لكبور اهالينه

وتعبنه المغيسل وابتله الدفان = وخطيه اهل النجف بلوه أبتلوا بينه

ومو كل موت يتسجل على التاريخ = بس موت الشرف ركزت عناوينه

واحذرك ياوزير الانطفاء انوب = تعلم للحجي وافهم قوانينه

ماتعرف تكحل خلها هيج العين = مرات اليكحل تنفكس عينه

مرات اليكحل تنفكس عينه

كلك ذوق وروعه ياميثاق

الذهب لو يتكطع زغار زغار يبقى اسمه ذهب محد يگدر يغيره وداعتك

سماي الچانت بضي دوم اجتني بليلهه الموحش
وجفه طير المحبه وراح وتلايم وراه العش
ردتني بحزني اواسيك وردتني ابفرحه اجي معرعش
وردتني بحيلي اشيل هموم واسجي بكاع ماراحت فلحهه اتطش
جبتني بضيم اجيتك طيب اجيتك صافي ومابيه شي يخدش
يهل تدفن ترابك ذبه مره وكوم لتضل كل ثلث تيام صم ترش
يضل خايب ذليل الماكسر منجل البضلوعه گام يحش
وتره جدم العثر مره يعثر مرات وابد مو عين اسمي العين التغلمش
ولا اذن التعدي حچايه للغلطان ماتستاهل من الدم تضل تبش
انه معوز صديج وياي واليعتاز مايرضاش ربك بالعطيه تغش
انه دموعي انزلن بس ليك ونطر لامته چفوفك تجيني تمش
فخر بيرك حفرته بقزمه وبمسحاه وبد ماله فخر للببره بيه ينبش
وجرعت سنين عمري مرافگ ويه العوز وحس بعظامي گام العوز وك يجرش
وتاني العيد اگولن بلكي لمعيدين لو ضحكو يضحكونه ومنسمع اش
وجسم الليل عالنوم التنامه الناس اجسم النوم عالحلمان واليفرش
ومرحب بالهموم المالهن صداد وحيرن ويه روحي بياهو انبلش
يهل تدفن ترابك ذبه مره وكوم انه الموتي رحتله بزود انت دفان متوهوش
دذب اترابك الله وياك انه بعينك صفيت شما ردت ترمش



كاميران العداي

طيب الله أنفاسك أخي كاميران ننتظر المزيد منك يا حبيب .

[frame="7 80"]

*********** مامشتاك *****************************
مامشـتـاك الــك لاتشـعـل شـمــوع = تره دمـوع الشمـع تجـوي الصوانـي

ولاتــنــثــر ورد وتـهـلــهــل افــــــراح = انه من اسمع هلاهل تبجي اذانـي

نهـر ودك انانـي وجرفـي عطـشـان = وكـلـت مــاذل وامــد ايــدي لانـانـي

تـوهـه الـنـار هــادت حــدر الضـلـوع = مـامـعــقــول ارد لــلــنـــار ثـــانــــي

طاوعني الكلب بس خوفي اللّسان = يـذكـر عـشـرتـك واكـطــع لـسـانـي

بـعـد مــارد الــك واحركـهـا الـعـيـون = واكـفــر بـالـدمــع وكــــت الـنـدامــه

والـعـن كــل محـبـه تهـبـط الـــراس = اغلـى مـن العشـك عنـدي الكرامـه

أسف دارت ضلوعـي وشالتـك طيـر = انــه ادريـبـك نسر!شفـتـك حـمـامـه

وربـيـتـك غـصــن واتـنـطــر افــيــاي= صـرت قـوس وعلـي تـردف سهامـه

مـانـرهــم بــعـــد لاتــلـــف وتـــــدور =عيـش بعيـد عـنـي وخلـنـي مـرتـاح

شكثـر هـو العـمـر ويخـلـص جــروح =وآنه شكثر مـن عمـري انتهـى وراح

حجـيـك مايهـزنـي وكـافـي تمـثـيـل =جـذابــه الـدمــوع بـعـيــن تـمـســاح

مفـتـاح وقـفــل جـنــت آنـــه ويـــاك= هـســه اثـنـيـنـه تـحـولـنـه مـفـتــاح

بـعـيـد بـغـيـر عـالــم عـنــي خـلـيـك= لاحـــــــن واجـــيــــك ولاتـجــيــنــي

يــادرب العـطـش يبّـسـت السـنـيـن= حـــد ماتـعـبـت وطـاحــت سنـيـنـي

وهـســه تـريــد ارد وتـــرد الـدمــوع= ماظـل دمــع خـاطـر تبـجـي عيـنـي

جبيـنـك بـالـوحـل يـالـرافـع الـــراس =وأنــه طـايـح لـجـن واكــف جبـيـنـي

انــــــــــــه طــــــايــــــح لــــــجــــــن واكــــــــــــف جـــبـــيـــنــــي

[/frame]

بسمه تعالى
السلام عليكم ورحمة الله وبركاته


بالله عليكم قولو ا لي انت شعراء لا لا لا أبدا انتم عشراء
والله العشرة معاكم ذهب على العموم يا جماعة لو حبذا تغيروا من بعض الحروف لأن اشعاركم شعبية في كثير من الاحيان ونحن نقرأ شعبي بس الحروف تكتب بالعربية يعني غيروا بالحروف شوية

الشاعر ميثاق الهلالي بالقصيدة تقول :

طاوعني الكلب بس خوفي اللّسان = يـذكـر عـشـرتـك واكـطــع لـسـانـي

اني اقرأ هكذا الگلب ..... واگطع

حجـيـك مايهـزنـي وكـافـي تمـثـيـل =جـذابــه الـدمــوع بـعـيــن تـمـســاح

حچيك ..چذابة

لمعرفة الحروف ولأنها فارسية يمكن ان تدونها في كتابك علشان ما تنسوا


پ ... Alt+0129
چ ... Alt+0141
ژ ... Alt+0142
گ ... Alt+0144

يعني تضغط على الزر Alt مع اضافة الارقام

علشان القصيدة قراءة وكتابة تصير جميلة وروعة مثل روعتكم

موفقين