إعـــــــلان

**بنت الحكيم** · 01-07-2006, 04:06 PM

السلام عليكم
اهلا و مرحبا فيك اختنا خادمة ابو فاضل وجميع الاعضاء
عندى لغز وارد منكم الحل
احم احم
مثل الطشت بالماي جيتك مسيس
مركب فجل سويت وجروخه شلغم

**محب حيدر الكرار** · 01-07-2006, 09:39 PM

ههههههههههههههه
عاشت ايدج اختنه بنت الحكيم على هالدارمي الحلو حقيقه دارمي ايضحك
او كلماته كلش حلوه اوهسه اشرحه الكم :-

مثل الطشت (( الطشت وعاء كبير واسع ويكون موعميق يعني عمقه قليل بس عريض يستعملنه بيبياتنا كانن وامهاتنه هم بالسابق لغسل الملابس يعني غساله فول اوتوماتيك ههههههههه )) بالماي جيتك مسيس (( مسيس يعني طافو يطفو الشيء على الماء وهنا قصده لان الوعاء واسع وخفيف فراح يمشي بسرعه على سطح الماي وهو اجه بس مدري المن هيج بسرعه ))
وهنا الشطر اليضحك ايكول صنعت مركب حتى اجي بيه الك بس المركب ((يعني القارب او البلم او سفينه صغيره ))هذا صنعه من الفجل ((الفجل احد انواع الخضار )) وسواله عجلات تايرات من الشلغم هههههههههههه ((الشلغم طبعا هو احد ثمار الخضراوات المشهور بالعراق واكله كلش طيبه ايسووه اما سلق او مرك طبعا نسوان اول بيبياتنا كانت ايسونه مركه تاكلون اصابيعكم وراه ايحطنله دبس او شكر هيج ايصير حامض حلو بس شنو اطيب شي ))

مادري بنت الحكيم شهيتينه على مرك الشلغم ياترى تعرفين اشلون ايسووه لولا؟

تسلمون جميعا على تواصلكم وي كهوة ام علي التي لا زالت غائبه عنها بدون عذر شرعي هههههههههههههههههه
وسلامي الكم جميعا

**إماراتي** · 01-07-2006, 09:49 PM

ههههههههههه حلوه القهوه بس ماعرف اتكلم عراقي

آني من الامارت بس بكعد احجي وياكم شويه يمكن اتعلم

**محب حيدر الكرار** · 01-07-2006, 10:15 PM

انا موشاعر حقيقه ولو انا احب شعر الدارمي وهو حلو كثير
بس راح ارد عليج بنت الحكيم وهم نريد التفسير
يعني الغرض مو الشعر انما معرفة الكلمات :-

لون ﻂﮓ الفجل بالماي يمعزه اشلون
لاهو ﮔﻳﺶ واعبر ليك ولا انا اعرف الفوج

انريد تفسير البيت

**ليتني** · 02-07-2006, 05:08 PM

مشكورين يا أعضاء ...

وباخص محب حيدر الكرار على ترحيبة فيني...

بس انا بصراحة ضايعة بينكم ومو فاهمه شي من الكلام هذا بس حلو كملوا..

على الأقل الأخ uaeson يعرف شوي بس انا ميح ما أعرف

ليتنـــــــــــــــــــــي

**بنت الحكيم** · 04-07-2006, 10:47 AM

السلام عليكم يااعضاء المنتدى الغالي
اخي من وين جبت هاللغز كلش صعب ولكن بالبحث و الاستقصاء توصلت للنتائج التالية
لون انطق الفجل بالماي يعني اذا نبت الفجل داخل الماى و على الاكثر يقصد ماى الشط
يمعزه اشلون كلمة معزة تعني ابو المصائب او مشحر باللبناني
اشلون يعني كيف وهذه سهلة
كيش يعني حد الماء او مستوى الماء و عادة تدخل عصاة داخل الماء لمعرة الكيش
الفوج يعني العوم او السباحة

**محب حيدر الكرار** · 04-07-2006, 11:39 AM

السلام عليكم ورحمة الله وبركاته
اشلونكم اخواني خواتي جميعا
الله بالخير لكل الموجودين بالمقهى ويانه
اختي الكريمه بنت الحكيم لازم ننطيكي جائزه على معرفتك حل اللغز ولو مبينه مساعدة الاهل معاكي وانتي قلتيها بس مشكورة على هذا الجهد ووفقكم الله جميعا.

اكو التباس بسيط بالمعنا :-
الدارمي الكتبته اختنه بنت الحكيم يتحدث عن شخص قد اتى الى شخص اخر ببمركب ((سفينه صغيره)) من الفجل
فكان جواب الاخر اي جوابي ((لو طك الفجل )) يعني لو انكسر المركب المسويه من فجل لان الفجل ميقاوم الماء القوي
راح تصير بوسط النهر ويقول له انا ما اعرف اسبح ((افوج)) حتى اوصل ليك وخرجك من الماء وايضا ايقول له الماء منسوبه عالي مو ((كيش)) يعني مايمكن ان اسير بيه على رجلي ويكون راسي خارج الماء(0هذا معنى الكيش = منسوب الماء عندما تدخل فيه لا يغطي الراس))
فهنا المعنى العام انه ايمنعه ان ياتيه بالهمركب المهلهل.
وهذا هو المعنى الصحيح للدارمي
وشكرا الكم جميعا

والسلام عليكم ورحمة الله وبركاته

**العلويه زهراء** · 04-07-2006, 06:21 PM

ياعيوني شكَد حلو وانتم تتكلمون عراقي وانا بعد عراقيه

بس بصراحه خوش والله محب علي الكرار عمو انته كفو والله

مشكور ياعمي ياابو الغيره

**العلويه زهراء** · 04-07-2006, 06:32 PM

اقول جا وين ماكو هريس لو لاء

**العلويه زهراء** · 04-07-2006, 06:41 PM

الله بالخير شلونكم زينين يعني معقوله

انا زعلت شنهي ==============ياسلام احجي جبايشي

شنهي السالفه شنهو تردون تطردوني من الكَهوه

**سمـ نورالثقلين ـات** · 05-07-2006, 03:24 PM

صبولي جاي مهيل يله

**سمـ نورالثقلين ـات** · 05-07-2006, 03:25 PM

والله انا مااحب الشاي بس حبيت اشوف تسوون الجاي طيب لولاء

**alhasany** · 05-07-2006, 04:28 PM

سلام عليكم

اني اخوكم ميثم الحسني من بغداد الحزينة والله هل الايام طبعاً اني ماعرف اللهجة الجنوبية مع العلم والدي او والدتي من النجف بس اني من الكرادة فالغالبية العظمى شيعة والسنة اللي بيهة مسالمين
فهمات يكون الطابع الجنوبي بيهة طاغي
يابة بلكي فد نركيلة وجاي مهيل بعد اخوك

**محب حيدر الكرار** · 05-07-2006, 05:04 PM

السلام عليكم جميعا
والله بالخير للموجودين بقهوت اختكم ام علي اللي صارت اشهر من نار على علم

يابه خواتي اخواني المشتركين معانا احنه موبس انبيع جاي مهيل انريد نتعلم ونعلم لهجتنه العراقيه الحلوة لكل اخواننا
حتى اليجينه بالزياره يعرف اشنحجي زين .

هههههههههههههههههه قابل احنه نحجي هندي خوما هندي بس احنه هم شوية انريد نتسلى مو تمام

المهم احنا انريد منكم مشاركات جمل كلمات لابد اتسمعون كلمات غريبه تقرون جيبوه النه واحنا نترجمه او انتم ترجموها.

انا ماراح اخللي اي جمله او كلمات حتى اتشاركون معانا

ننتظر مشاركتكم .

والف هله بيكم جميعا وخاصه خواتنا واخوانا اللي انضمولنا بالجديد

**بنت الحكيم** · 06-07-2006, 12:55 PM

السلام عليكم
انا اليوم جبت بعض ابيات الشعر
واريد التفسير
صدك ترضى يباري الكون يا معبود
مطربه ناس ومكيفه وناس جرود
ضنكه عيشة المسكين و المكرود
موت ولا يظل بين الخلك ذيه
اعتقد انه مو صعب ابدا
تحياتي للجميع

المواضيع	إحصائيات	آخر مشاركة
فيديو صوم عاشوراء بدعة أموية ! بواسطة مروان1400 أنشئ بواسطة مروان1400, اليوم, 07:32 AM	ردود 0 13 مشاهدات 1 معجب	آخر مشاركة بواسطة مروان1400 اليوم, 07:32 AM
المقتل مقتل الامام الحسين ع بصوت عبدالزهرة الكعبي ..مكتوب بواسطة مروان1400 أنشئ بواسطة مروان1400, 29-06-2025, 05:21 AM	ردود 0 165 مشاهدات 0 معجبون	آخر مشاركة بواسطة وهج الإيمان 29-06-2025, 10:59 PM
بإسناد معتبر مباهلة سيدنا برير مع يزيد بن معقل في أن عليا هو إمام الهدى والحق وإنتصاره عليه بواسطة وهج الإيمان أنشئ بواسطة وهج الإيمان, 05-09-2020, 11:35 AM	ردود 5 214 مشاهدات 0 معجبون	آخر مشاركة بواسطة وهج الإيمان 03-07-2025, 10:06 PM
أول حسينية بناها الإمام علي عليه السلام ( بيت الأحزان ) بواسطة وهج الإيمان أنشئ بواسطة وهج الإيمان, 05-10-2019, 08:51 AM	ردود 10 647 مشاهدات 0 معجبون	آخر مشاركة بواسطة مروان1400 اليوم, 07:24 AM
مقتل علي الأكبر بن الإمام الحسين ( ع) بصوت الشيخ عبدالزهراء ( خادمها ) الكعبي بواسطة وهج الإيمان أنشئ بواسطة وهج الإيمان, 19-09-2018, 12:35 AM	ردود 4 1,567 مشاهدات 0 معجبون	آخر مشاركة بواسطة وهج الإيمان 04-07-2025, 10:41 PM

إعـــــــلان

للاشتراك في (قناة العلم والإيمان): واتساب - يوتيوب

قهوة عراقيه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين