تويت
وين صار ميثاق الهلالي
وين صار كاميران عبد عداي
شنو گطعتوا فرد گطعه
عسى خير ان شاء الله
وين صار كاميران عبد عداي
شنو گطعتوا فرد گطعه
عسى خير ان شاء الله
-
-
***************************************المشاركة الأصلية بواسطة سيف الأمام المنتظر
السلام عليكم كيف حالك سيد
أنشاء الله خير
أنا كنت في النجف الاشرف
في مدينه الضرغام الاشم
شاركت في مهرجان شعري
وفازت قصيدتي بالمرتبة الأولى
حبي لك وللاخوه
والاخوات
كافه
ميثاقتعليق
-
الاخ العزيز سيف الامام المنتظر انا الان اقوم بكتابه قصيده بحب الامام الجواد وستكون جاهزه يوم غد ان شاء الله
واليك مطلع هذه القصيده
حبله سنين الوفه بابن الغريب = وطوله ذيج السنين عله العباد
وبيه ربك جان يمتحن الانام = وللرضا اتصفه الردي نهل الجهاد
ولنه تطلك وانتشر نور اللاه = وفكس عيون الشرك نور الجوادتعليق
-
وكما وعدتكم اليكم الان قصيدة في حب الامام الجواد تلبية لطلب
الشاعر الكبير حليم السيد حافظ
القصيدة
حملت سنين الوفه بابن الغريب = وطولت ذيچ السنين على العباد
وبيه ربك چان يمتحن الانام = وللرضا تصفه الردي من اهل الجهاد
ولنه تطلگ ونتشر نور الاله= وفگس عيون الشرك نور الجواد
ولنه كل الدنيا تزهي ومن جديد= الباري يفتح جنته ويطي المراد
چي تطغوا گالوا طفل ميصير امام= وللحلم ما وصل گالوا والرشاد
وسال يحيى وصححت انت السؤال= وعدت لابن اكثم سؤاله باجتهاد
وصار مفهوم العمر عنك بعيد= وبامامتكم وجوب الاعتقاد
نعم واجب نعتقد بيك الامام= عيسى گبلك بالمهد للحق اعاد
وانتوا بيكم تدعوا الله الانبياء= ومن اجلكم الله عمرها البلاد
نعم دين الله بامامتكم يقوم= وانت قطعا چان بيك الاعتقاد
وانتوا كل من ثورة اله ويالكافرين= وكلكم من حسين اخذتوا الاتقاد
لان شمس حسين طشرهه الاله= نور للوادم لاجل يوم المعاد
وانت فرقد من قرص شمس الحسين= وابد ما ترضى على الذل الرقاد
يا جواد الدين اسمك دل عليك= اثنين في شخصك فلا دخلوا عناد
بنار چنك تحترگ للمعتنيك= ومتهيب حتى لو تصبح رماد
وادم ارتدت لان عاشت تريد= تحترف مفهوم معنى الارتداد
وعجبة لمن ردت الوادم عليك= صحت بالوادم وبالدنيا المزاد
والحضن جدك الكاظم من اجيت= كمليت الهل بلد ثوب السواد
وست آيمه اندفنوا بارض العراق= وحگنه اذن من تنذكر نوگف حداد
الاخ العزيز ميثاق الهلالي
للتفضل بالرد...حيث اني كلي شوقا لسماع الرد
تحياتي لكل اعضاء المنتدى الكريم
كاميران العدايتعليق
-
بسم الله الرحمن الرحيم
--------------------
اللهم صلي على محمد وال محمد
الاخوة ميثاق الهلالي..وكاميران عبد عداي
اعتذر عن تاخري بالرد عليكم..
ولكني ما زلت اجد في قصائدكم
الروعة والقوة
وخصوصا القصيدة الاخيرة للاخ كاميران عبد عداي
التي كانت بحق الامام الجواد عليه السلام
وبما اني رايت في الاخ كاميران ..المعين الذي
لاينضب في قصائد مدح ال البيت ..فمن حقي ان اطلب
منه قصيدة تكون في الامام الهادي عليه السلام
واني ارى الى هذه اللحظة...
ان الاخ كاميران متفوقا بعض الشيء على شعر الاخ ميثاق
وما زالت المناظرة قائمة الى اخر المشوار
اخوكم الاصغرتعليق
-
ومضات شعريه
[frame="7 80"][/frame]
حبيناك حيدر بس تعبنه أهواي = وتحملنه الذبح بأشكاله وفنونه
دورنه أبدالك مالكينه أحباب = ياهو اليستحق وينذبح دونه
ولوما إنت كدها وكسّريت خشوم = محمد ماقبل تصعد على متونه
00000000000000000000000000000000000000000000000000 00000000
طحت إنت نعم بس طاحت عروش = شيسوي الجبل بالكاع إذا طاح
خطيه مسودنين وفاتهم شوط = غشمه ومادروا بالدم إذا صاح
رصاص الدم صفر يمه الشواجير = وإذا هد وعلي يشك حلك السلاح
000000000000000000000000000000000000000000000
شكد قصص تعبانه مرت عالخيال = ومن رعبهن كمت أخاف من القصص
تدري بيه قماش بايد من زمان = جاانت شدعوه أعله كيفك بالمكص
00000000000000000000000000000000000
انه تحيرت بيه ودخت وياي = وبجت وياي عيني بدم عليه
أخذني وياك مني وكلشي ماريد= إذا سافرت وحدك شلّي بيه؟؟
00000000000000000000000
مل من السمال الوطن والله = وينراد عله كده نفصل الثوب
والمايحط جفه بجفنه اتركوه= شنسويله ياخي؟يطبه الف طوب
000000000000تعليق
-
مقاطع شعرية اكثر من رائعة الا اننى لم افهم ماذا تقصد بالمقطع الاخير
مل من السمال الوطن والله
ماذا يعني السمال؟؟؟؟؟؟؟تعليق
-
المشاركة الأصلية بواسطة sinaa
أهلا بك أخت سيناء
وشكرا لمرورك
ومعنى {السمال}
الملابس الباليه القديمه
ميثاقتعليق
-
شكرا لردك وهذه الكلمة تصلح لسؤال حزازير على قناة العراقيةتعليق
-
المشاركة الأصلية بواسطة sinaa
تدللين سيناء وتامرين أمرتعليق
-
نريد أروع و أجمل قصيدة في حب سيدة نساء العالمين فاطمة الزهراء و بنتها العقيلة زينب الكبرى عليهما السلام . أريد أن تركزوا على مصابهما و مظلوميتهما خصوصا حادثة إسقاط الجنين و إخفاء القبر الشريف . و لكي أعطيكم لمحة عن ذلك و لكي تستلهموا الأجواء و الأحداث أهديكم هذه المحاضرة القيمة جدا رقم 343
تعليق
-
الاخ العزيز لواء الحسين المحترم
في حقيقه الامر بدأت الان بكتابه قصيده للامام علي الهادي
يعني ( عله كيفكم ويانه )
سالبي اولآ طلب الاستاذ الكبير الشاعر علي الدرويش بقصيده الامام علي الهادي وبعدها سالبي طلبك في قصيده الزهراء عليها السلام
شكرا لك
على مساهمتك الجميله وجعلها الله في ميزان حسناتكتعليق
-
993366تعليق
-
مالذي تعنيه ياأخ كاميران بهذا الرقم المذكور
هل هي قصيدة رقميه هداك اللهتعليق
-
اليكم قصيدة الامام علي الهادي ( عليه السلام )
وكفت بعتبتك ياسيدي ومولاي = لكيت العتبة هيه تصيح وتنادي
يلمتيه تعال الجنة الله هنا = تتيه شلون ونته بحضره الهادي
وطفت جني بجنانك من طفت والله = وعلى ابوابك رجيت حمولي وشدادي
لان جنك وياي وسولفت ويـــاك = وكبل لااحجي انته انطيتني مرادي
امامي شما اكولن ماالك وفيت = وانول الجنة كون وياك تعدادي
واشوفك حي رغم ما فاركت دنياك = لأن لي هسة اشوفك بالفكر حادي
ومشيت بعزتك ما دنكت للجور = لانك موطبيعي ولا شخص عادي
وعشت وكت الطغاة الطاغي دنك ليك = ومشت انته على خشم عداك متهادي
يسلبك عزتك يلكاك عزة وجاه = شينكص لو غرفك من بحرك العادي
متفايض كرامه ووجه عندك جان = حضنت نوره وتعلت بالعلا بلادي
والك تبقه المعاني ويرد كل الجود = والك يبقى ولائي وفكري وسنادي
وتمر ذكرى وفاتك انكلب تابوت = وصف روحي بمشيتي واعلن حدادي
وحس الدمعه تنزل من دليلي عليك = ولك انصب عزاء بلبه افداي
مولاي شكثر رادت توصفك ناس = ماكدرت لان ما لك مثل سادي
واكيد الي يوصفك يبقى حاير بيك = لان من الله نورك بالاصل بادي
وتمر ذكرى الولادة وكلي اصير شموع = والم جروحي بيك وتصبح ضمادي
واكوم اشكر الهي واحمده واثنيه = لان بجعفريتي احترم ميلاديتعليق
| المواضيع | إحصائيات | آخر مشاركة | ||
|---|---|---|---|---|
|
ردود 0
18 مشاهدات
0 معجبون
|
بواسطة وهج الإيمان
24-09-2025, 10:12 AM
|
تعليق